photo: ORF
ବର୍ତ୍ତମାନ ଚୀନ ସହ ଅନ୍ୟାନ୍ୟ ଦେଶରେ କରୋନା ହୁହୁ ହୋଇ ମାଡ଼ି ଚାଲିଛି। ଦୈନିକ ହଜାର ହଜାର ଲୋକଙ୍କର ମୃତ୍ୟୁ ଘଟୁଛି। ଏବେ ଭାରତ ସମେତ ସାରା ବିଶ୍ୱରେ କରୋନା ବିପଦ ଆଶଙ୍କା ମଧ୍ୟରେ ଏକ ବଡ଼ ଖବର ସାମ୍ନାକୁ ଆସିଛି। ଦାବି କରାଯାଉଛି ଯେ ଭାରତରେ କୋଭିଡ-୧୯ ମାମଲା ଜାନୁଆରୀରେ ଦ୍ରୁତ ଗତିରେ ବ୍ୟାପିପାରେ। ଏମିତିରେ ଆଗାମୀ ୪୦ ଦିନ ଭାରତ ପାଇଁ ଗୁରୁତ୍ୱପୂର୍ଣ୍ଣ ହେବାକୁ ଯାଉଛି। ମହାମାରୀ ବିସ୍ତାରର ପୂର୍ବ ଗତି ଦର୍ଶାଇ ସରକାରୀ ସୂତ୍ର ଏହି ସୂଚନା ଦେଇଛି।
ଯଦି ସ୍ୱାସ୍ଥ୍ୟ ମନ୍ତ୍ରଣାଳୟର ସୂତ୍ରକୁ ଦେଖାଯାଏ, ତା’ ହେଲେ ଗତଥର ପୂର୍ବ ଏସିଆରେ କରୋନା ଆସିବାର ୩୦ରୁ ୩୫ ଦିନ ପରେ ଭାରତରେ ମହାମାରୀର ଏକ ନୂଆ ଲହର ଆସିଥିଲା। ଏହା ଏକ ଟ୍ରେଣ୍ଡ ହୋଇଛି। ଯଦିଓ ଏହା ବି କୁହାଯାଇଛି କି, ସଂକ୍ରମଣର ଗମ୍ଭୀରତା କମ୍ ରହିଛି। ଯଦି କରୋନାର ଲହର ଆସେ, ତା’ ହେଲେ ଏଥିରେ ମୃତ୍ୟୁ ସଂଖ୍ୟା ଏବଂ ସଂକ୍ରମିତଙ୍କୁ ଡାକ୍ତରଖାନାରେ ଭର୍ତ୍ତି କରିବାର ହାର ବହୁତ କମ୍ ରହିବ।
ଚୀନ ଏବଂ ଦକ୍ଷିଣ କୋରିଆ ସମେତ କେତେକ ଦେଶରେ କରୋନା ମାମଲା ଦ୍ରୁତ ଗତିରେ ବଢ଼ି ଚାଲିଛି। ଏହାରି ଭିତରେ କେନ୍ଦ୍ର ସରକାର ସତର୍କ ହୋଇଯାଇଛନ୍ତି। କୌଣସି ବି ପରିସ୍ଥିତିର ମୁକାବିଲା ପାଇଁ ରାଜ୍ୟ ତଥା କେନ୍ଦ୍ରଶାସିତ ଅଞ୍ଚଳଗୁଡିକୁ ପ୍ରସ୍ତୁତ ରହିବାକୁ ପରାମର୍ଶ ଦିଆଯାଇଛି।
ସ୍ୱାସ୍ଥ୍ୟ ମନ୍ତ୍ରାଳୟର ଏକ ସୂତ୍ରରୁ ଜଣାପଡ଼ିଛି, ଚୀନରେ ଆସିଥିବା କୋଭିଡ୍ ଲହରର କାରଣ ହେଉଛି ଓମିକ୍ରନର ସବ୍ ଭାରିଆଣ୍ଟ BF.7। ଏହି ଭାରିଆଣ୍ଟ ବହୁତ ଅଧିକ ବେଗରେ ସଂକ୍ରମଣ ବିସ୍ତାର କରିଥାଏ ଏବଂ ଏକ ସମୟରେ ୧୬ ଜଣ ଲୋକଙ୍କୁ ସଂକ୍ରମିତ କରିପାରେ। ସ୍ୱାସ୍ଥ୍ୟ ମନ୍ତ୍ରାଳୟର କହିବା ହେଲା, ଏଥର କରୋନାର ସଂକ୍ରମଣ ଲୋକମାନଙ୍କ ପାଇଁ ଅଧିକ ଗମ୍ଭୀର ହେବ ନାହିଁ।
ମେଷ: ଶୁଭ ସମାଚାର ମିଳିପାରେ । ଛାତ୍ରଛାତ୍ରୀମାନେ ପଢାପଢିରେ ପରିବର୍ତ୍ତନ ଆଣିବେ । ଅଫିସ୍ କାର୍ଯ୍ୟରେ ବିଳମ୍ବ ହେବ ।…
ବ୍ରହ୍ମପୁର : ଦିଗପହଣ୍ଡି ଥାନା ଭୀଷ୍ମଗିରୀରେ ନାବାଳିକା ବଧୂ ହତ୍ୟା ମାମଲାରେ ପାଞ୍ଚ ଜଣଙ୍କୁ ଗିରଫ କଲା ପୋଲିସ ।…
ରୋଗୀଙ୍କୁ ଉତ୍ତମ ବ୍ୟବହାର ସହ ମାନବିକାତ ଦେଖାଅ। ମୁନ୍ନା ଭାଇ ଏମବିବିଏସ ସିନେମାର ଉପାଖ୍ୟାନ କହି, ଡାକ୍ତରମାନଙ୍କୁ ଏହି ଉପଦେଶ…
ଭୁବନେଶ୍ୱର: ରାଜ୍ୟରେ ନୂଆ ମୁଖ୍ୟ ସଚିବ ହେବେ କି ମନୋଜ ଆହୁଜା? ଏହାକୁ ନେଇ ଜୋର ଧରିଛି ଚର୍ଚ୍ଚା ।…
ଭଦ୍ରକ (କେନ୍ୟୁଜ୍) : ଭଦ୍ରକରେ ଜିଲ୍ଲା ସ୍ତରୀୟ ଆର୍ଟ ଅଫ ଗିଭିଂ ଦିବସ ସମାରୋହରେ ପାଳିତ ହୋଇଯାଇଛି । ଜିଲ୍ଲା…
ମାତୃତ୍ୱ ଛୁଟି ଉପରେ ସରକାରଙ୍କର ବଡ଼ ନିଷ୍ପତ୍ତି । ସରୋଗେସି ମାଧ୍ୟମରେ ମାଆ ହେବାକୁ ଥିବା ମହିଳାମାନଙ୍କ ପାଇଁ ଖୁସି…