ଜଗଦଲପୁର : ଆସନ୍ତାକାଲି ଛତିଶଗଡ଼ରେ ପ୍ରଥମ ପର୍ଯ୍ୟାୟ ନିର୍ବାଚନ । ମୋଟ୍ ୯୦ଟି ବିଧାନସଭା ଆସନ ମଧ୍ୟରୁ କାଲି ୧୮ଟି ଆସନରେ ଭୋଟ୍ ଗ୍ରହଣ ହେବ । ଏହା ପୂର୍ବରୁ ପୋଲିସ୍ ଓ ମାଓବାଦୀ ମୁହାଁମୁହିଁ ହୋଇଛନ୍ତି । ବର୍ତ୍ତମାନ ସବୁଠାରୁ ଅଧିକ ମାଓପ୍ରବଣ ଇଲାକା ରହିଛି ଛତିଶଗଡ଼ରେ । ପୋଲିସ୍ ଓ ବିଏସ୍ଏଫ୍ ଯବାନଙ୍କ ‘ଡେଥ୍ ଜୋନ୍’ କୁହାଯାଉଛି ଏହି ଅଞ୍ଚଳକୁ । ତେବେ ମାଓ ମୁକାବିଲା ପାଇଁ ଶେଷରେ ଡ୍ରୋନ୍ ବ୍ୟବହାର କରିଛି ପୋଲିସ୍ । ମାଓବାଦୀଙ୍କ ଗତିବିଧି ଉପରେ ଏହି ଡ୍ରୋନ୍ ଆକାଶ ମାର୍ଗରୁ ନଜର ରଖିଛି । ପ୍ରଥମ ଥର ଲାଗି ଏଠି ଡ୍ରୋନ୍ ବ୍ୟବହାର ହୋଇଛି ।
ଗୋଇନ୍ଦା ସୂଚନା ଅନୁଯାୟୀ, ଏହି ପ୍ରଥମ ପର୍ଯ୍ୟାୟ ନିର୍ବାଚନ ପୂର୍ବରୁ ଛତିଶଗଡ଼ରେ ସୁରକ୍ଷା ବ୍ୟବସ୍ଥାକୁ ଅତି କଡ଼ାକଡ଼ି କରାଯାଇଛି । ସେପଟେ ମାଓବାଦୀମାନେ ମଧ୍ୟ ସମ୍ମିଳିତ ହୋଇଛନ୍ତି । ମହାରାଷ୍ଟ୍ର, ତେଲେଙ୍ଗାନା, ଓଡ଼ିଶା ଏବଂ ଅନ୍ୟ ରାଜ୍ୟରେ ରହୁଥିବା ମାଓବାଦୀମାନେ ଏବେ ଛତିଶଗଡ଼ରେ ଏକାଠି ହୋଇଛନ୍ତି । ପ୍ରାୟ ଦଶନ୍ଧି ଧରି ମାଓବାଦୀମାନେ ସେଠାକାର ମାଓ ଇଲାକାରେ ବସବାସ କରୁଥିବା ଲୋକଙ୍କୁ ଭୋଟ୍ ଦେବାକୁ ବାରଣ କରିଛନ୍ତି । ସେମାନଙ୍କୁ ଧମକ ମଧ୍ୟ ଦେଉଛନ୍ତି ।
ଆଜି ସକାଳୁ ଲାଲ ବାହିନୀ କାଙ୍କେର ଜିଲ୍ଲାରେ ୭ଟି ବିସ୍ଫୋରଣ ଘଟାଇ ସାରିଛନ୍ତି । ସୁରକ୍ଷା କର୍ମୀଙ୍କ ସହ ସେମାନଙ୍କର ଗୁଳି ବିନିମୟ ମଧ୍ୟ ହୋଇଛି । ଛତିଶଗଡ଼ ରାଜଧାନୀ ରାୟପୁରଠାରୁ ୧୭୫ କିଲୋମିଟର ଦୂର ଏହି ଅଞ୍ଚଳରେ ଗୁଳି ବିନିମୟ ବେଳେ ଜଣେ ମାଓବାଦୀ ନିହତ ହୋଇଥିବା ବେଳେ ଜଣେ ସୁରକ୍ଷା କର୍ମୀଙ୍କ ମୃତ୍ୟୁ ହୋଇଛି ।
ସେପଟେ ମାଓବାଦୀଙ୍କ ଗତିବିଧି ଉପରେ ନଜର ରଖିଛି ଡ୍ରୋନ୍ କ୍ୟାମେରା । ଡ୍ରୋନରୁ ଉଠା ଯାଇଥିବା ଏହି ଫଟୋରୁ ଜଣାପଡ଼ିଛି ଯେ କୌଶଲନର ଅଞ୍ଚଳରେ ମେଳି ହୋଇ ଲାଲବାହିନୀ ସଦସ୍ୟମାନେ ଆବୁଜମାଦ ଜଙ୍ଗଲ ଆଡ଼କୁ ମୁହାଁଉଛନ୍ତି । ଏହି ଅଞ୍ଚଳ ସମ୍ପୂର୍ଣ୍ଣ ଭାବେ ମାଓବାଦୀଙ୍କ କବଜାରେ ରହିଛି । ଯେଉଁଠି ସୁରକ୍ଷା ବ୍ୟବସ୍ଥା ଆଦୌ ନାହିଁ ।
ରାଜଧାନୀ ଦିଲ୍ଲୀର ପ୍ରେମ୍ ନଗରରେ ଘଟିଛି ଏକ ଭୟାବହ ଅଗ୍ନିକାଣ୍ଡ । ଏଠାରେ ଘରେ ନିଆଁ ଲାଗି ପରିବାରର ୪…
ଆଇସିସି ଟି୨୦ ବିଶ୍ୱକପ ସେମିଫାଇନାଲରେ ପ୍ରବେଶ କରିଛି ଆଫଗାନିସ୍ତାନ । ବାଂଲାଦେଶକୁ ଡିଏଲଏସ ନିୟମରେ ହରାଇ ସେମିରେ ପ୍ରବେଶ କରିଛି…
ଅଯୋଧ୍ୟା: ସବୁ ପ୍ରତୀକ୍ଷାର ଅନ୍ତ ଘଟି ଅଯୋଧ୍ୟାରେ ପ୍ରଭୁ ଶ୍ରୀରାମଙ୍କ ପ୍ରାଣ ପ୍ରତିଷ୍ଠା ହୋଇସାରିଥିବାବେଳେ, ପ୍ରଭୁ ଶ୍ରୀରାମ ଅଯୋଧ୍ୟା ମନ୍ଦିରରେ…
ଆପଣ ପ୍ରତ୍ୟେକ ଦିନ ଅନେକ ରିଲ୍ସ ନିଶ୍ଚିତ ଦେଖୁଥିବେ । ଲୋକମାନେ ରିଲ୍ସ କରିବା ପାଇଁ ନିଜ ଜୀବନକୁ ବାଜି…
ପିପିଲି : ପାଣିରେ ଭାସୁଛନ୍ତି କୁଢ଼ କୁଢ଼ ମାଛ । ରାଜୁଆ ନଦୀରେ ମରି ପଡିଛନ୍ତି ମଲା ମାଛ ।…
ବିବାହ ସମାରୋହରେ ହେଲା ମହାଭାରତ । ବର ବାହା ହେବ କଣ ଗଣ୍ଡଗୋଳରେ ମାତିଗଲା । ଯିଏ ଯାହାକୁ ପାରିଲା…