ବିଜୟଓ୍ଵାଡ଼ା : ମୃତ ପୁଅ ପାଇବ ଜୀବନ । ଉଠି ଆସିବ କବର ଭିତରୁ । ଏମିତି ଏକ ଅନ୍ଧବିଶ୍ୱାସ ନେଇ ପୁଅର କବର ପାଖରେ ୩୮ ଦିନ ବିତାଇଛନ୍ତି ଜଣେ ବାପା ତାନ୍ତ୍ରିକ କଥାରେ ପଡ଼ି ଜଣେ ବାପା ତାର ମୃତ ପୁଅର କବର ପାଖରେ ୩୮ ଦିନ ଯାଏ ଠିଆ ହୋଇ ରହିଲେ । ତାନ୍ତ୍ରିକ ଜଣକ ବିଶ୍ୱାସ ଦେଇଥିଲେ ଯେ ଏମିତି କଲେ ପୁଅ ବଞ୍ଚି ଉଠିବ । ଏହାଛଡ଼ା ଆଉ କିଛି ବାଟ ନାହିଁ । ଆଉ ତାକୁ ଅତି ନିଷ୍ଠାର ସହ ପାଳନ କଲେ ବାପା । ଏଇ ଘଟଣା ଘଟିଛି ଆନ୍ଧ୍ର ପ୍ରଦେଶ ନେଲ୍ଲୋର ଅଞ୍ଚଳରେ ।
କାଡପା ଜିଲ୍ଲା କୋଦୁରୁ ଅନ୍ତର୍ଗତ ପେଲତୁର ଗାଁ’ର ଘଟଣା । ଏଠାରେ ଥିବା ଖ୍ରୀଷ୍ଟିଆନ୍ଙ୍କ କବରଖାନାରେ ରୁହନ୍ତି ୫୬ ବର୍ଷ ବୟସ୍କ ଥୁପ୍ପାକୁଲା ରାମୁ ନାମକ ବ୍ୟକ୍ତି । ତାଙ୍କର ୨୬ ବର୍ଷ ବୟସ୍କ ପୁଅ ଟି. ଶ୍ରୀନିବାସୁଲୁଙ୍କର ଗତ ମାସ ସ୍ୱାନ୍ ଫ୍ଲୁ’ରେ ମୃତ୍ୟୁ ହୋଇ ଯାଇଥିଲା । ୨୦୧୪ରୁ ଶ୍ରୀନୁ ସାଉଦି ଆରବର କୁଏତ୍ରେ ଏକ ବେସରକାରୀ କମ୍ପାନୀରେ କାମ କରୁଥିଲେ । ତିନି ମାସ ତଳେ ଘରକୁ ଫେରିବା ପରେ ନିଜେ ଏକ ଅଟୋରିକ୍ସା କିଣି ଚଲାଉଥିଲେ । ହେଲେ ଅଚାନକ ସ୍ୱାଇନ୍ ଫ୍ଲୁ’ରେ ଆକ୍ରାନ୍ତ ହୋଇ ତିରୁପତି ସରକାରୀ ହସପିଟାଲରେ ଚିକିତ୍ସିତ ହେଉଥିବା ବେଳେ ତାଙ୍କର ମୃତ୍ୟୁ ହୋଇଗଲା ।
ଏଥିରେ ଖୁବ୍ ଭାଙ୍ଗି ପଡ଼ିଲେ ବାପା ଥୁପ୍ପାକୁଲା । ଯବାନ୍ ପୁଅକୁ ହରାଇବାର ଦୁଃଖ ତାଙ୍କୁ ଅସହ୍ୟ ହେଉଥିଲା । କାରଣ ଶ୍ରୀନୁ ପରିବାରର ଏକମାତ୍ର ରୋଜଗାରିଆ ଥିଲେ । ଏତିକି ବେଳେ ତାଙ୍କୁ ଜୁଟିଗଲେ ଜଣେ ଠକ ତାନ୍ତ୍ରିକ । ଯିଏକି ଥୁପ୍ପାକୁଲାଙ୍କୁ ପରାମର୍ଶ ଦେଲେ ଯେ ଯଦି ସେ ୪୧ ଦିନ ଧରି ପୁଅର କବର ପାଖରେ ଠିଆ ହୋଇ ରହିବେ ତେବେ ପୁଅ ଶ୍ରୀନୁ ପୁଣି ବଞ୍ଚି ଉଠିବ । ତାନ୍ତ୍ରିକ କଥାରେ ମର୍ମାହତ ପିତା ଜଣକ ସେଇଆ କଲେ । ତେବେ ସେ ପ୍ରାୟ ୩୮ ଦିନ ଧରି ଏଭଳି କରିବା ପରେ ପୋଲିସ୍ ଖବର ପାଇ ତାଙ୍କୁ ଏଥିରୁ ନିବୃତ୍ତ କରିଥିଲା । ସୂଚନା ମିଳିଛି ଯେ ତାନ୍ତ୍ରିକ ଜଣକ ପୁଅକୁ ବଞ୍ଚାଇ ଦେବା ଲାଗି ତାଙ୍କ ଠାରୁ ୭ ଲକ୍ଷ ଟଙ୍କା ନେଇଛି । ତେବେ ବାପା ଥୁପ୍ପାକୁଲା ତାନ୍ତ୍ରିକ ବିରୋଧରେ ଅଭିଯୋଗ କରିବାକୁ ନାରାଜ । ତାଙ୍କ କହିବା କଥା ହେଛି, ମୁଁ ମୋ ଇଚ୍ଛାରେ ଏ କାମ କରିଛି । ତାନ୍ତ୍ରିକ ମୋତେ ବାଧ୍ୟ କରି ନାହାନ୍ତି । ତେଣୁ ଏହା କୌଣସି ଅପରାଧ ନୁହେଁ ।
ପାଠ ପଢୁଆ ଲୋକ ହେଲେ ବି ଅନ୍ଧବିଶ୍ୱାସରୁ ବର୍ତ୍ତି ନାହାନ୍ତି ଥୁପ୍ପାକୁଲୁ । ତାନ୍ତ୍ରିକ କଥାରେ ପଡ଼ି ପ୍ରୟାସ ସିନା କଲେ । ହେଲେ ଶେଷରେ ନିରାଶ ହେଲେ । କିନ୍ତୁ ଭୁଲ ମାନିବାକୁ ପ୍ରସ୍ତୁତ ନୁହନ୍ତି ।
ମେଷ: ଦିନଟି ଆପଣଙ୍କର ଲାଭଦାୟକ ରହିବ । ସ୍ୱାସ୍ଥ୍ୟ ପ୍ରତି ଧ୍ୟାନ ଦେବାକୁ ପଡିବ । ପରିବାରରେ ସୁଖ ମିଳିବ…
ଭୁବନେଶ୍ୱର(କେନ୍ୟୁଜ୍): ଅନ୍ତର୍ଜାତୀୟ ଭଲିବଲ୍ ସଂଘ (ଏଫଆଇଭିବି) ପକ୍ଷରୁ ନୂଆ କରି ଗଠନ କରାଯାଇଥିବା ଏଫଆଇଭିବି ଭଲିବଲ୍ ଫାଉଣ୍ଡେସନର ପ୍ରତିଷ୍ଠାତା ସହଯୋଗୀ…
ବୌଦ୍ଧ : ଅଧା ରହିଥିଲା ଘର କାମ ତେଣୁ ଘର କାମ କରିବା ପାଇଁ ବ୍ୟାଙ୍କରୁ ଟଙ୍କା ଆଣିଥିଲେ। ହେଲେ…
ଭଦ୍ରକ: ୪ ବର୍ଷ ତଳେ ହୋଇଥିଲା ବାହାଘର । ଅଗ୍ନିକୁ ସାଖି ରଖି ସାରା ଜୀବନ ପାଇଁ ପରସ୍ପର ସାଥି…
ଭୁବନେଶ୍ୱର(କେନ୍ୟୁଜ୍): ସରିଲା ଗଣତନ୍ତ୍ରର ମହାପର୍ବ । ଓଡିଶାରେ ଚତୁର୍ଥ ତଥା ଅନ୍ତିମ ପର୍ଯ୍ୟାୟ ନିର୍ବାଚନରେ ୬ଟି ଲୋକସଭା ଓ ୪୨…
ଭଦ୍ରକ (କେନ୍ୟୁଜ୍): ବୁଥ ସାମ୍ନାରେ ହାଣିଲା ସ୍ୱାମୀ । ସ୍ତ୍ରୀକୁ ମେଡିକାଲରେ ମୃତ ଘୋଷଣା କଲେ ଡାକ୍ତର । ତେବେ…