ମୁମ୍ବାଇର ବାର୍ବେକ୍ୟୁ ନେସନରୁ ଶୁଦ୍ଧ ଶାକାହାରୀ ଖାଦ୍ୟ ମଗାଇବା ଯୁବକଙ୍କୁ ମହଙ୍ଗା ପଡ଼ିଛି । ଯୁବକ ଜଣକ ୟୁପି ପ୍ରୟାଗରାଜର ବାସିନ୍ଦା । ପେସାରେ ଓକିଲ ଥିବା ଏହି ଯୁବକ ଅନଲାଇନରେ ଶାକାହାରୀ ଖାଦ୍ୟ ଅର୍ଡର କରିଥିଲେ । କିନ୍ତୁ ଯେତେବେଳେ ସେ ଖାଦ୍ୟ ଖାଇବା ଆରମ୍ଭ କରିଥିଲେ, ସେଥିରୁ ଏକ ମଲା ମୂଷା ବାହାରିଥିଲା ।
ପ୍ରଥମେ ଜାଣି ନ ପାରି ଯୁବକ ଜଣକ କିଛିି ଖାଦ୍ୟ ଖାଇ ଦେଇଥିଲେ । ହେଲେ ଏହା ପରେ ତାଙ୍କ ସ୍ୱାସ୍ଥ୍ୟାବସ୍ଥା ବିଗିଡ଼ି ଯାଇଥିଲା । ଫଳରେ ତାଙ୍କୁ ହସ୍ପିଟାଲରେ ଭର୍ତ୍ତି କରାଇବାକୁ ପଡ଼ିଥିଲା । ରାଜୀବ ଶୁକ୍ଳା ନାମକ ଯୁବକ ସୋସିଆଲ ମିଡିଆରେ ଖାଦ୍ୟରେ ମଲା ମୂଷା ପଡ଼ିଥିବାର ଫଟୋ ସେୟାର କରି ଘଟଣା ବିଷୟରେ ବର୍ଣ୍ଣନା କରିଛନ୍ତି । ଏହି ଘଟଣା ଗତ ୮ ତାରିଖର ।
ସୂଚନା ରହିଛି, କୌଣସି କାମରେ ରାଜୀବ ମୁମ୍ବାଇ ଆସିଥିଲେ । ଏଠାରେ ସେ ଅନଲାଇନରେ ଓ୍ଵର୍ଲିସ୍ଥିତ ବାର୍ବେକ୍ୟୁ ନେସନରୁ ଏକ କ୍ଲାସିକ ଭେଜ୍ ମିଲ୍ ବକ୍ସ ଅର୍ଡର କରିଥିଲେ । କିନ୍ତୁ ଖାଦ୍ୟ ଡେଲିଭରି ହେବା ପରେ ଯେତେବେଳେ ସେ ପ୍ୟାକେଟ୍ ଖୋଲି ଖାଇବା ଆରମ୍ଭ କରିଥିଲେ, ସେତେବେଳେ ଡାଲ ମଖନୀରୁ ଏକ ମଲା ମୂଷା ବାହାରିଥିଲା ।
ରାଜୀବ ଶୁକ୍ଳା ସୋସିଆଲ ମିଡିଆରେ ଲେଖିଛନ୍ତି, ‘ମୁଁ ମୁମ୍ବାଇ ବୁଲିବାକୁ ଚାହୁଁଥିଲି । ଏଥିପାଇଁ ମୁଁ ଏଠାକୁ ଆସିଥିଲି । କିନ୍ତୁ ଏବେ ମୁଁ ପ୍ରୟାଗରାଜ ଫେରି ଯାଉଛି । ସମ୍ଭବତଃ, ଏହା ମୋର ଶେଷ ମୁମ୍ବାଇ ଯାତ୍ରା ହୋଇପାରେ । ମୁଁ ଶୁଦ୍ଧ ଶାକାହାରୀ ବ୍ୟକ୍ତି । ଯେତେବେଳେ ମୁଁ ବାର୍ବେକ୍ୟୁ ନେସନରୁ ଖାଦ୍ୟ ମଗାଇଲି, ସେମାନେ ମୋତେ ଜୀବନର ସବୁଠୁ ବଡ଼ ଧୋକା ଦେଲେ । ଖାଦ୍ୟରେ ମଲା ମୂଷା ଓ ଅସରପା ପଡ଼ିଥିଲା, ଯାହା ଫଳରେ ମୋତେ ଫୁଡ୍ ପଏଜନିଂ ହୋଇ ଯାଇଥିଲା ଏବଂ ମୁଁ ହସ୍ପିଟାଲରେ ଭର୍ତ୍ତି ହୋଇଥିଲି’ ।
ଲକ୍ଷ୍ମୀପୁର : ଆଜି କୋରାପୁଟ ଜିଲ୍ଲା ନାରାୟଣପାଟଣା ଥାନା ଗଦରାଗୁଡ଼ା ଏବଂ ପିଲ୍କୁର୍ ଗାଁରେ କାଳବୈଶାଖୀର ପ୍ରଭାବ ଦେଖିବାକୁ ମିଳିଛି…
ଦିଗପହଣ୍ଡି : ଗଞ୍ଜାମ ଜିଲ୍ଲା ପାଟପୁର ଥାନା ଅନ୍ତର୍ଗତ ସାନଖେମୁଣ୍ଡି ବ୍ଲକ ଗାନ୍ଧୀ ଛକରେ ବଜ୍ରାଘାତରେ ଦୁଇ ଯୁବକଙ୍କ ମୃତ୍ୟୁ…
ଗତ ୭୨ ଘଣ୍ଟାରେ ରାଜ୍ୟରେ ଅଂଶୁଘାତରେ ୨୦ଜଣଙ୍କ ମୃତ୍ୟୁ ଘଟିଛି । ଏହି ସମୟ ମଧ୍ୟରେ ୯୯ଟି ଅଂଶୁଘାତଜନିତ ମୃତ୍ୟୁ…
ସେହି ରେଳ ଧାରଣା ଅଛି । ସେଇଠି ଟ୍ରେନ୍ ବି ଚାଲୁଛି । ତଥାପି ଗୁମୁରି ଗୁମୁରି କାନ୍ଦୁଛି ଏ…
ବାଲେଶ୍ୱର ଜିଲ୍ଲା ବାହାନଗାଠାରେ ଘଟିଥିବା ମର୍ମନ୍ତୁଦ ରେଳ ଦୁର୍ଘଟଣାକୁ ପୂରିଛି ଏକ ବର୍ଷ । ଏଭଳି ଦୁର୍ଘଟଣାରେ ମର୍ମାହତ ହୋଇ…
ଗଞ୍ଜାମ : ପ୍ରବଳ ଗ୍ରୀଷ୍ମ ପ୍ରବାହ ଲାଗିରହିଛି । ଅସହ୍ୟ ଗରମ ଗୁଳୁଗୁଳିରେ ଛଟପଟ ହେଉଛନ୍ତି ପୁରା ଓଡ଼ିଶାବାସୀ ।…