କେନ୍ୟୁଜ୍(ବ୍ୟୁରୋ): ମିଳିଲା ବିଧିବଦ୍ଧ ପୋଲିସ ଅନୁମତି । ସାଧାରଣତନ୍ତ୍ର ଦିବସରେ ଦିଲ୍ଲୀରେ ସମାନ୍ତରାଳ ଟ୍ରାକ୍ଟର ପରେଡ କରିବେ ଚାଷୀ । ଏପଟେ ସାଧାରଣତନ୍ତ୍ର ଦିବସ ପରେଡ୍ ଚାଲିଲା ବେଳେ ସେପଟେ କିଷାନ ଗଣତନ୍ତ୍ର ପରେଡ୍ କରିବେ ଚାଷୀ। ରିଂରୋଡ ଉପରେ ହେବ ପରେଡ୍ । ଶହେ କିଲୋମିଟର ବ୍ୟାପି ଶାନ୍ତିପୂର୍ଣ୍ଣ ପରେଡ୍ ହେବ । ସଂଧ୍ୟା ସୁଦ୍ଧା ପୁଣି ଫେରି ଆସିବେ ସିଂଘୁ ସୀମାକୁ । ସାମିଲ ହେବ ଏକ ହଜାରରୁ ଅଧିକ ଟ୍ରାକ୍ଟର । ଶନିବାର ପୋଲିସ ଅନୁମତି ମିଳିଥିବା ଚାଷୀଙ୍କ ଘୋଷଣା ପରେ ପଞ୍ଜାବ ଓ ହରିଆଣାରୁ ଶହ ଶହ ସଂଖ୍ୟାରେ ଟ୍ରାକ୍ଟର ଦିଲ୍ଲୀ ମୁହାଁ ହୋଇଛି । ଗତକାଲି ଅନୁମତି ମିଳିଥିବା ଚାଷୀଙ୍କ ଦାବି ପରେ ଦିଲ୍ଲୀ ପୋଲିସ କହିଥିଲା, ପରେଡ୍ ପାଇଁ ଲିଖିତ ରୁଟ୍ ଜଣାଇ ନାହାନ୍ତି ଚାଷୀ।
ମୁମ୍ବାଇ ଆଡ଼କୁ ମାଡ଼ି ଆସୁଛି ଚାଷୀ ସମୁଦ୍ର । ମହାରାଷ୍ଟ୍ରର ୨୧ଟି ଜିଲ୍ଲାର ହଜାର ହଜାର ସଂଖ୍ୟାରେ ଚାଷୀ ମୁମ୍ବାଇ ମୁହାଁ । ଦିଲ୍ଲୀରେ ଚାଷୀଙ୍କ ଟ୍ରାକ୍ଟର ପରେଡ୍ର ପୂର୍ବଦିନ ରାଜ୍ୟ ରାଜଧାନୀ ମୁମ୍ବାଇରେ ଏମାନେ ପ୍ରତିବାଦ କରିବେ । ନାସିକ୍ରେ ଛୋଟ ଛୋଟ ଚାଷୀ ସଂଗଠନ ଏକାଠି ହେବା ପରେ ଅଖିଳ ଭାରତୀୟ କିଷାନ ସଭା ବ୍ୟାନରରେ ଶନିବାର ମୁମ୍ବାଇ ଅଭିମୁଖେ ପଦଯାତ୍ରାରେ ବାହାରିଥିଲେ। ୧୮୦ କିଲୋମିଟର ପଦଯାତ୍ରାରେ ଆସୁଛନ୍ତି ଚାଷୀ । ହାତରେ ବ୍ୟାନର ଆଉ ପତାକା ଧରି ସମୁଦ୍ରର ସୁଅ ଭଳି ମାଡ଼ି ଆସୁଛନ୍ତି ।
କିଛି ଘଣ୍ଟା ପରେ ଏହି ଶୋଭାଯାତ୍ରା ମୁମ୍ବାଇରେ ପହଞ୍ଚିବ। ଐତିହାସିକ ଆଜଦ ମୈଦାନରେ ଆସନ୍ତାକାଲି ବିଶାଳ ପ୍ରତିବାଦ ସଭା କରିବେ ଚାଷୀ । ଏଥିରେ ଏନ୍ସିପି ମୁଖ୍ୟ ଶରଦ ପାଓ୍ଵାର ସାମିଲ ହେବା ସୂଚନା ରହିଛି।କୃଷି ଆଇନ୍ ପ୍ରତ୍ୟାହାର ଦାବିରେ ଦୁଇ ମାସରୁ ଅଧିକ ସମୟ ଧରି ଦିଲ୍ଲୀ ସୀମାରେ ଆନ୍ଦୋଳନରେ ବସିଛନ୍ତି ଚାଷୀ। ସରକାରଙ୍କ ସହ ତୁହାକୁ ତୁହା ଆଲୋଚନା ବିଫଳ ହୋଇଛି । କାଦଶ ପର୍ଯ୍ୟାୟ ଆଲୋଚନା ବିଫଳ ହେବା ପରେ ଆନ୍ଦୋଳନକୁ ଆହୁରି ତୀବ୍ର କରିବାକୁ ଚେତାବନୀ ଦେଇଥିଲେ ଚାଷୀ।
ପ୍ରବଳ ଗ୍ରୀଷ୍ମ ତାତି ଭିତରେ ଉତ୍ତର ପ୍ରଦେଶର ନୋଏଡାରେ ଲଗାତାର ଅଗ୍ନିକାଣ୍ଡ ଘଟୁଛି । ଗତ ୩ ଦିନ ହେବ…
ରାୟଗଡ଼ା(କେନ୍ୟୁଜ୍): ବସ୍ ରେ ଲାଗିଲା ନିଆଁ । ହୁତୁ ହୁତୁ ହୋଇ ବସ୍ଷ୍ଟାଣ୍ଡରେ ଜଳିଗଲା ବସ୍ । ରାୟଗଡ଼ା ଜିଲ୍ଲା…
ଭାରତରେ ଭାରତୀୟ ରେଳ ହେଉଛି ଲୋକଙ୍କ ଲାଇଫ ଲାଇନ । ପ୍ରତିଦିନ ଲକ୍ଷ ଲକ୍ଷ ଯାତ୍ରୀ ଭାରତୀୟ ରେଳପଥ ଦେଇ…
ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କୁ ପୁଣି ଝଟ୍କା । କୋର୍ଟରୁ ତାଙ୍କୁ ଆଶ୍ୱସ୍ତି ମିଳିନାହିଁ । କୋର୍ଟ ତାଙ୍କ ମଧ୍ୟବର୍ତ୍ତୀକାଳୀନ…
ପୁରୀ(କେନ୍ୟୁଜ୍): ଦ୍ରୁତ ଗତିରେ ଆଗେଇ ଚାଲିଛି ମହାପ୍ରଭୁଙ୍କ ରଥ ନିର୍ମାଣ କାର୍ଯ୍ୟ । ଚଳଚଞ୍ଚଳ ରଥ ଖଳା l ତିନି…
ସୁବର୍ଣ୍ଣପୁର (କେନ୍ୟୁଜ) : ବାଜୁଛି ଡିଜେ ଆଉ ଡିଜେର ତାଳେ ତାଳେ ନୃତ୍ୟ କରୁଛନ୍ତି ଯୁବକମାନେ । ସେପଟେ ସୁସଜ୍ଜିତ…