ଦିଲ୍ଲୀର ପ୍ରଗତି ମୈଦାନ ଟନେଲ୍ରେ ଘଟିଛି ଏକ ଭୟଙ୍କର ଦୁର୍ଘଟଣା । ଏଠାରେ ଡିଭାଇଡର ସହ ଧକ୍କା ହୋଇ ଜଣେ ପୋଲିସ ସବ୍ ଇନ୍ସପେକ୍ଟରଙ୍କ ମୃତ୍ୟୁ ହୋଇଛି । ଦୁର୍ଘଟଣାର ସିସିଟିଭି ଭିଡିଓ ମଧ୍ୟ ସାମ୍ନାକୁ ଆସିଛି । ଏହି ଭିଡିଓରେ ପୋଲିସ ଏସ୍ଆଇ ଡିଭାଇଡର ସହ ଧକ୍କା ହେବା ପରେ ରାସ୍ତା ଉପରେ ଛିଟିକି ପଡ଼ୁଥିବା ଦେଖାଯାଉଛି ।
ଏସ୍ଆଇଙ୍କ ସ୍କୁଟି ଡିଭାଇଡର ସହ ଏତେ ଜୋର୍ରେ ଧକ୍କା ହୋଇଥିଲା ଯେ ରାସ୍ତା ଉପରେ ପଡ଼ିବାରୁ ତାଙ୍କ ହେଲ୍ମେଟ ଖସି ଯାଇଥିଲା । ଫଳରେ ମୁଣ୍ଡ ମାଡ଼ ହୋଇ ସେ ଗୁରୁତର ଆହତ ହୋଇଥିଲେ । ତୁରନ୍ତ ତାଙ୍କୁ ହସ୍ପିଟାଲ ନିଆଯିବା ପରେ ସେଠାରେ ତାଙ୍କର ମୃତ୍ୟୁ ଘଟିଥିଲା । ମୃତ ପୋଲିସକର୍ମୀଙ୍କ ନାମ ଏନ୍କେ ପବିତ୍ରନ୍ ବୋଲି ଜଣାପଡ଼ିଛି । ସେ ପୂର୍ବ ଜିଲ୍ଲା ଅପରାଧିକ ଟିମ୍ରେ ମୁତୟନ ଥିଲେ ।
ପୋଲିସ ସୂଚନା ଅନୁସାରେ, ଏହି ଦୁର୍ଘଟଣା ଏପ୍ରିଲ ୨୭ରେ ଘଟିଥିଲା । ବିଳମ୍ବିତ ରାତି ସାଢ଼େ ୧୦ଟାରେ ଦିଲ୍ଲୀ ପୋଲିସର ସବ୍-ଇନ୍ସପେକ୍ଟର ଏନ୍କେ ପବିତ୍ରନ୍ ପ୍ରଗତି ମୈଦାନ ଭିତରେ ଆସୁଥିବା ବେଳେ ଏକ ଡିଭାଇଡର ସହ ପିଟି ହୋଇଯାଇଥିଲେ । ଫଳରେ ସେ ଗୁରୁତର ଆହତ ହୋଇଥିଲେ । ସଙ୍ଗେ ସଙ୍ଗେ ତାଙ୍କୁ ନିକଟସ୍ଥ ଲେଡି ହାର୍ଡିଙ୍ଗ୍ ହସ୍ପିଟାଲ ନିଆଯାଇଥିଲା । ହେଲେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।
ଦୁର୍ଘଟଣା ସମୟରେ ପୋଲିସକର୍ମୀ ଟନେଲ୍ ଦେଇ ନିଜ ଘର ଆଇପି ଏକ୍ସଟେନ୍ସନ୍ ଆଡ଼କୁ ଯାଉଥିଲେ । ଏତିକି ବେଳେ ତାଙ୍କ ସ୍କୁଟି ଦୁର୍ଘଟଣାଗ୍ରସ୍ତ ହୋଇଥିଲା । ଏହି ସଡ଼କ ଦୁର୍ଘଟଣା ବିଷୟରେ ଖବର ପାଇ ଆଇଓ ରାହୁଲ ଘଟଣାସ୍ଥଳରେ ପହଞ୍ଚିଥିଲେ ଏବଂ ଏସ୍ଆଇଙ୍କୁ ତୁରନ୍ତ ହସ୍ପିଟାଲରେ ଭର୍ତ୍ତି କରାଇଥିଲେ । ତାଙ୍କ ଅବସ୍ଥା ଗୁରୁତର ଥିଲା । ହସ୍ପିଟାଲରେ ପହଞ୍ଚିବା ପରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।
ସେ କେରଳର ବାସିନ୍ଦା ଥିଲେ ବୋଲି କୁହାଯାଉଛି । ତାଙ୍କ ପରିବାର ଲୋକଙ୍କୁ ଦୁର୍ଘଟଣା ବିଷୟରେ ସୂଚନା ଦିଆଯାଇଛି । ସେପଟେ ଏହି ଘଟଣା ସେଠାରେ ଲାଗିଥିବା ସିସିଟିଭି କ୍ୟାମେରାରେ କଏଦ ହୋଇଛି । ଏ ନେଇ ଘଟଣାର ତଦନ୍ତ ଆରମ୍ଭ କରାଯାଇଥିବା ଜଣେ ବରିଷ୍ଠ ପୋଲିସ ଅଧିକାରୀ କହିଛନ୍ତି ।
ଯଦି ଆପଣ ଚଳଚ୍ଚିତ୍ରରେ 'ସ୍ପାଇଡରମ୍ୟାନ୍' ଦେଖିଥିବେ, ତେବେ ଆପଣ ବୋଧହୁଏ ଜାଣିଥିବେ ଷଷ୍ଠ ଇନ୍ଦ୍ରୀୟ (sixth sence) କ’ଣ କୁହାଯାଏ…
ପୁରୀ : ଚଳଚଞ୍ଚଳ ପୁରୀ ରଥଖଳା । ବିଶ୍ୱ ପ୍ରସିଦ୍ଧ ଘୋଷଯାତ୍ରା ପାଇଁ ଦ୍ରୁତ ଗତିରେ ଆଗେଇ ଚାଲିଛି ରଥ…
ଭୁବନେଶ୍ଵର : ଭୁବନେଶ୍ଵର ଚଳଚ୍ଚିତ୍ର ଉତ୍ସବର ଅନ୍ତିମ ଦିବସରେ ପ୍ରଦର୍ଶିତ ହୋଇଛି ଜାତୀୟ ପୁରସ୍କାର ପ୍ରାପ୍ତ ସିନେମା ଶୂନ୍ୟ ସ୍ବରୂପ…
ନରେନ୍ଦ୍ର ମୋଦି ତୃତୀୟ ଥର ପାଇଁ ଦେଶର ପ୍ରଧାନମନ୍ତ୍ରୀ ହେବାକୁ ଯାଉଛନ୍ତି । ଆଜି ଜୁନ୍ ୯ରେ ମୋଦି ପ୍ରଧାନମନ୍ତ୍ରୀ…
ନାଗ ଅଶ୍ୱିନଙ୍କ ନିର୍ଦ୍ଦେଶିତ ସାଇନ୍ସ ଫିକ୍ସନ ଫିଲ୍ମ ‘କଲ୍କି 2898 AD’ ଦୀର୍ଘ ଦିନ ଧରି ଖୁବ୍ ଚର୍ଚ୍ଚାରେ ରହିଆସିଛି…
ଏଥର ଏନ୍ଡିଏ ସରକାର ଗଠନରେ କିଙ୍ଗମେକରର ଭୂମିକା ଗ୍ରହଣ କରିଛି ବିହାରର ଜେଡିୟୁ । ଏହି ଦଳର ଦୁଇ ନେତାଙ୍କୁ…