photo: amarujala
ରିଲାଏନ୍ସ ଏଡିଏ ଗ୍ରୁପର ଚେୟାରମ୍ୟାନ ଅନୀଲ ଅମ୍ବାନୀଙ୍କ ପରେ ତାଙ୍କ ପତ୍ନୀ ଟିନା ଅମ୍ବାନୀ ଇଡିରେ ହାଜର ହୋଇଛନ୍ତି ଏବଂ ନିଜ ବୟାନ ରେକର୍ଡ କରିଛନ୍ତି । ଫରେନ ଏକ୍ସଚେଞ୍ଚ ଲ’କୁ ଉଲଙ୍ଘନ କରିଥିବା ସମ୍ପର୍କରେ ତଦନ୍ତ କରିବା ପାଇଁ ଟିନା ଅମ୍ବାନୀଙ୍କୁ ପଚରାଉଚୁରା କରାଯାଇଛି । ଏଥିପାଇଁ ଟିନା ଇଡି କାର୍ଯ୍ୟାଳୟରେ ପହଞ୍ଚିଥିଲେ, ଯେଉଁଠାରେ ଅଧିକାରୀମାନେ ତାଙ୍କ ବୟାନ ରେକର୍ଡ କରିଛନ୍ତି । ଏଜେନ୍ସି ତରଫରୁ ପୁଣିଥରେ ଅନୀଲ ଅମ୍ବାନୀଙ୍କୁ ତଦନ୍ତ ପାଇଁ ଡକା ଯାଇପାରିବ ବୋଲି କୁହାଯାଉଛି ।
ଏହା ପୂର୍ବରୁ ଅନୀଲ ଅମ୍ବାନୀ ଫରେନ ଏକ୍ସଚେଞ୍ଜ ମ୍ୟାନେଜମେଣ୍ଟ ଆକ୍ଟ’ ବା FEMA ର ଧାରା ଅନୁସାରେ ୩ ଜୁଲାଇରେ ବୟାନ ରେକର୍ଡ କରିଥିଲେ । ଏହି ସପ୍ତାହ ଶେଷରେ କେନ୍ଦ୍ରିୟ ଏଜେନ୍ସି ସାମ୍ନାରେ ସେ ହାଜର ହେବାର ସମ୍ଭାବନା ରହିଛି । ସୂଚନା ଅନୁସାରେ ଏହି ଦମ୍ପତିଙ୍କର ବିଦେଶରେ ଅଘୋଷିତ ସମ୍ପତ୍ତି ଏବଂ ଟଙ୍କା କାରବାର ସହ ସମ୍ପୃକ୍ତି ଥିବାରୁ ଏହି ତଦନ୍ତ କରାଯାଉଛି ।
ୟେସ ବ୍ୟାଙ୍କର ପ୍ରବର୍ତ୍ତକ ରାଣା କପୁର ଏବଂ ଅନ୍ୟମାନଙ୍କ ବିରୋଧରେ ମନି ଲର୍ଣ୍ଡିଂ ମାମଲାରେ ଅନୀଲ ଅମ୍ବାନୀ ୨୦୨୦ରେ ଇଡିରେ ହାଜର ହୋଇଥିଲେ । ଗତ ବର୍ଷ ଅଗଷ୍ଟ ମାସରେ ଦୁଇଟି ସ୍ୱିସ ବ୍ୟାଙ୍କ ଆକାଉଣ୍ଟରେ ଜମା ହୋଇଥିବା ଟଙ୍କାରେ ଟ୍ୟାକ୍ସ ଦେଇନଥିବା ଅଭିଯୋଗରେ ଆୟକର ବିଭାଗ ଅମ୍ବାନୀଙ୍କୁ ଏକ ନୋଟିସ ଜାରି କରିଥିଲା । ମାର୍ଚ୍ଚରେ ଆୟକର ବିଭାଗର ଏହି କାରଣ ଦର୍ଶାଅ ନୋଟିସକୁ ରୋକିବା ପାଇଁ ବମ୍ବେ ହାଇକୋର୍ଟ ନିର୍ଦ୍ଦେଶ ଦେଇଥିଲେ ।
ଦେଶର ଧନୀ ବ୍ୟକ୍ତିଙ୍କ ମଧ୍ୟରେ ଗଣା ଯାଉଥିବା ଅମ୍ବାନୀ ପରିବାରର ନେଟଓ୍ଵର୍ଥ ହ୍ରାସ ପାଇବାରେ ଲାଗିଛି । କିଛି ମାସ ପୂର୍ବରୁ ବିଦେଶରେ ହୋଇଥିବା ଏକ ଶୁଣାଣିରେ ଅନୀଲ ଅମ୍ବାନୀ ତାଙ୍କ ନେଟଓ୍ଵର୍ଥ ଜିରୋ ବୋଲି କହିଥିଲେ । ଏହାକୁ ନେଇ ଖୁବ ବିବାଦ ହୋଇଥିଲା ।
ବ୍ରହ୍ମଗିରି (କେନ୍ୟୁଜ): ଆଜି ଠାରୁ ମହାପ୍ରଭୁ ଅଲାରନାଥଙ୍କ ଅଣସର ଦର୍ଶନ । ଚଳିତ ବର୍ଷ ୧୩ଦିନ ଧରି ଚାଲିବ ଏହି…
ନୂଆଦିଲ୍ଲୀ : ଥମୁନି ନିଟ୍ ବିବାଦ । ନିଟ୍ ପ୍ରଶ୍ନପତ୍ର ଲିକ୍ ବିବାଦ ମାମଲାରେ କେନ୍ଦ୍ର ସରକାରଙ୍କ ବଡ଼ ଘୋଷଣା…
ମେଷ: ଆଜି ଆପଣଙ୍କ ପାଇଁ ଦିନଟି ମିଶ୍ରିତ ରୂପେ ଲାଭଦାୟକ ରହିବ । ପାରିବାରିକ ସମ୍ପର୍କ ମଧୁର ହେବ ।…
ଭୁବନେଶ୍ୱର : ମୁଖ୍ୟମନ୍ତ୍ରୀଙ୍କ ମୌସୁମୀ ଋତୁରେ ସମ୍ଭାବ୍ୟ ବନ୍ୟା ପରିଚାଳନାର ପ୍ରସ୍ତୁତି ସମୀକ୍ଷା କଲେ ମୁଖ୍ୟମନ୍ତ୍ରୀ। ଜଳସମ୍ପଦ ବିଭାଗର ବରିଷ୍ଠ…
ଉମରକୋଟ: ଶିକ୍ଷା ମନ୍ତ୍ରୀଙ୍କ ଅଚାନକ ବିଦ୍ୟାଳୟ ପରିଦର୍ଶନ । ନବରଙ୍ଗପୁର ଜିଲ୍ଲା ଉମରକୋଟ ସ୍ଥିତ ସରକାରୀ ପ୍ରାଥମିକ ବିଦ୍ୟାଳୟ ଡାଙ୍ଗରୀଗୁଡାକୁ…
ଭୁବନେଶ୍ୱର : କିଟ୍ ଓ କିସ୍ ପ୍ରତିଷ୍ଠାତା ଡ. ଅଚ୍ୟୁତ ସାମନ୍ତଙ୍କୁ ଆଇଏସଟିଇ ଜୀବନବ୍ୟାପୀ ସାଧନା ପୁରସ୍କାର ପ୍ରଦାନ କରାଯାଇଛି।…