photo credit: Hayat
ବର୍ଲିନରେ ଜଣେ ରାଜକୁମାରଙ୍କ ପୁଅ ୧୩୫ କୋଠରୀ ବିଶିଷ୍ଟ ତାଙ୍କ ପୈତୃକ ମହଲକୁ ମାତ୍ର ୮୭ ଟଙ୍କାରେ ବିକି ଦେଇଛନ୍ତି। ଏହା ଶୁଣି ଆପଣଙ୍କୁ ଆଶ୍ଚର୍ଯ୍ୟ ଲାଗିବ ନିଶ୍ଚୟ, କିନ୍ତୁ ଘଟଣାଟି ସତ। ପୁଅ ଏହି ମହଲକୁ ବିକିଦେଇ ଥିବାରୁ ଏବେ ୬୬ ବର୍ଷୀୟ ରାଜକୁମାର ବାପା ୩୭ ବର୍ଷୀୟ ପୁଅ ବିରୋଧରେ କୋର୍ଟଙ୍କ ଦ୍ୱାରସ୍ଥ ହୋଇଛନ୍ତି।
ଖବରରୁ ଜଣାପଡ଼ିଛି, ଜର୍ମାନ ସହର ହନୋବରର ରାଜକୁମାର ଅର୍ନଷ୍ଟ ଅଗଷ୍ଟ ୧୩୫ କୋଠରୀ ବିଶିଷ୍ଟ ନିଜ ମ୍ୟାରିନ୍ବର୍ଗ ମହଲକୁ ୨୦୦୦ ମସିହାରେ ପୁଅ ଅର୍ନଷ୍ଟ ଅଗଷ୍ଟ ଜୁନିୟରଙ୍କୁ ହସ୍ତାନ୍ତର କରିଥିଲେ। ହେଲେ ପୁଅ ଅଗଷ୍ଟ ଜୁନିୟର ୨୦୧୮ ମସିହାରେ ଏହାକୁ ରିହାତି ଦରରେ ସରକାରଙ୍କୁ ବିକ୍ରି କରିଦେବାକୁ ଘୋଷଣା କରିଥିଲେ। ଏହାପରେ ସେ ମହଲକୁ ୧ ୟୁରୋ(ମାତ୍ର ୮୭ ଟଙ୍କା)ରେ ବିକି ଦେଇଥିଲେ।
ଅଗଷ୍ଟ ଜୁନିୟର କହିଛନ୍ତି, ମହଲର ମରାମତି ପାଇଁ ୨୩ ମିଲିୟନ ପାଉଣ୍ଡ ଆବଶ୍ୟକ ଥିଲା ଏବଂ ଏହା ତାଙ୍କ ପାଖରେ ନ ଥିଲା। ପୁଅର ଏହି ନିଷ୍ପତ୍ତି ପରେ ଏବେ ଅର୍ନଷ୍ଟ ଅଗଷ୍ଟ ମହଲକୁ ବଞ୍ଚାଇବା ପାଇଁ ଆଇନର ସହାୟତା ନେଇଛନ୍ତି ଏବଂ ପୁଅ ବିରୋଧରେ ମାମଲା ଦାୟର କରିଛନ୍ତି।
ସେ କହିଛନ୍ତି, ପୁଅର ଏଭଳି ହରକତ ଯୋଗୁ ସେ ଅଷ୍ଟ୍ରିଆର ଏକ ଲଜ୍ରେ ରହିବାକୁ ବାଧ୍ୟ ହେଉଛନ୍ତି। ରୋଗାଗ୍ରସ୍ତ ଥିବା ସତ୍ତ୍ୱେ ତାଙ୍କୁ ଆର୍ଥିକ ସହାୟତା ମିଳୁନାହିଁ। କହି ରଖୁଛୁ, ମ୍ୟାରିନ୍ବର୍ଗ ମହଲର ନିର୍ମାଣ ୧୮୬୭ ମସିହାରେ ହୋଇଥିଲା। ଅର୍ନଷ୍ଟ ଅଗଷ୍ଟ ବ୍ରିଟେନ୍ ମହାରାଣୀ ଏଲିଜାବେଥ୍ଙ୍କ ଦୂର ସମ୍ପର୍କୀୟ ଦାଦାପୁଅ ଭାଇ।
ପୁରୀ: ମହାପ୍ରଭୁଙ୍କ ଅନବସର ନୀତିର ଆଜି ପଞ୍ଚମ ଦିନ । ଚାଲିଛି ପ୍ରଭୁଙ୍କ ସେବା ପୂଜା । ଆଜି ମହାପ୍ରଭୁଙ୍କ…
ରାଉରକେଲା : ରାଉରକେଲା ଲୋକୋ ପାଇଲଟଙ୍କୁ ଅପହରଣ ଘଟଣା । ୩ ଅଭିଯୁକ୍ତ ଗିରଫ । ଭୁବନେଶ୍ଵରରୁ ଗିରଫ କଲା…
ସରକାରଙ୍କ ପ୍ରସ୍ତାବିତ ଟିକସ ବୃଦ୍ଧି ପ୍ରତିବାଦରେ କେନିଆରେ ହିଂସାତ୍ମକ ବିରୋଧ ପ୍ରଦର୍ଶନ ହେଉଛି । ଏହି ହିଂସାରେ ନାଇରୋବିରେ ୫…
କଟକ: କଟକ ସହରରେ ଦୂର ହେବ ଟ୍ରାଫିକ ସମସ୍ୟା । ସହର ମଧ୍ୟରେ ଯାନବାହନର ସୁରକ୍ଷିତ ଚଳାଚଳ ଓ ପାର୍କିଂ…
ଚାନ୍ଦବାଲି: ବର୍ବରତାର ସୀମା ଟପିଛି ଭଦ୍ରକ ଜିଲ୍ଲା ଚାନ୍ଦବାଲି ପୋଲିସ୍ । ଯାହାର ଭିଜୁଆଲ୍ କ୍ୟାମେରାରେ କଏଦ ହୋଇଥିଲେ ସୁଦ୍ଧା…
ଭୁବନେଶ୍ୱରରେ ଆଜି ପେଟ୍ରୋଲ ଦର ୧୦୧ ଟଙ୍କା ୦୫ ପଇସା ରହିଥିବା ବେଳେ ଡିଜେଲ ଦାମ୍ ପ୍ରତି ଲିଟର ପିଛା…