photo: India Today
ଉତ୍ତର ପ୍ରଦେଶର ବରେଲିରେ ଘଟିଛି ଏକ ଅଜବ ଘଟଣା। ଏଠାରେ ବିବାହ ପୂର୍ବରୁ ବର ମଣ୍ଡପ ଛାଡ଼ି ଖସି ପଳାଇ ଯାଇଥିଲା। କନ୍ୟା ଯେତେବେଳେ ଏ କଥା ଜାଣିବାକୁ ପାଇଲା, ତ ନିଜେ ବରକୁ ଖୋଜିବା ପାଇଁ ବାହାରି ପଡ଼ିଲା। ଶେଷରେ କନ୍ୟା, ବରକୁ ଖୋଜି ପାଇବାରେ ସକ୍ଷମ ହୋଇଥିଲା। ଏହାପରେ ବରକୁ ଧରି ମନ୍ଦିରରେ ପହଞ୍ଚିଥିଲା ଏବଂ ଦୁହେଁ ବିବାହ ବନ୍ଧନରେ ବାନ୍ଧି ହୋଇଥିଲେ।
ଖବରରୁ ଜଣାପଡ଼ିଛି ଯେ ଦୁହେଁ ପାଖାପାଖି ଦେଢ଼ ବର୍ଷ ଧରି ରିଲେସନଶିପ୍ରେ ଥିଲେ। ସେମାନେ ସାତ ଜନମ ଏକାଠି ରହିବାକୁ ପ୍ରତିଜ୍ଞା କରିଥିଲେ। କନ୍ୟା ବରେଲି ପୁରୁଣା ସହରର ହୋଇଥିବା ବେଳେ ବର ବିସୌଲିର ନିବାସୀ। ଯୁବକଙ୍କ ପରିବାର ଲୋକଙ୍କୁ ଯେତେବେଳେ ଏହି ସମ୍ପର୍କ ବିଷୟରେ ଜଣାପଡ଼ିଥିଲା, ତ ସେମାନେ ବିବାହର ଚାପ ପକାଇଥିଲେ। ଦୁହେଁ ବିଧିବଦ୍ଧ ଭାବେ ବିବାହ କରିବାକୁ ନିଷ୍ପତ୍ତି ନେଇଥିଲେ।
ଏହାପରେ ବିବାହ ପାଇଁ ପ୍ରସ୍ତୁତି ଆରମ୍ଭ ହୋଇଥିଲା। ମନ୍ଦିରରେ ମଣ୍ଡପ ସଜାଯାଇଥିଲା। କନ୍ୟା ମେକ୍ଅପ ନେବାକୁ ପାର୍ଲର ଯାଇଥିଲା। ହେଲେ ଏହାରି ଭିତରେ ବରର ମୁଡ୍ ବଦଳି ଯାଇଥିଲା ଏବଂ ସେ ମଣ୍ଡପ ଛାଡ଼ି ଫେରାର୍ ହୋଇଯାଇଥିଲା।
ସେପଟେ କନ୍ୟା ବିବାହ ପୋଷାକରେ ବର ଅପେକ୍ଷାରେ ରହିଥିଲା। କିନ୍ତୁ ଯେତେବେଳେ ବର ଅଧିକ ସମୟ ଧରି ଫେରି ନ ଥିଲା, ତ କନ୍ୟା ତାଙ୍କୁ ଫୋନ୍ କରିଥିଲେ। ଏହି ସମୟରେ ବର କହିଥିଲା ଯେ ସେ ନିଜ ମା’ଙ୍କୁ ଆଣିବା ପାଇଁ ଘରକୁ ଯାଉଛନ୍ତି। ଏହାପରେ କନ୍ୟା ନିଜେ ତାଙ୍କୁ ଖୋଜିବା ପାଇଁ ବାହାରି ପଡ଼ିଥିଲା।
ଏହାରି ଭିତରେ ବର ପାଖାପାଖି ୨୦ କିମି ଦୂର ଯାଇ ବସ୍ରେ ବସିସାରିଥିଲା। କନ୍ୟା ଜଣକ ତାଙ୍କୁ ଖୋଜି ଖୋଜି ସେଠାରେ ପହଞ୍ଚିଥିଲା ଏବଂ ବରକୁ ଧରି ଫେରିଥିଲା। ପାଖାପାଖି ୨ ଘଣ୍ଟା ଧରି ଉଭୟଙ୍କର ନାଟକ ଜାରି ରହିଥିଲା। ଶେଷରେ ବର ବିବାହ ପାଇଁ ରାଜି ହେବା ପରେ ମନ୍ଦିରରେ ଉଭୟଙ୍କର ବିବାହ ସମ୍ପନ୍ନ ହୋଇଥିଲା।
କାଲି ଭାରତ-ଇଂଲଣ୍ଡ ଟି୨୦ ବିଶ୍ୱକପ୍ ସେମିଫାଇନାଲ ଲଢ଼େଇ । ୨୦୨୨ ପରାଜୟର ବଦଲା ନେବାକୁ ପ୍ରସ୍ତୁତ ରୋହିତ ବାହିନୀ ।…
ପୁରୀ: ଆଜି ଅନୁଷ୍ଠିତ ହେବ ରଥଯାତ୍ରାର ଦ୍ୱିତୀୟ ସମନ୍ୱୟ ବୈଠକ । ପୁରୀ ପୌରସଦନ ଠାରେ ଆଇନ ମନ୍ତ୍ରୀଙ୍କ ଅଧ୍ୟକ୍ଷତାରେ…
ଜାଣନ୍ତୁ, କେତେ ରହିଛି ଆଜି ସୁନା ଦର । ଯଦି ଆପଣ ବିବାହ ସିଜିନରେ ଶସ୍ତାରେ ସୁନା କିଣିବାକୁ ଚାହାଁନ୍ତି…
ଭଞ୍ଜନଗର: ଭିଜିଲାନ୍ସ ଜାଲରେ ଆରଆଇ । ୭ ହଜାର ଟଙ୍କା ଲାଞ୍ଚ ନେଉଥିବା ବେଳେ ଧରିଲା ଭିଜିଲାନ୍ସ । ଗଂଜାମ…
ବାଲେଶ୍ଵର: ହଟିଲା ଦିନ କର୍ଫ୍ୟୁ, ରାତି କର୍ଫ୍ୟୁ ବଳବତ୍ତର । ବାଲେଶ୍ଵରରେ ଆଜିଠୁ ରାତ୍ରିକାଳୀନ କର୍ଫ୍ୟୁ । ରାତି ୯ଟାରୁ…
ଭୁବନେଶ୍ୱର: ଆଜିଠୁ ୪ଦିନ ଯାଏ ବର୍ଷା । ରାଜ୍ୟର ବିଭିନ୍ନ ସ୍ଥାନରେ ପ୍ରବଳ ବର୍ଷା ସମ୍ଭାବନା ରହିଛି । ବଙ୍ଗୋପସାଗରରେ…