ଏଣିକି ରାଜ୍ୟ ସରକାର କିଣିବେ ଗୋବର। ଶୁଣିବାକୁ ଅଖାଡ଼ୁଆ ଲାଗୁଥିଲେ ମଧ୍ୟ କଥାଟି ସତ। ଛତିଶଗଡ଼ ରାଜ୍ୟ ସରକାର ଏବେ ଲୋକଙ୍କ ଠାରୁ ଗୋବର କିଣିବାକୁ ଘୋଷଣା କରିଛନ୍ତି। କିଲୋପ୍ରତି ଦେଢ଼ ଟଙ୍କାରେ ସରକାର ଏହି ଗୋବର କିଣିବେ ବୋଲି ଜଣାଯାଇଛି। ନିକଟରେ ଗୋବର କିଣିବା ପାଇଁ ରାଜ୍ୟ ସରକାର ଏକ ମନ୍ତ୍ରିମଣ୍ଡଳୀୟ ଉପସମିତି ମଧ୍ୟ ଗଠନ କରିଛନ୍ତି। ଏହି ସମିତି ଗୋବର ଦାମ୍ ଉପରେ ମୋହର ମାରିଛି। ଏନେଇ ଛତିଶଗଡ଼ର କୃଷି ମନ୍ତ୍ରୀ ଓ ସମିତି ଅଧ୍ୟକ୍ଷ ରବୀନ୍ଦ୍ର ଚୌବେ ଘୋଷଣା କରିଛନ୍ତି।
ଶ୍ରୀ ଚୌବେ କହିଛନ୍ତି ଯେ ଆମେ କିଲୋ ପ୍ରତି ଦେଢ଼ ଟଙ୍କା ଦାମ୍ରେ ଚାଷୀଙ୍କ ଠାରୁ ଗୋବର କିଣିବାକୁ ନିଷ୍ପତ୍ତି ନେଇଛୁ। ଜୁଲାଇ ୨୧ ହରେଲି ପର୍ବ ଠାରୁ ଗୋବର କିଣା ଆରମ୍ଭ ହେବ। ଗୋଦାନ ନ୍ୟାୟ ଯୋଜନା ନାମକ ଏକ ଯୋଜନା ଅନ୍ତର୍ଗତ ଏହି ଗୋବର କିଣାଯିବ। ଏନେଇ ମୁଖ୍ୟମନ୍ତ୍ରୀ ଭୁପେଶ ବଘେଲ କହିଛନ୍ତି ଯେ ପଶୁପାଳନକୁ ରୋଜଗାର କରିଥିବା ଲୋକଙ୍କୁ ଏହି ଯୋଜନା ଦ୍ୱାରା ଲାଭ ମିଳିବ। ଏଥିସହ ଗୋବର ଯୋଗୁ ରାସ୍ତାଘାଟ ଆଉ ଅପରିଷ୍କାର ହେବ ନାହିଁ। ଏଣୁ ପରିବେଶକୁ ପରିଷ୍କାର ରଖିବାକୁ ସରକାରଙ୍କ ତରଫରୁ ଏଭଳି ଅଭିନବ ଯୋଜନା ହାତକୁ ନିଆଯାଇଛି।
କୃଷି ମନ୍ତ୍ରୀଙ୍କ କହିବାନୁସାରେ ଗାଁରେ ଗଠନ କରାଯାଇଥିବା ସମିତି କିମ୍ବା ମହିଳା ସ୍ୱୟଂ ସହାୟକ ସଂସ୍ଥା ଘରକୁ ଘର ବୁଲି ଗୋବର ସଂଗ୍ରହ କରିବେ। ଏଥିପାଇଁ ଏକ ସ୍ୱତନ୍ତ୍ର କାର୍ଡ ତିଆରି କରାଯିବ। କାର୍ଡରେ ପ୍ରତିଦିନ କିଏ କେତେ ଗୋବର ଦେଲା ତାହାର ହିସାବ ରହିବ। ୧୫ ଦିନ ପରେ ଗୋବର ପାଇଁ ଟଙ୍କା ପୈଠ କରାଯିବ ବୋଲି ମନ୍ତ୍ରୀ କହିଛନ୍ତି। ଏହି ଗୋବରରୁ ଘଷି ଓ ଗୋବର ଗ୍ୟାସ୍ ଉତ୍ପାଦନ କରାଯିବ ବୋଲି ଜଣାଯାଇଛି।
ମୋହନା(କେନ୍ୟୁଜ) : ସାରା ରାଜ୍ୟରେ ଗ୍ରୀଷ୍ମ ପ୍ରବାହ ବଢ଼ିବାରେ ଲାଗିଥିବାବେଳେ ଗଜପତି ଜିଲ୍ଲାରେ ମଧ୍ୟ ଅସହ୍ୟ ଗରମ ଅନୁଭୂତ ହେଉଛି…
ଭୁବନେଶ୍ୱର (କେନ୍ୟୁଜ): ବିଜେପି ଉପରେ ପୁଣି ବର୍ଷିଲେ କାର୍ତ୍ତିକ ପାଣ୍ଡିଆନ୍ । କେନ୍ଦ୍ରରେ ଦଶ ବର୍ଷ କ୍ଷମତାରେ ରହିବା ସତ୍ତ୍ବେ…
ସେଣ୍ଟ୍ରାଲ ବ୍ୟାଙ୍କ ଅଫ ଇଣ୍ଡିଆରେ ଭର୍ତ୍ତି ପାଇଁ ନୋଟିଫିକେସନ ଜାରି ହୋଇଛି । ଏହା ଅନୁଯାୟୀ ବ୍ୟାଙ୍କରେ ବିଭିନ୍ନ ପଦବୀ…
କଟକ (କେନ୍ୟୁଜ): କଟକ scb ବଡ଼ ମେଡିକାଲରେ ଭର୍ତ୍ତି ହେଲେ ବିଧାୟକ ପ୍ରଶାନ୍ତ ଜଗଦ୍ଦେବ । ସ୍ୱାସ୍ଥ୍ୟ ଅବସ୍ଥା ଖରାପ…
ଜୟପୁର(କେନ୍ୟୁଜ): ହୋଇଯାଆନ୍ତୁ ସାମଧାନ । ବିଡ଼ି, ସିଗାରେଟ, ଗୁଟୁଖା,ଖଇନି ଖାଉଥିଲେ ଚାଲିଯିବ ଜୀବନ । କାଳ ସାଜିପାରେ ଗୁଟୁଖା ଖାଇବା…
ଭୁବନେଶ୍ୱର ପେଟ୍ରୋଲ ଦରରେ ପରିବର୍ତ୍ତନ ହୋଇଥିବା ଦେଖିବାକୁ ମିଳିଛି । ସେହିପରି ଦେଶ ଅନ୍ୟ କିଛି ସ୍ଥାନରେ ଦର ଖସି…