image credit: Zee News
କାହାର ଫୋଟୋ ଉଠେଇବା କିମ୍ବା ନିଜ ଫଟୋ ଉଠେଇବାକୁ ନେଇ ଅନେକଙ୍କ ଠାରେ ଏକ ପ୍ରକାର କ୍ରେଜ ରହିଥାଏ । ବିବାହ ସମୟରେ ତ ଜଣେ ଦକ୍ଷ ଫଟୋ ଗ୍ରାଫର ଧରାବନ୍ଧା ହୋଇ ରହିଥାଏ । ଆଉ ଆଜିକାଲି ତ ଏମିତି ସମୟଯେ ଛୋଟ ଛୋଟ କଥାରେ ଲୋକଙ୍କ ବିବାହ ଭାଙ୍ଗିବାରେ ଲାଗିଛି । ବର ସାଥିରେ ଜଣେ ଫଟୋଗ୍ରାଫରଙ୍କୁ ଆଣିନଥିଲା ବୋଲି କନ୍ୟା ବାହା ହେବାକୁ ମନା କରିବା ଭଳି ଅତି ଛୋଟ ଧରଣର ଘଟଣା ବି ଘଟିଚାଲିଛି । ଏମିତି ହିଁ ଏକ ସମାନ ଧରଣର ଘଟଣା ଘଟିଛି ଉତ୍ତରପ୍ରଦେଶର ମଙ୍ଗଳପୁରରେ । ଏଠି ଯେବେ ବର ପକ୍ଷର ଲୋକେ ସାଥିରେ ଫଟୋଗ୍ରାଫରଙ୍କୁ ନେଇ ପହଂଚି ନଥିଲେ ସେସମୟରେ କନ୍ୟା ଜଣଙ୍କୁ ରାଗ ଆସିଯାଇଥିଲା । ଆଉ ଏହା ପରେ ସେ ବିବାହ କରିବାକୁ ମନା କରିଦେଇଥିଲେ ।
ଉତ୍ତରପ୍ରଦେଶ କାନପୁର ଜିଲ୍ଲାର ମଙ୍ଗଳପୁର ଗାଁରେ ଶନିବାର ରାତିରେ ନାଚ ଗୀତ କରି ବରଯାତ୍ରୀ ଦଳ ଆସି ପହଞ୍ଚିଥିଲେ । ଏହା ପରେ ବର ଜଣଙ୍କୁ ସ୍ୱାଗତ କରାଯିବା ସହିତ ପ୍ରତ୍ୟକଟି ନୀତିନିୟମକୁ ପାଳନ କରାଯାଇଥିଲା । ଯେଉଁ ସମୟରେ ଜୟମାଲ ପ୍ରଥା ଆରମ୍ଭ ହୋଇଥିଲା କନ୍ୟା ଜଣଙ୍କ ଆସି ପହଂଚିଥିଲେ । ସେତେବେଳେ ଦେଖିବାକୁ ପାଇଥିଲେକି କୌଣସି ଫଟୋଗ୍ରାଫର ଆସିନାହାନ୍ତି । ଏପରି ଏକ ଅବସ୍ଥା ଦେଖି କନ୍ୟା ଜଣଙ୍କୁ ରାଗ ଲାଗିଥିଲା । ଆଉ ସେ ବିବାହ କରିବାକୁ ସଫା ସଫା ମନା କରିଦେଇଥିଲେ ।
କାନପୁର ଜିଲ୍ଲା ମଙ୍ଗଳପୁର ଗାଁରେ ଶନିବାର ନାଚଗୀତ କରି ପହଂଚିଥିଲେ । କିନ୍ତୁ ତା ପରେ ଯାହା ଘଟିଥିଲା ତାହା ସମସ୍ତଙ୍କୁ ଆଶ୍ଚର୍ଯ୍ୟ କରିଦେଇଛି । ପ୍ରଥମେ ପ୍ରଥମେ କନ୍ୟା ଜଣଙ୍କୁ ଘର ଲୋକେ ବୁଝେଇବାକୁ ଚେଷ୍ଟା କରିଥିଲେବି କନ୍ୟା ଆଦୌ ବୁଝିନଥିଲେ । ଏମିତିକି ପଂଚାୟତ ବି ବସିଥିଲା । କିନ୍ତୁ କିଛି ବି ଲାଭ ହୋଇନଥିଲା । କନ୍ୟା ଜଣଙ୍କ ସିଧା ସିଧା ବିବାହ କରିବାକୁ ମନା ହିଁ କରିଦେଇଥିଲେ । ଫଳରେ ବର ଜଣଙ୍କୁ ଶିଶୁପାଳ ହୋଇ ଫେରିବାକୁ ପଡିଲା ।
ଭାରତୀୟ ରେଲୱେରେ ଚାକିରି ଖୋଜୁଥିଲେ ଆପଣଙ୍କ ପାଇଁ ଖୁସି ଖବର । ଆରଆରବି ଗ୍ରୁପ ଡି ପାଇଁ ୧,୦୩,୭୬୯ ପଦବୀ…
ବିଗିଡ଼ିଲା ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ଵାଲଙ୍କ ସ୍ୱାସ୍ଥ୍ୟାବସ୍ଥା । କୋର୍ଟ ରୁମ୍ରେ ତାଙ୍କ ସୁଗାର ସ୍ତର କମିଯାଇଥିବା ସୂଚନା ମିଳିଛି…
ବ୍ରିଟିଶ ପ୍ରଧାନମନ୍ତ୍ରୀ ରିଷି ସୁନକଙ୍କ ଉତ୍ତର ଇଂଲଣ୍ଡସ୍ଥିତ ଘରେ ୪ ଜଣ ଯୁବକ ବେଆଇନ ଭାବେ ପ୍ରବେଶ କରିଛନ୍ତି ।…
ପୁରୀ: ରତ୍ନ ଭଣ୍ଡାର ତୁରନ୍ତ ମରାମତି ପାଇଁ ମୁଖ୍ୟମନ୍ତ୍ରୀଙ୍କୁ ଚିଠି । ଚିଠି ଲେଖି ଅନୁରୋଧ କଲେ ବାଲୁକା ଶିଳ୍ପୀ…
ଦିଲ୍ଲୀର ଜଳ ଓ ଶିକ୍ଷା ମନ୍ତ୍ରୀ ଅତିଶୀ ବର୍ତ୍ତମାନ ହସ୍ପିଟାଲରେ ଅଛନ୍ତି । ତାଙ୍କ ସ୍ୱାସ୍ଥ୍ୟାବସ୍ଥା ବିଷୟରେ ପଚାରି ବୁଝିବା…
ଯାଜପୁର ଟାଉନ : ଚାରି ଫୁଟ୍ ଲମ୍ବର ନାଗ ସହ ସାତଟି ନାଗ ଛୁଆ ଉଦ୍ଧାର । ଦଶରଥପୁର ବ୍ଲକ…