ନୂଆଦିଲ୍ଲୀ : କାର ଚକା ତଳେ ଘୋଷାଡ଼ି ହୋଇ ମୃତ୍ୟୁ ଘଟିଥିବା ଯୁବତୀଙ୍କ ସହ ଯୌନ ନିର୍ଯାତନା ହୋଇ ନାହିଁ । ଅଟୋପ୍ସୀ ପରେ ଏହ ସ୍ପଷ୍ଟ ହୋଇଛି। ମୌଲାନା ଆଜାଦ ମେଡିକାଲରେ ମୃତ ଅଞ୍ଚଳୀଙ୍କର ଅଟୋପ୍ସୀ ହୋଇଥିଲା । ଏକ ଡାକ୍ତରୀ ଟିମ୍ ଅଟୋପ୍ସୀ କରିଥିଲେ । ଅଟୋପ୍ସୀ ରିପୋର୍ଟ ପାଇବା ପରେ ପୋଲିସ କହିଛି, ମୃତ୍ୟୁ ପୂର୍ବରୁ ଯୌନ ନିର୍ଯାତନାର ଶିକାର ହୋଇ ନଥିଲେ ଅଞ୍ଜଳୀ ।
ତାଙ୍କ ଗୁପ୍ତାଙ୍ଗରେ କୌଣସି ଆଘାତ ଲାଗିନି। କେବଳ ଗାଡ଼ିରେ ଘୋଷାଡ଼ି ହୋଇ ଯାଇଥିବାରୁ ତାଙ୍କର ମୃତ୍ୟୁ ଘଟିଛି। ଜାନୁଆରୀ ୧ ଭାରିଖ ଭୋର ସମୟରେ ଅଞ୍ଜଳୀଙ୍କ ସ୍କୁଟିକୁ ଏକ ବଲେନୋ କାର୍ ଧକ୍କା ଦେଇଥିଲା। ଏହା ପରେ କାର୍ ତଳେ ୧୨ କିଲୋମିଟର ପର୍ଯ୍ୟନ୍ତ ଘୋଷାଡ଼ି ହୋଇ ଯାଇଥିଲେ ଅଞ୍ଜଳୀ ।
ପ୍ରକାଶଯୋଗ୍ୟ, ମିଳିଥିବା ଭିଡିଓ ଓ ତାଙ୍କ ପୁରୁଷ ବନ୍ଧୁ ଦେଇଥିବା ତଥ୍ୟ ଅନୁଯାୟୀ, ମୃତ୍ୟୁର ୧୫ ମିନିଟ୍ ପୂର୍ବରୁ ପୁରୁଷ ବନ୍ଧୁଙ୍କ ସହ ପାଟିତୁଣ୍ଡ ହୋଇଥିଲେ ଅଞ୍ଜଳୀ ସିଂ। ସାମ୍ନାକୁ ଆସିଛି ଏହି ଭିଡିଓ । ଯେଉଁ ହୋଟେଲରେ ଅଞ୍ଜଳୀ ଓ ତାଙ୍କ ପୁରୁଷ ବନ୍ଧୁ ନିଧି ଜିରୋ ନାଇଟ ପାର୍ଟି କରିଥିଲେ ସେହି ହୋଟେଲ ସାମ୍ନାରେ ଉଭୟେ ପାଟିତୁଣ୍ଡ ହୋଇଥିଲେ । ଝଗାଡ଼ା ବଢ଼ିବାରୁ ତାଙ୍କୁ ଏଠାରୁ ପଳାଇବାକୁ କହିଥିଲେ ହୋଟେଲ କର୍ମଚାରୀ।
ପରେ ଜଣେ ମହିଳାଙ୍କ ସହ ସ୍କୁଟିରେ ରାତି ପ୍ରାୟ ୨ଟା ବେଳେ ହୋଟେଲରୁ ପଳାଇ ଆସିଥିଲେ ଅଞ୍ଜଳି। ସେ ମଦ ପିଇ ସ୍କୁଟି ଚଳାଇଥିଲେ । କିଛି ସମୟ ଭିତରେ ତାଙ୍କୁ ଧକ୍କା ଦେଇଥିଲା ଏକ ବଲେନୋ କାର । ଏଥିରେ ଡ୍ରାଇଭର ସମେତ ୫ ଜଣ ଥିଲେ । ସେମାନେ ସମସ୍ତେ ମଧ୍ୟ ମଦ ନିଶାରେ ଚୁର ଥିଲେ ।
ଦୁର୍ଘଟଣା ପରେ କାର୍ ଆକ୍ସେଲରେ ଲାଗି ଯାଇଥିଲା ଅଞ୍ଜଳିଙ୍କ ଗୋଡ଼ । ୧୨ କିଲୋମିଟର ଘୋଷାଡ଼ି ହୋଇ ଯାଇଥିଲେ ଅଞ୍ଜଳି। ସଂପୂର୍ଣ୍ଣ ଉଲଗ୍ନ ଅବସ୍ଥାରେ ମିଳିଥିଲା ତାଙ୍କ ମୃତଦେହ। ତେବେ ଦୁର୍ଘଟଣା ପରେ ସାମାନ୍ୟ ଆହତ ହୋଇଥିବା ତାଙ୍କ ସହଯାତ୍ରୀ ଭୟରେ ଦୌଡ଼ି ପଳାଇଥିବା ଗଣମାଧ୍ୟମକୁ କହିଛନ୍ତି ।
ଭୁବନେଶ୍ୱର: ବଦଳିଲା ପାଣିପାଗର ମିଜାଜ। ରାଜଧାନୀର ବିଭିନ୍ନ ସ୍ଥାନରେ ପ୍ରବଳ ବର୍ଷା । ଭୁବନେଶ୍ୱରର ବିଭିନ୍ନ ସ୍ଥାନରେ ପ୍ରବଳ ବର୍ଷା…
ଭୁବନେଶ୍ୱର: ଓଡ଼ିଶାକୁ ମଦ ମୁକ୍ତ କରିବା ପାଇଁ ଯୋଜନା । ସାମାଜିକ ସୁରକ୍ଷା ଓ ଭିନ୍ନକ୍ଷମ ସଶକ୍ତୀକରଣ ମନ୍ତ୍ରୀଙ୍କ ବଡ଼…
ପ୍ରତି ବର୍ଷ ୩୦ ଲକ୍ଷ ଲୋକଙ୍କର ମଦ ପାଇଁ ଯାଉଛି ଜୀବନ । ବିଶ୍ୱ ସ୍ୱାସ୍ଥ୍ୟ ସଂଗଠନ ମଙ୍ଗଳବାର ଏହା…
ଆଇସିସି ଟି୨୦ ବିଶ୍ୱ ସେମିଫାଇନାଲରେ ପ୍ରବେଶ କରି ଇତିହାସ ରିଚିଛି ଆଫଗାନିସ୍ତାନ ଟିମ୍ । ଅଷ୍ଟ୍ରେଲିଆକୁ ହରାଇ ଟି୨୦ ବିଶ୍ୱକପରୁ…
ପୁରୀ: ରଥଯାତ୍ରା ଦେଖିବେ ରାଷ୍ଟ୍ରପତି । ୭ ଓ ୮ ତାରିଖ ଦୁଇ ଦିନ ପୁରୀରେ ରହି ଶ୍ରୀଜିଉଙ୍କୁ ଦର୍ଶନ…
ଭାରତୀୟ ରେଲୱେରେ ଚାକିରି ଖୋଜୁଥିଲେ ଆପଣଙ୍କ ପାଇଁ ଖୁସି ଖବର । ଆରଆରବି ଗ୍ରୁପ ଡି ପାଇଁ ୧,୦୩,୭୬୯ ପଦବୀ…