ଶିକ୍ଷକ ନିଯୁକ୍ତି ଦୁର୍ନୀତି ମାମଲାରେ ପଶ୍ଚିମବଙ୍ଗ ସରକାରଙ୍କୁ କୋଲକତା ହାଇକୋର୍ଟରୁ ମିଳିଛି ବଡ଼ ଝଟ୍କା । ହାଇକୋର୍ଟ ପଶ୍ଚିମବଙ୍ଗ ବିଦ୍ୟାଳୟ ସେବା ଆୟୋଗ ପ୍ୟାନେଲ ଦ୍ୱାରା କରାଯାଇଥିବା ସ୍କୁଲ ଶିକ୍ଷକ ନିଯୁକ୍ତିକୁ ରଦ୍ଦ କରିଦେଇଛନ୍ତି । କୋର୍ଟ ୨୦୧୬ର ସମଗ୍ର ଜବ୍ ପ୍ୟାନେଲକୁ ରଦ୍ଦ କରି ପାଖାପାଖି ୨୪,୦୦୦ ଚାକିରିକୁ ବାତିଲ କରିଛନ୍ତି ।
ଏହି ନିଯୁକ୍ତିରେ ୫ରୁ ୧୫ ଲକ୍ଷ ଟଙ୍କା ପର୍ଯ୍ୟନ୍ତ ଲାଞ୍ଚ ନିଆଯାଇଥିବା ଅଭିଯୋଗ ରହିଛି । କହି ରଖୁଛୁ ଯେ ଶିକ୍ଷକ ନିଯୁକ୍ତି ଦୁର୍ନୀତି ମାମଲାରେ ପୂର୍ବତନ ଶିକ୍ଷା ମନ୍ତ୍ରୀ ପାର୍ଥ ଚାଟାର୍ଜୀ ଏବଂ ରାଜ୍ୟ ଶିକ୍ଷା ବିଭାଗର ବହୁ ଅଧିକାରୀଙ୍କୁ ପୂର୍ବରୁ ଗିରଫ କରାଯାଇ ସାରିଛି । କୋଲକାତା ହାଇକୋର୍ଟଙ୍କ ନିର୍ଦ୍ଦେଶ ପରେ ଉଭୟ ଇଡି ଏବଂ ସିବିଆଇ ଏହି ଅନିୟମିତତା ଘଟଣାର ତଦନ୍ତ କରୁଛନ୍ତି ।
ଏହି ଦୁର୍ନୀତି ୨୦୧୪ର । ସେତେବେଳେ ପଶ୍ଚିମବଙ୍ଗ ସ୍କୁଲ ସେବା ଆୟୋଗ (ଏସ୍ଏସ୍ସି) ରାଜ୍ୟରେ ସରକାରୀ ବିଦ୍ୟାଳୟରେ ଶିକ୍ଷକ ନିଯୁକ୍ତି ବିଜ୍ଞପ୍ତି ବାହାର କରିଥିଲା । ଏହି ନିଯୁକ୍ତି ପ୍ରକ୍ରିୟା ୨୦୧୬ରେ ଆରମ୍ଭ ହୋଇଥିଲା । ସେହି ସମୟରେ ପାର୍ଥ ଚାଟାର୍ଜୀ ଶିକ୍ଷା ମନ୍ତ୍ରୀ ଥିଲେ । ଏହି ମାମଲାରେ କୋଲକାତା ହାଇକୋର୍ଟରେ ଅନିୟମିତତାର ଅନେକ ଅଭିଯୋଗ ଦାଖଲ କରାଯାଇଥିଲା ।
ଆବେଦନକାରୀମାନେ ଅଭିଯୋଗ କରିଥିଲେ ଯେ ଯେଉଁ ପ୍ରାର୍ଥୀଙ୍କ ନମ୍ବର କମ୍ ଥିଲା, ସେମାନଙ୍କୁ ଯୋଗ୍ୟତା ତାଲିକାରେ ସର୍ବୋଚ୍ଚ ସ୍ଥାନ ମିଳିଛି । କେବଳ ଏତିକି ନୁହେଁ, ଆଉ ମଧ୍ୟ ଅଭିଯୋଗ ହୋଇଥିଲା କି, ମେରିଟ୍ ଲିଷ୍ଟରେ ନାମ ନ ଥାଇ ବି କେତେଜଣ ପ୍ରାର୍ଥୀଙ୍କୁ ଚାକିରି ଦିଆଯାଇଛି ।
ଅଭିଯୋଗ ମୁତାବକ, ଯେଉଁମାନେ ଟିଇଟି ପରୀକ୍ଷାରେ ଉତ୍ତୀର୍ଣ୍ଣ ସୁଦ୍ଧା ହୋଇନାହାନ୍ତି, ସେହି ପ୍ରାର୍ଥୀମାନଙ୍କୁ ଚାକିରି ମିଳିଛି । ଯେତେବେଳେ କି, ରାଜ୍ୟରେ ଶିକ୍ଷକ ନିଯୁକ୍ତି ପାଇଁ ଟିଇଟି ପରୀକ୍ଷାରେ ଉତ୍ତୀର୍ଣ୍ଣ ହେବା ବାଧ୍ୟତାମୂଳକ । ଏହିପରି ରାଜ୍ୟରେ ୨୦୧୬ରେ ଏସ୍ଏସ୍ସି ଦ୍ୱାରା ଗ୍ରୁପ୍ ଡିର ୧୩୦୦୦ ନିଯୁକ୍ତି ମାମଲାରେ ଅଭିଯୋଗ ଗ୍ରହଣ କରାଯାଇଥିଲା । ହାଇକୋର୍ଟ ଏ ସମସ୍ତ ଆବେଦନ ଶୁଣାଣି ବେଳେ ସିବିଆଇ ତଦନ୍ତ ନିର୍ଦ୍ଦେଶ ଦେଇଥିଲେ । ପରେ ଇଡି ଶିକ୍ଷକ ନିଯୁକ୍ତି ଏବଂ କର୍ମଚାରୀ ନିଯୁକ୍ତି ମାମଲାରେ ଅର୍ଥର ଅନୁସନ୍ଧାନ ଆରମ୍ଭ କରିଥିଲା ।
ମେଷ : ଏହି ରାଶିର ବ୍ୟକ୍ତିମାନେ କର୍ମକ୍ଷେତ୍ରରେ ଆଗକୁ ଯିବେ, ଏହା ସହ ସମ୍ମାନ ମିଳିବା ସହିତ ଆପଣ ଏକ…
ଯାଜପୁର ଟାଉନ : ରେସ୍ତୁରାଣ୍ଟରେ ଶିଶୁ ଶ୍ରମିକ କାମ କରୁଥିବା ଖବର ପାଇ ଚଢ଼ାଉ କରିବାକୁ ଯାଇଥିବା ଚାଇଲ୍ଡ ଲାଇନ…
ଭୁବନେଶ୍ବର : ଆସନ୍ତାକାଲି ବିଜେଡିର ରାଜ୍ୟସଭା ସାଂସଦଙ୍କ ସହ ଆଲୋଚନା କରିବେ ସୁପ୍ରିମୋ ନବୀନ ପଟ୍ଟନାୟକ । ନବୀନ ନିବାସରେ…
ମୟୁରଭଞ୍ଜ : ତୁଟିଲା ବିବାଦ । ମୟୁରଭଞ୍ଜ ଜିଲ୍ଲାରେ ସ୍ବାଭାବିକ ହେଲା ବସ୍ ଚଳା ଚଳ । ୩ ଦିନ…
କେନ୍ଦୁଝର : ଘଟଗାଁ ତାରିଣୀ ପୀଠର ବିକାଶ ପାଇଁ ଆଉ ୫୦ କୋଟିର ଅନୁଦାନ। କେନ୍ଦୁଝର ଜିଲ୍ଲାକୁ ଦୁଇ ଦିନିଆ…
ବାଲେଶ୍ବର: ଆଶା କରିଥିଲୁ ବୁଢ଼ା କାଳେ ଆମ ପୁଅ ଆମ ସାହାରା ପାଲଟିବ । ଆମେ ଜମି ବାଡ଼ି ବିକ୍ରି…