ଶଇତାନ ସ୍ୱାମୀ । ସ୍ତ୍ରୀକୁ ହତ୍ୟା କରିବା ପରେ ଟିକିଟିକି କରି କାଟିଲା । ଆଉ ନଦୀରେ ଭସାଇ ଦେଲା । କେବଳ ସେତିକିରେ ମନ ମାନିଲାନି । ସ୍ତ୍ରୀକୁ ମାରିବାର ଫାଇଦା ବିଷୟରେ ଗୁଗଲରେ ସର୍ଚ୍ଚ କରିଥିଲା ସ୍ୱାମୀ । ଏଭଳି ଲୋମହର୍ଷଣକାରୀ ଘଟଣା ଘଟିଛି ବ୍ରିଟେନରେ ।
ଖବର ମୁତାବକ, ବ୍ରିଟେନର ୨୮ ବର୍ଷୀୟ ନିକୋଲସ ମେଟସନ୍ । ସେ ୨୬ ବର୍ଷୀୟ ହୋଲି ବ୍ରେମଲିଙ୍କୁ ୨୦୨୧ରେ ବିବାହ କରିଥିଲେ । ତେବେ ୨୦୨୩ ମାର୍ଚ୍ଚ ୨୫ରେ ବ୍ରେମଲି କୁଆଡେ ନିଖୋଜ ହୋଇଯାଇଥିଲେ । ନିଖୋଜ ହେବାର ୮ ଦିନ ପରେ ବ୍ରେମଲିଙ୍କ ଖଣ୍ଡ ବିଖଣ୍ଡିତ ମୃତଦେହ ଲିଙ୍କନଶାୟରର ବିଥମ ନଦୀରୁ ମିଳିଥିଲା । ଏବେ ହତ୍ୟାର ପ୍ରାୟ ଏକ ବର୍ଷ ପରେ କୋର୍ଟରେ ସ୍ୱୀକାର କରିଛି ସ୍ୱାମୀ ନିକୋଲସ । କିନ୍ତୁ ସ୍ତ୍ରୀକୁ କେମିତି ଆଉ କାହିଁକି ମାରିଲା ତା’ ବିଷୟରେ ପୋଲିସକୁ କିଛି କହିନାହିଁ । ଶୁଣାଣି ସମୟରେ ପୋଲିସ କୋର୍ଟକୁ କହିଥିଲେ, ହୋଲି ଗାଏବ ହେବା ଖବର ମିଳିଥିଲା । ଯାହାପରେ ପୋଲିସ ଛାନଭିନ୍ ଆରମ୍ଭ କରିଥିଲା । ଶେଷ ଥର ପାଇଁ ହୋଲିଙ୍କୁ ୧୭ ମାର୍ଚ୍ଚ ୨୦୨୩ରେ ଘରେ ଦେଖିବାକୁ ମିଳିଥିଲା । ତେଣୁ ପୋଲିସ ହୋଲିଙ୍କ ଘରେ ପହଞ୍ଚି ସ୍ୱାମୀଙ୍କୁ ପଚରାଉଚରା କରିବା ପାଇଁ ପହଞ୍ଚିଥିଲା ।
ନିକୋଲସ ସ୍ତ୍ରୀକୁ ମାରିବା ପରେ ବାଥରୁମରେ ଶବକୁ ଖଣ୍ଡ ଖଣ୍ଡ କରି କାଟିବା ପରେ ପଲିଥିନରେ ପ୍ୟାକ୍ କରିଥିଲା । ଆଉ ସପ୍ତାହ ଧରି ନିଜର ଜଣେ ସହଯୋଗୀ ସହାୟତାରେ ଠିକଣା ସ୍ଥାନରେ ପକାଇଥିଲା । ଏହି କାମ ପାଇଁ ସହଯୋଗୀକୁ ପଇସା ମଧ୍ୟ ଦେଇଥିଲା ନିକୋଲସ । ମୃତଦେହର ଖଣ୍ଡ ଖଣ୍ଡ ବିଥମ ନଦୀରେ ଫିଙ୍ଗିଥିଲା ଅଭିଯୁକ୍ତ । ନଦୀର ଆଖପାଖ ଲୋକଙ୍କୁ ପଲିଥିନରେ କିଛି ଥିବା ସନ୍ଦେହ ହେବାରୁ ସେମାନେ ପୋଲିସକୁ ଜଣାଇଥିଲେ ।
ମାମଲା ବିଷୟରେ ପୋଲିସ ଜାଣିବା ପରେ ଘଟଣା ସ୍ଥଳରେ ପହଞ୍ଚିଥିଲା । ସେଠାରେ ଖଣ୍ଡ ଖଣ୍ଡ ମୃତଦେହକୁ ଜବତକ କରିଥିଲା । ନଦୀରେ ପୋଲିସ ୨୨୪ ଖଣ୍ଡ ପାଇଥିଲା କିନ୍ତୁ ଆଉ କିଛି ଗାଏବ ଥିବା ଜଣାପଡିଥିଲା । ତେବେ ସ୍ୱାମୀ ଓ ସ୍ତ୍ରୀଙ୍କ ମଧ୍ୟରେ କିଛି ଝଗଡା ଚାଲିଥିଲା ବୋଲି ହୋଲିଙ୍କ ମା’ କହିଛନ୍ତି । ସେମାନେ ପରସ୍ପର ଠାରୁ ଅଲଗା ହେବାକୁ ନିଷ୍ପତ୍ତି ନେଇଥିଲେ । କିନ୍ତୁ ତା’ ପୂର୍ବରୁ ମୋ ଝିଅକୁ ସେ ମାରିଦେଲା ବୋଲି ହୋଲିଙ୍କ ମା’ କହିଛନ୍ତି ।
ତେବେ ପୋଲିସ ଅଭିଯୁକ୍ତ ଗିରଫ କରିଛି । ସୋମବାର ଦିନ ତାଙ୍କୁ ଦଣ୍ଡାଦେଶ ଦିଆଯିବ । ହେଲେ କାହିଁକି ତାଙ୍କ ପତ୍ନୀଙ୍କୁ ହତ୍ୟା କରିଥିଲେ ତା’ର କୌଣସି ଉତ୍ତର ଦେଇନଥିଲା ସ୍ୱାମୀ ।
ଭୁବନେଶ୍ୱର(କେନ୍ୟୁଜ୍): ସରିଲା ଗଣତନ୍ତ୍ରର ମହାପର୍ବ । ଓଡିଶାରେ ଚତୁର୍ଥ ତଥା ଅନ୍ତିମ ପର୍ଯ୍ୟାୟ ନିର୍ବାଚନରେ ୬ଟି ଲୋକସଭା ଓ ୪୨…
ଭଦ୍ରକ (କେନ୍ୟୁଜ୍): ବୁଥ ସାମ୍ନାରେ ହାଣିଲା ସ୍ୱାମୀ । ସ୍ତ୍ରୀକୁ ମେଡିକାଲରେ ମୃତ ଘୋଷଣା କଲେ ଡାକ୍ତର । ତେବେ…
ପ୍ରବଳ ଗ୍ରୀଷ୍ମ ତାତି ଭିତରେ ଉତ୍ତର ପ୍ରଦେଶର ନୋଏଡାରେ ଲଗାତାର ଅଗ୍ନିକାଣ୍ଡ ଘଟୁଛି । ଗତ ୩ ଦିନ ହେବ…
ରାୟଗଡ଼ା(କେନ୍ୟୁଜ୍): ବସ୍ ରେ ଲାଗିଲା ନିଆଁ । ହୁତୁ ହୁତୁ ହୋଇ ବସ୍ଷ୍ଟାଣ୍ଡରେ ଜଳିଗଲା ବସ୍ । ରାୟଗଡ଼ା ଜିଲ୍ଲା…
ପୁରୀ(କେନ୍ୟୁଜ୍): ପୁରୀ ନରେନ୍ଦ୍ର ପୁଷ୍କରିଣୀ ବାଣ ବିସ୍ଫୋରଣ ମାମଲାରେ ଆଉ ଜଣଙ୍କ ମୃତ୍ୟୁ । ଏଥିସହ ମୃତ୍ୟୁସଂଖ୍ୟା ୯ କୁ ବୃଦ୍ଧି…
ଭାରତରେ ଭାରତୀୟ ରେଳ ହେଉଛି ଲୋକଙ୍କ ଲାଇଫ ଲାଇନ । ପ୍ରତିଦିନ ଲକ୍ଷ ଲକ୍ଷ ଯାତ୍ରୀ ଭାରତୀୟ ରେଳପଥ ଦେଇ…