ନୂଆଦିଲ୍ଲୀ : ବିଦେଶୀ ଶକ୍ତି ଭାରତର ଗଣତନ୍ତ୍ରକୁ ନଷ୍ଟ କରିବାକୁ ଚାହୁଁଛନ୍ତି ଓ ଆମେରିକାର ଆରବପତି ଜର୍ଜ ସୋରସ୍ ପ୍ରଧାନମନ୍ତ୍ରୀ ମୋଦିଙ୍କ ପ୍ରତିଛବିକୁ ନଷ୍ଟ କରିବାକୁ ଚାହୁଁଛନ୍ତ ବାଲି କେନ୍ଦ୍ର ମନ୍ତ୍ରୀ ସ୍ୃତି ଇରାନୀ ଆଜି ଏଠାରେ ପ୍ରକାଶ କରିଛନ୍ତି । ତେଣୁ ସମସ୍ତ ଭାରତୀୟ ଏଥିପାଇଁ ଏକାଠି ହୋଇ ଜର୍ଜଙ୍କ ଷଡଯନ୍ତ୍ରକୁ ମୁହଁ ତୋଡ ଯବାବ ଦେବାକୁ ପ୍ରତିଟି ଭାରତୀୟଙ୍କୁ ଶ୍ରୀମତି ଇରାନୀ ଅନୁରୋଧ କରିଛନ୍ତି ।
ଶ୍ରୀମତି ଇରାନୀ ଏଠାରେ ସାମ୍ବାଦିକମାନଙ୍କୁ କହିଛନ୍ତି ଯେ ଜର୍ଜ ସୋରୋସଙ୍କ ଏକମାତ୍ର ପ୍ରଚେଷ୍ଟା ହେଉଛି କିପରି ମୋଦିଙ୍କୁ ବଦନାମ କରିବେ । ଦେଶରୁ ମୋଦି ସରକାରଙ୍କୁ ବିଦା କରି ତାଙ୍କୁ ସୁହାଉଥିବା ଏକ ସରକାରକୁ ଭାରତରେ ପ୍ରତିଷ୍ଠା କରିବା ଜର୍ଜଙ୍କ ଲକ୍ଷ୍ୟ । ଭାରତର ଗଣତନ୍ତ୍ର ବ୍ୟବସ୍ଥାକୁ ଧ୍ୱଂସ କରିବା ପାଇଁ ଜର୍ଜ ଅର୍ଥ ଘୋଷଣା ମଧ୍ୟ କରିଛନ୍ତି । ଏହି ଅର୍ଥ କିଏ ଦେଉଛି ତାହା ସମସ୍ତଙ୍କୁ ଜଣା ବୋଲି ଶ୍ରୀମତି ଇରାନୀ ପ୍ରକାଶ କରିଥଲେ ।
ଜର୍ଜ ସୋରସ ଘୋଷଣା ମଧ୍ୟ କରିଛନ୍ତି ଯେ ତାଙ୍କର ମୁଖ୍ୟ ଟାର୍ଗେଟ ହେଲେ ନରେନ୍ଦ୍ର ମୋଦି । ସେ ତାଙ୍କ ବିଦେଶୀ ଶକ୍ତି ବଳରେ ଭାରତରେ ଏପରି ଏକ ସରକାର ଗଠନ କରିବେ ଯାହା ତାଙ୍କ ସ୍ୱାର୍ଥକୁ ଦୃଷ୍ଟି ଦେବ ବୋଲି ଜର୍ଜ କହିଛନ୍ତି ।
ତେଣୁ ଭାରତର ସମସ୍ତ ରାଜନୈତିକ ଗୋଷ୍ଠୀ, ସଂଗଠନ ଓ ଏପରିକି ପ୍ରତ୍ୟେକ ଭାରତୀୟ ଜର୍ଜ ସୋରସଙ୍କ ଷଡଯନ୍ତ୍ରର ଉଚିତ ଯବାବ ଦେବେ ବୋଲି ଶ୍ରୀମତି ଇରାନୀ ପ୍ରକାଶ କରିଛନ୍ତି । ଗତ କିଛି ବର୍ଷ ଧରି ଏହି ଷଡଯନ୍ତ୍ର ପ୍ରକ୍ରିୟା ଜାରି ରହିଛି । ଭାରତ ଏବେ ଅର୍ଥନୀତିରେ ବିଶ୍ୱର ୫ମ ସର୍ବ ବୃହତ ରାଷ୍ଟ୍ର ଭାବେ ସ୍ଥାନ ପାଇଥିବାରୁ ଆମେରିକା, ଫ୍ରାନ୍ସ ରାଷ୍ଟ୍ରପତିଙ୍କ ସମେତ ଇଂଲଣ୍ଡର ପ୍ରଧାନମନ୍ତ୍ରୀ ମଧ୍ୟ ଭାରତକୁ କୃତଜ୍ଞତା ଜଣାଇଛନ୍ତି । ତେଣୁ ଏପରି କିଛି ଷଡଯନ୍ତ୍ରକାରୀ ଭାରତର ଗଣତନ୍ତ୍ରକୁ ନଷ୍ଟ କରିବାକୁ ଅପଚେଷ୍ଟା ଚଳାଇ ଥିବାରୁ ସେମାନଙ୍କୁ ଉଚିତ୍ ଜବାବ ଦେବାକୁ କେନ୍ଦ୍ର ମନ୍ତ୍ରୀ ସ୍ମୃତି ଇରାନୀ କହିଛନ୍ତି ।
କାର୍ତ୍ତିକ ଆର୍ଯ୍ୟନ୍ ତାଙ୍କ ଆଗାମୀ ଫିଲ୍ମ 'ଚନ୍ଦୁ ଚାମ୍ପିଅନ୍'କୁ ନେଇ ଆଜିକାଲି ଖୁବ ଚର୍ଚ୍ଚାରେ ଅଛନ୍ତି । ନିକଟରେ ଫିଲ୍ମରୁ…
ଗଞ୍ଜାମ(କେନ୍ୟୁଜ)- ମା’ଙ୍କ ଯାତ୍ରା ପାଇଁ ଘଣ୍ଟ ଘଣ୍ଟା ହୁଳହୁଳିରେ କମ୍ପି ଉଠୁଛି ଗଗନ ପବନ । ହଜାର ହଜାର ଭକ୍ତଙ୍କ…
ବିନିକା(କେନ୍ୟୁଜ): ଠାକୁରଙ୍କ ପାଇଁ ଭୋଗ ବାଢ଼ିବାକୁ ହେଉ କି ଜ୍ୱାଇଁ ଚର୍ଚ୍ଚା ଅବା ଘରକୁ ଅତିଥି ଆସିଲେ ପାଦ ଧୋଇବା…
ଭୁବନେଶ୍ୱର (କେନ୍ୟୁଜ): ଜଳୁଛି ପଶ୍ଚିମ ଓଡ଼ିଶା । ତିନି ଦିନ ଯାଏ କଲବଲ କରିବ ତାତି । ଗ୍ରୀଷ୍ମପ୍ରବାହ ନେଇ…
ଟି୨୦ ବିଶ୍ୱକପ ଆରମ୍ଭ ହେବା ପୂର୍ବରୁ ଭାରତ ଏବଂ ବାଂଲାଦେଶ ମଧ୍ୟରେ ଓ୍ଵାର୍ମଅପ୍ ମ୍ୟାଚ ଖେଳାଯାଇଥିଲା । ଏହି ମ୍ୟାଚରେ…
କୋଣାର୍କ (କେନ୍ୟୁଜ): ନଡ଼ିଆ ଗଛ ପଡି ଗଲା ଜୀବନ । ୨ ମୃତ, ଜଣେ ଗୁରୁତର । ଗୋପ ସରଡ଼ା…