Photo credit: India Tv
ସ୍କିନ ଆଣ୍ଡ ହେୟାର କ୍ଲିନିକରେ ଗ୍ରାହକଙ୍କ ୩୦ ଲକ୍ଷ ଟଙ୍କାର ହୀରା ମୁଦି ଚୋରି କରିନେଲେ କର୍ମଚାରୀ । କିନ୍ତୁ ଧରାପଡିଯିବା ଭୟରେ ଟଏଲେଟରେ ହୀରା ମୁଦିକୁ ଫୋପାଡିଦେଲେ । ପୋଲିସ ଟଏଲେଟ ପାଇପକୁ ହୀରା ମୁଦିକୁ ବାହାର କରିବା ସହିତ ଚୋରି କରିଥିବା ମହିଳା କର୍ମଚାରୀଙ୍କୁ ଗିରଫ କରିଛି । ହାଇଦ୍ରାବାଦର ଏକ ସ୍କିନ ଆଣ୍ଡ ହେୟାର କ୍ଲିନିକରେ ଏଭଳି ଘଟଣା ଘଟିଛି ।
ପୋଲିସ କହିବା ମୁତାବକ, ଗତ ସପ୍ତାହରେ ଜଣେ ମହିଳା ଜୁବୁଲି ହିଲ୍ସ ସ୍ଥିତ ଏବଂ ସ୍କିନ ଆଣ୍ଡ ହେୟାର କ୍ଲିନିକକୁ ଯାଇଥିଲେ। ସେଠାରେ ହେୟାର ଟ୍ରିଟମେଣ୍ଟ ବେଳେ ସେ ନିଜ ମୁଦିକୁ ବାହାର କରି ନିକଟରେ ଥିବା ଏକ ବକ୍ସ ଉପରେ ରଖିଥିଲେ। ଏହାପରେ ସେ ମୁଦିକୁ ଭୁଲିଯାଇ ନିଜ ଘରକୁ ଚାଲି ଯାଇଥିଲେ। ତେବେ ଘରକୁ ଆସିବା ପରେ ମୁଦି କ୍ଲିନିକରେ ଛାଡି ଆସିଥିବା କଥା ଜାଣିପାରିଥିଲେ । ପୁଣି କ୍ଲିନିକକୁ ଫେରି ନିଜ ମୁଦି କଥା ପଚାରିଥିଲେ । କିନ୍ତୁ କ୍ଲିନିକର କର୍ମଚାରୀ କିଛି କହିନଥିଲେ । କର୍ମଚାରୀଙ୍କ ଠାରୁ କିଛି ଉତ୍ତର ନ ପାଇବାରୁ ମହିଳା ଜଣକ ଥାନାରେ ଅଭିଯୋଗ କରିଥିଲେ ।
ପୋଲିସ କ୍ଲିନିକରେ ପହଞ୍ଚି କର୍ମଚାରୀଙ୍କୁ ପଚରାଉଚରା କରିଥିଲା । କିନ୍ତୁ କିଛି ସଫଳତା ପାଇନଥିଲା । ପରେ ପୋଲିସ ଜଣେ ମହିଳା କର୍ମଚାରୀଙ୍କୁ ଗୁଡାଇତୁଡାଇ ପ୍ରଶ୍ନ ପଚାରିବାରୁ ସବୁ ସତ ଓଗାଳି ଦେଇଥିଲେ ମୁଦି ଚୋରି କରିଥିବା କର୍ମଚାରୀ । ଯୁବତୀ କର୍ମଚାରୀ ଜଣକ ଚୋରି କରିଥିବା ସ୍ୱୀକାର କରିଥିଲେ। ମାତ୍ର ଧରା ପଡ଼ିଯିବା ଭୟରେ ସେ ଉକ୍ତ ମୁଦିକୁ ସେଲୁନରେ ଥିବା ଟଏଲେଟରେ ପକାଇ ଫ୍ଳସ୍ ମାରି ଦେଇଥିବା କହିଥିଲେ ।
ଏହାପରେ ପୋଲିସ ପାଇପ୍ କର୍ମଚାରୀ ଆଣି ଉକ୍ତ ଲାଟିନର ପାଇପକୁ ଖୋଲିବାରୁ ସେଥିରେ ମୁଦିଟି ଥିବା ଦେଖିବାକୁ ମିଳିଥିଲା। ପୋଲିସ ମୁଦି ପାଇବା ପରେ ମହିଳାଙ୍କୁ ମୁଦି ଫେରାଇଥିବା ବେଳେ ଚୋରି କରିଥିବା ମହିଳାଙ୍କୁ ଗିରଫ କରିଛି ।
ପୁରୀ (କେନ୍ୟୁଜ): ଅତ୍ୟଧିକ ସ୍ନାନଯୋଗୁ ମହାପ୍ରଭୁ ଏବେ ଅସୁସ୍ଥ। ଗତକାଲି ସ୍ନାନବେଦିରେ ୧୦୮ ଗରା ସୁବାସିତ ଜଳରେ ସ୍ନାନ ପରେ…
ବ୍ରହ୍ମଗିରି (କେନ୍ୟୁଜ): ଆଜି ଠାରୁ ମହାପ୍ରଭୁ ଅଲାରନାଥଙ୍କ ଅଣସର ଦର୍ଶନ । ଚଳିତ ବର୍ଷ ୧୩ଦିନ ଧରି ଚାଲିବ ଏହି…
ନୂଆଦିଲ୍ଲୀ : ଥମୁନି ନିଟ୍ ବିବାଦ । ନିଟ୍ ପ୍ରଶ୍ନପତ୍ର ଲିକ୍ ବିବାଦ ମାମଲାରେ କେନ୍ଦ୍ର ସରକାରଙ୍କ ବଡ଼ ଘୋଷଣା…
ମେଷ: ଆଜି ଆପଣଙ୍କ ପାଇଁ ଦିନଟି ମିଶ୍ରିତ ରୂପେ ଲାଭଦାୟକ ରହିବ । ପାରିବାରିକ ସମ୍ପର୍କ ମଧୁର ହେବ ।…
ଭୁବନେଶ୍ୱର : ମୁଖ୍ୟମନ୍ତ୍ରୀଙ୍କ ମୌସୁମୀ ଋତୁରେ ସମ୍ଭାବ୍ୟ ବନ୍ୟା ପରିଚାଳନାର ପ୍ରସ୍ତୁତି ସମୀକ୍ଷା କଲେ ମୁଖ୍ୟମନ୍ତ୍ରୀ। ଜଳସମ୍ପଦ ବିଭାଗର ବରିଷ୍ଠ…
ଉମରକୋଟ: ଶିକ୍ଷା ମନ୍ତ୍ରୀଙ୍କ ଅଚାନକ ବିଦ୍ୟାଳୟ ପରିଦର୍ଶନ । ନବରଙ୍ଗପୁର ଜିଲ୍ଲା ଉମରକୋଟ ସ୍ଥିତ ସରକାରୀ ପ୍ରାଥମିକ ବିଦ୍ୟାଳୟ ଡାଙ୍ଗରୀଗୁଡାକୁ…