Image Credit: aaj tak
ମାଟ୍ରିକ୍ ପରୀକ୍ଷା ଦେବାକୁ ଯାଇ ବିବାହ କଲେ ଛାତ୍ରୀ। ଏଭଳି ଅଦ୍ଭୁତ ପ୍ରେମ କାହାଣୀ ଦେଖିବାକୁ ମିଳିଛି ବିହାରର କଠିହାରରେ। ଏଠାରେ ମାଟ୍ରିକ୍ ପରୀକ୍ଷା ଦେବାକୁ ଆସିଥିବା ଜଣେ ଛାତ୍ରୀ ପରୀକ୍ଷା କେନ୍ଦ୍ରରେ ନିଜ ପ୍ରେମିକକୁ ଭେଟିଥିଲା। ପରେ ସେ ପରୀକ୍ଷା ଦେବାକୁ ନ ଯାଇ ପ୍ରେମିକକୁ ଘଟଣାସ୍ଥଳରେ ହିଁ ବିବାହ କରିଛି। ଏନେଇ ପରବାର ଲୋକେ ବିରୋଧ କରିବାକୁ ବାଧ୍ୟ ହୋଇ ପୋଲିସକୁ ଡାକିବାକୁ ପଡ଼ିଛି।
ରିପୋର୍ଟ ମୁତାବକ, ୪ ବର୍ଷ ତଳେ ଏକ ଅଜଣା ନମ୍ବରରୁ ନୀତିଶ ଓ ଗୌରୀଙ୍କ ମଧ୍ୟରେ କଥାବାର୍ତ୍ତା ଆରମ୍ଭ ହୋଇଥିଲା। ପରେ ଉଭୟେ ପ୍ରେମରେ ପଡ଼ିଥିଲେ। ତେବେ ମାଟ୍ରିକ ପରୀକ୍ଷା ଦେବାକୁ ଗୌରୀ ପରିଜନଙ୍କ ସହ ପହଞ୍ଚିବା ପରେ ସେଠାରେ ନୀତିଶଙ୍କୁ ଦେଖିଥିଲା। ପ୍ରେମିକକୁ ଦେଖି ସେ ସେଠାରେ ହିଁ ବିବାହ କରିବାକୁ ନିଷ୍ପତ୍ତି ନେଇଥିଲା। ଏ ନେଇ ପରିବାର ଲୋକେ ରାଜି ନ ହେବାରୁ ଗୌରୀ ସେଠାରେ କାନ୍ଦି ବୋବାଇ ପ୍ରବଳ ଡ୍ରାମା କରିଥିଲା। ଫଳରେ ବାଧ୍ୟ ହୋଇ ପୋଲିସକୁ ଡାକିବାକୁ ପଡ଼ିଥିଲା।
ପୋଲିସ ପହଞ୍ଚି ଉଭୟଙ୍କୁ ଥାନାକୁ ନେଇଯାଇଥିଲା। ମାତ୍ର ସେଠାରେ ବି ଗୌରୀ କିଛି ଶୁଣିବାକୁ ନାରାଜ ଥିଲା। ଉଭୟ ଯୁବକ ଓ ଯୁବତୀ ନାବାଳିକ ହୋଇଥିବାରୁ ବାଧ୍ୟ ହୋଇ ପୋଲିସ ସ୍ଥାନୀୟ ମନ୍ଦିରରେ ଉଭୟଙ୍କ ବିବାହ କରାଇଥିଲା। ତେବେ ଏହି ବିବାହ ପରେ ଉଭୟ ଗୌରୀ ଓ ନୀତିଶକୁ ତାଙ୍କ ପରିବାର ଲୋକେ ଆପଣାଇବାକୁ ମନା କରି ଦେଇଛନ୍ତି। ଫଳରେ ଏବେ ସେମାନେ ରାସ୍ତାକୁ ଚାଲିଆସିଛନ୍ତି। ଏନେଇ ଗୌରୀ କହିଛନ୍ତି ମୁଁ ଏବର୍ଷ ପରୀକ୍ଷା ଦେଇପାରିନଥିବାରୁ ଖୁବ୍ ଦୁଃଖୀ। ଆସନ୍ତାବର୍ଷ ମୁଁ ମାଟ୍ରିକ୍ ପରୀକ୍ଷା ଦେବି। ଏବେ ଆମେ ପରିବାର ଲୋକଙ୍କୁ ମନାଇବାକୁ ଚେଷ୍ଟା କରୁଛୁ।
ଭୁବନେଶ୍ୱର: ଆଜି ଦିଲ୍ଲୀ ଯିବେ ମୁଖ୍ୟମନ୍ତ୍ରୀ ମୋହନ ମାଝୀ । ମୁଖ୍ୟମନ୍ତ୍ରୀଙ୍କ ସହ ଦୁଇ ଉପ ମୁଖ୍ୟମନ୍ତ୍ରୀ କେଭି ସିଂଦେଓ…
ପୁରୀ: ମହାପ୍ରଭୁଙ୍କ ଅନବସର ନୀତିର ଆଜି ପଞ୍ଚମ ଦିନ । ଚାଲିଛି ପ୍ରଭୁଙ୍କ ସେବା ପୂଜା । ଆଜି ମହାପ୍ରଭୁଙ୍କ…
ରାଉରକେଲା : ରାଉରକେଲା ଲୋକୋ ପାଇଲଟଙ୍କୁ ଅପହରଣ ଘଟଣା । ୩ ଅଭିଯୁକ୍ତ ଗିରଫ । ଭୁବନେଶ୍ଵରରୁ ଗିରଫ କଲା…
ସରକାରଙ୍କ ପ୍ରସ୍ତାବିତ ଟିକସ ବୃଦ୍ଧି ପ୍ରତିବାଦରେ କେନିଆରେ ହିଂସାତ୍ମକ ବିରୋଧ ପ୍ରଦର୍ଶନ ହେଉଛି । ଏହି ହିଂସାରେ ନାଇରୋବିରେ ୫…
କଟକ: କଟକ ସହରରେ ଦୂର ହେବ ଟ୍ରାଫିକ ସମସ୍ୟା । ସହର ମଧ୍ୟରେ ଯାନବାହନର ସୁରକ୍ଷିତ ଚଳାଚଳ ଓ ପାର୍କିଂ…
ଚାନ୍ଦବାଲି: ବର୍ବରତାର ସୀମା ଟପିଛି ଭଦ୍ରକ ଜିଲ୍ଲା ଚାନ୍ଦବାଲି ପୋଲିସ୍ । ଯାହାର ଭିଜୁଆଲ୍ କ୍ୟାମେରାରେ କଏଦ ହୋଇଥିଲେ ସୁଦ୍ଧା…