ମଥୁରା ସାଂସଦ ତଥା ଅଭିନେତ୍ରୀ ହେମା ମାଳିନୀଙ୍କ ଉପରେ ବିବାଦୀୟ ମନ୍ତବ୍ୟ ଦେଇଥିବା କଂଗ୍ରେସ ନେତା ରଣଦୀପ ସୁରଜେୱାଲାଙ୍କ ସମସ୍ୟା ଥମୁନାହିଁ । ବର୍ତ୍ତମାନ ନିର୍ବାଚନ ଆୟୋଗ ହେମାଙ୍କ ଉପରେ ବିବାଦୀୟ ମନ୍ତବ୍ୟ ପାଇଁ ତାଙ୍କୁ କାରଣ ଦର୍ଶାଅ ନୋଟିସ ଜାରି କରିଛନ୍ତି ।
ଏହା ବ୍ୟତୀତ ଆୟୋଗ କଂଗ୍ରେସ ରାଷ୍ଟ୍ରୀୟ ଅଧ୍ୟକ୍ଷ ମଲ୍ଲିକାର୍ଜୁନ ଖରଗେଙ୍କଠାରୁ ମଧ୍ୟ ଜବାବ ମାଗିଛନ୍ତି ଯେ କଂଗ୍ରେସ ତରଫରୁ ସାର୍ବଜନିକ ଆଲୋଚନା ବେଳେ ମହିଳାଙ୍କ ସମ୍ମାନ ଓ ଗାରିମା ରକ୍ଷା ବିଷୟରେ ଦିଆଯାଇଥିବା ପରାମର୍ଶ ପାଳନ ନେଇ କ’ଣ ପଦକ୍ଷେପ ନିଆଯାଇଛି ? ଆୟୋଗ ସେହି ପଦକ୍ଷେପଗୁଡ଼ିକର ତାଲିକା ପ୍ରଦାନ କରିବାକୁ କହିଛନ୍ତି, ଯାହା ନିର୍ବାଚନ ଆୟୋଗଙ୍କ ପରାମର୍ଶକୁ ଅନୁପାଳନ କରୁଛି ବୋଲି ସୁନିଶ୍ଚିତ କରିବ ।
ନିର୍ବାଚନ ଆୟୋଗ ରଣଦୀପ ସୁରଜେୱାଲାଙ୍କୁ ଏହି ମାମଲାରେ ଏପ୍ରିଲ ୧୧ ତାରିଖ ସନ୍ଧ୍ୟା ସୁଦ୍ଧା ଉତ୍ତର ଦେବାକୁ କହିଛନ୍ତି । ଏଥି ସହିତ ମଲ୍ଲିକାର୍ଜୁନ ଖରଗେଙ୍କୁ ୧୨ ତାରିଖ ସନ୍ଧ୍ୟା ପର୍ଯ୍ୟନ୍ତ ସମୟ ଦେଇଛନ୍ତି ।
ଗତ ମାସରେ କଂଗ୍ରେସ ନେତା ରଣଦୀପ ସୁରଜେୱାଲାଙ୍କ ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଥିଲା । ଏହି ଭିଡିଓରେ ସୁରଜୱାଲା ମଥୁରା ସାଂସଦ ହେମା ମାଳିନୀଙ୍କ ବିରୋଧରେ ଆପତ୍ତିଜନକ ମନ୍ତବ୍ୟ ଦେଇଥିଲେ । ବିଜେପି ଏହାକୁ ଅପମାନଜନକ ଓ ମହିଳା ବିରୋଧୀ ମନ୍ତବ୍ୟ ବୋଲି କହିଥିଲା ଏବଂ ନିର୍ବାଚନ ଆୟୋଗଙ୍କ ନିକଟରେ ଏ ନେଇ ଅଭିଯୋଗ କରିଥିଲା ।
ଯଦିଓ ସୁରଜେୱାଲା କହିଥିଲେ ଯେ ତାଙ୍କ ଭିଡିଓକୁ କ୍ରପ୍ କରି ସେୟାର କରାଯାଇଛି ଏବଂ ସେ ଲୋକସଭା ସଦସ୍ୟ ହେମା ମାଳିନୀଙ୍କୁ ସମ୍ମାନ କରନ୍ତି । ସୁରଜାୱାଲା ଦେଇଥିବା ବୟାନକୁ ନେଇ ହେମା ମାଳିନୀ ମଧ୍ୟ ପ୍ରତିକ୍ରିୟା ଦେଇଥିଲେ । ସେ କହିଥିଲେ ଯେ ବିରୋଧୀ ଦଳର ନେତାମାନେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କଠାରୁ ମହିଳାଙ୍କୁ ସମ୍ମାନ ଦେବା ଶିଖିବା ଉଚିତ୍ । ହେମା କହିଥିଲେ ଯେ ବିରୋଧୀ କେବଳ ଲୋକପ୍ରିୟ ଲୋକଙ୍କୁ ଟାର୍ଗେଟ କରୁଛନ୍ତି ।
ଅନନ୍ଦପୁର(କେନ୍ୟୁଜ୍): ଆଜିକା ସମୟରେ ମହିଳାଙ୍କ ପାଇଁ ଅସମ୍ଭବ ବୋଲି କିଛି ନାହିଁ । ତେବେ ଏଥିପାଇଁ କେବଳ ଆବଶ୍ୟକ ଗଭୀର…
ବର୍ତ୍ତମାନ ସମଗ୍ର ଭାରତରେ ଭୀଷଣ ହିଟୱେଭ ଚାଲିଛି । ଏପରି ପରିସ୍ଥିତିରେ, ଘର ହେଉ କିମ୍ବା ଅଫିସ୍ ହେଉ, ଏସି…
ଇଣ୍ଡିଗୋ ବିମାନକୁ ପୁଣି ବୋମା ଧମକ । ଚେନ୍ନାଇରୁ ମୁମ୍ବାଇ ଯାଉଥିବା ଏକ ଇଣ୍ଡିଗୋ ବିମାନକୁ ବୋମାରେ ଉଡ଼ାଇ ଦେବାକୁ…
କଣ୍ଟାବାଞ୍ଜି(କେନ୍ୟୁଜ୍): goodଯାହାଫଳରେ ଏହି ଟ୍ରାକରେ ଟ୍ରେନ୍ ଚଳାଚଳ ବନ୍ଦ ହୋଇଥିଲା । ଖୋଦ ସମ୍ବଲପୁର ଡିଭିଜନ ଡିଆରଏମ ଓ ରେଳବାଇ…
ଆଜି ଲୋକସଭା ନିର୍ବାଚନର ଶେଷ ପର୍ଯ୍ୟାୟ ଭୋଟିଂ ଜାରି ରହିଛି । ଏହା ମଧ୍ୟରେ ପଶ୍ଚିମବଙ୍ଗରେ ପୁଣି ଦେଖିବାକୁ ମିଳିଛି…
ମହାକାଳପଡ଼ା(କେନ୍ୟୁଜ୍): ମହାକାଳପଡ଼ାରେ ୩୦ ବୁଥରେ EVM ଅଚଳ ଖବର ସମ୍ପୂର୍ଣ୍ଣ ମିଛ । ପ୍ରେସ୍ ମିଟରେ ସ୍ପଷ୍ଟ କଲେ ମୁଖ୍ୟ…