photo credit: The Financial Express
ନୂଆଦିଲ୍ଲୀ : ଜଣେ ବିମାନ ଯାତ୍ରୀ ବିମାନ ଛାଡିବା ଠିକ୍ ପୂର୍ବରୁ ତାଙ୍କୁ କରୋନ ହେବା ନେଇ କହିବାରୁ ପାଇଲଟ୍ ରନେଓ୍ଵରୁ ପୁନେ ଯାଉଥିବା ବିମାନକୁ ପାର୍କିଂ ସ୍ଥାନକୁ ଫେରାଇ ଆଣିଲେ । ପରେ ଯାତ୍ରୀଙ୍କୁ ପିପିିଇ କିଟ୍ସ ପିନ୍ଧାଇବା ସହ ବିମାନଟିକୁ ସାନିଟାଇଜ କରି ପ୍ରାୟ ଦେଢ଼ ଘଣ୍ଟା ପରେ ବିମାନ ଯାତ୍ରା ଆରମ୍ଭ କରିଥିବା ଜଣାଯାଇଛି ।
ସୂଚନାନୁଯାୟୀ, ଦିଲ୍ଲୀ ଇନ୍ଦିରା ଗାନ୍ଧି ଅନ୍ତର୍ଜାତୀୟ ବିମାନ ବନ୍ଦରରୁ ଗୁରୁବାର 6E 286 ନମ୍ବର ଇଣ୍ଡିଗୋର ଏକ ବିମାନ ପୁନେ ଅଭିମୁଖେ ଉଡାଣ ଭରିଥିଲା । ବିମାନଟି ଅପରାହ୍ଣ ୫ଟା ୩୦ରେ ଟେକ୍ ଅଫ୍ କରିବା ପାଇଁ ରନେଓ୍ଵରେ ଯାଉଥିବା ବେଳେ ଜଣେ ଯାତ୍ରୀ ତାଙ୍କୁ କରୋନା ପଜେଟିଭ୍ ରିପୋର୍ଟ ମିଳିଥିବା ପାଇଲଟ୍ଙ୍କୁ ଜଣାଇଥିଲେ । ଫଳରେ ପାଇଲଟ୍ ବିମାନଟିକୁ ଟେକ୍ ଅଫ୍ ନକରି ରନେଓ୍ଵରୁ ଫେରାଇ ନେବା ପାଇଁ ବିମାନ ବନ୍ଦର କର୍ତ୍ତୃପକ୍ଷଙ୍କ ଅନୁମତି ଲୋଡ଼ିଥିଲେ ।
ଅନୁମତି ପାଇ ରନେଓ୍ଵରୁ ପାଇଲଟ ବିମାନଟିକୁ ପାର୍କିଂ ଏରିଆକୁ ଫେରାଇ ନେଇଥିଲେ । ପରେ କରୋନା ସଂକ୍ରମିତ ବ୍ୟକ୍ତିଙ୍କୁ ସ୍ୱାସ୍ଥ୍ୟ ବିଭାଗକୁ ହସ୍ତାନ୍ତର କରିବା ସହ ସମସ୍ତ ଯାତ୍ରୀଙ୍କ ସ୍ୱାସ୍ଥ୍ୟ ଯାଞ୍ଚ କରାଯାଇଥିଲା । ବିମାନଟିକୁ ସାନିଟାଇଜ୍ କରିବା ସହ ସମସ୍ତ ଯାତ୍ରୀଙ୍କୁ ପିପିଇ କିଟ୍ ସହ ପୁନର୍ବାର ଉକ୍ତ ବିମାନରେ ଦେଢ଼ ଘଣ୍ଟା ବିଳମ୍ବରେ ପୁନେ ପଠାଯାଇଥିଲା । ତେବେ ଉକ୍ତ କରୋନା ସଂକ୍ରମିତଙ୍କ ସମ୍ପର୍କରେ କିମ୍ବା କେଉଁମାନେ ତାଙ୍କ ସହ ସଂସ୍ପର୍ଶରେ ଆସିଥିଲେ ସେ ସମ୍ପର୍କରେ ଇଣ୍ଡିଗୋ କର୍ତ୍ତୃପକ୍ଷ କିଛି କହିନାହାଁନ୍ତି ।
ଏବେ ସରକାରଙ୍କ ନିୟମ ଅନୁଯାୟୀ ଦିଲ୍ଲୀ,ରାଜସ୍ଥାନ,କେରଳ, ଗୋଆ ଏବଂ ଗୁଜୁରାଟରୁ ଆସୁଥିବା ସମସ୍ତ ବିମାନ ଯାତ୍ରୀ ତାଙ୍କର କରୋନା ନେଗେଟିଭ୍ ରିପୋର୍ଟ ଦେଖାଇ ମହାରାଷ୍ଟ୍ରରେ ପ୍ରବେଶ କରିବେ ।
ମେଷ: ଶୁଭ ସମାଚାର ମିଳିପାରେ । ଛାତ୍ରଛାତ୍ରୀମାନେ ପଢାପଢିରେ ପରିବର୍ତ୍ତନ ଆଣିବେ । ଅଫିସ୍ କାର୍ଯ୍ୟରେ ବିଳମ୍ବ ହେବ ।…
ବ୍ରହ୍ମପୁର : ଦିଗପହଣ୍ଡି ଥାନା ଭୀଷ୍ମଗିରୀରେ ନାବାଳିକା ବଧୂ ହତ୍ୟା ମାମଲାରେ ପାଞ୍ଚ ଜଣଙ୍କୁ ଗିରଫ କଲା ପୋଲିସ ।…
ରୋଗୀଙ୍କୁ ଉତ୍ତମ ବ୍ୟବହାର ସହ ମାନବିକାତ ଦେଖାଅ। ମୁନ୍ନା ଭାଇ ଏମବିବିଏସ ସିନେମାର ଉପାଖ୍ୟାନ କହି, ଡାକ୍ତରମାନଙ୍କୁ ଏହି ଉପଦେଶ…
ଭୁବନେଶ୍ୱର: ରାଜ୍ୟରେ ନୂଆ ମୁଖ୍ୟ ସଚିବ ହେବେ କି ମନୋଜ ଆହୁଜା? ଏହାକୁ ନେଇ ଜୋର ଧରିଛି ଚର୍ଚ୍ଚା ।…
ଭଦ୍ରକ (କେନ୍ୟୁଜ୍) : ଭଦ୍ରକରେ ଜିଲ୍ଲା ସ୍ତରୀୟ ଆର୍ଟ ଅଫ ଗିଭିଂ ଦିବସ ସମାରୋହରେ ପାଳିତ ହୋଇଯାଇଛି । ଜିଲ୍ଲା…
ମାତୃତ୍ୱ ଛୁଟି ଉପରେ ସରକାରଙ୍କର ବଡ଼ ନିଷ୍ପତ୍ତି । ସରୋଗେସି ମାଧ୍ୟମରେ ମାଆ ହେବାକୁ ଥିବା ମହିଳାମାନଙ୍କ ପାଇଁ ଖୁସି…