କରୋନା ସଂକ୍ରମଣରେ ଲାଗୁନି ବ୍ରେକ୍ । ଗତ ୨୪ ଘଣ୍ଟାରେ ୧୧ହଜାର ୬୯୨ ସଂକ୍ରମିତ ଚିହ୍ନଟ ହୋଇଛନ୍ତି । ମୋଟ ସଂକ୍ରମଣର ୬୦ ପ୍ରତିଶତ ୫ ରାଜ୍ୟରୁ ବାହାରିଛି । ୬୬ ହଜାର ପାର କରିଛି ଆକ୍ଟିଭ କେସ୍ । ଏପଟେ ଓଡ଼ିଶାରେ ୪୦୦ ଟପିଛି ସଂକ୍ରମଣ। ୨୪ ଘଣ୍ଟାରେ ଚିହ୍ନଟ ହୋଇଛନ୍ତି ୪୩୧ ନୂଆ ଆକ୍ରାନ୍ତ । ନବରଙ୍ଗପୁର, ସମ୍ବଲପୁର ଓ ନୂଆପଡାରେ ମାମଲା ବଢୁଥିବା ଜନସ୍ୱାସ୍ଥ୍ୟ ନିର୍ଦ୍ଦେଶକ ସୂଚନା ଦେଇଛନ୍ତି ।
୫ ରାଜ୍ୟରୁ ବାହାରିଛି ୭ ହଜର ୯୪ ମାମଲା । କେରଳରୁ ୨ହଜାର ୪୮୪ କେସ ଚିହ୍ନଟ ହୋଇଥିବା ବେଳେ ଦିଲ୍ଲୀରେ ୧ ହଜାର ୬୦୩, ମହାରାଷ୍ଟ୍ରରେ ୧ ହଜାର ୧୧୩, ହରିଆଣାରେ ୧୦୫୯ ଓ ଉତ୍ତର ପ୍ରଦେଶରେ ୮୩୭ ଡେଲି କେସ ଚିହ୍ନଟ ହୋଇଛି ।
ଏପ୍ରିଲ ମାସର ପ୍ରଥମ ୩ ଦିନ ୩ ହଜାର ଉପରେ ଥିଲା ଦୈନିକ ସଂକ୍ରମଣ। ୪ ଏପ୍ରିଲରେ ୪ ହଜାର ଟପିଲା। ୫ ଏପ୍ରିଲରେ ୫ ହଜାର ପାର କରିଥିବା ବେଳେ ଗତ ୧୯ ତାରିଖରେ ଚଳିତ ବର୍ଷର ସର୍ବାଧିକ ଦୈନିକ ସଂକ୍ରମଣ ୧୨ ହଜାର ୫୯୧ ମାମଲା ଚିହ୍ନଟ ହୋଇଥିଲା ।
ଏବେ ଡେଲି କେସ୍ ୧୦ରୁ ୧୨ ହଜାର ପର୍ଯ୍ୟନ୍ତ ରହୁଛି । ମୃତ୍ୟୁସଂଖ୍ୟାରେ ବି ଲାଗୁନି ବ୍ରେକ୍ । ଆଉ ୨୮ ଜୀବନ ନେଇଛି କରୋନା । ଗତକାଲି ୨୯ଜଣଙ୍କ ମୃତ୍ୟୁ ହୋଇଥିଲା । ସଂକ୍ରମଣ ବଢ଼ିବା ସହ ଆକ୍ଟିଭ କେସ ବଢ଼ୁଛି । ୬୬ହଜାର ପାର କଲାଣି ଆକ୍ଟିଭ କେସ୍ ।
ଏଣିକି କୋର୍ଟ ପରିସରରେ ମାସ୍କ ବାଧ୍ୟତାମୂଳକ । ଗହଳି କରିବା ବି ମନା । ଆଦେଶ ଜାରି କରିଛନ୍ତି ଦିଲ୍ଲୀ ହାଇକୋର୍ଟର ମୁଖ୍ୟ ବିଚାରପତି । ରାଜଧାନୀ ଦିଲ୍ଲୀରେ କରୋନା ସଂକ୍ରମଣ ଏବେ ଉପରମୁହାଁ ଥିବା ବେଳେ ଏପରି ପଦକ୍ଷେପ ନିଆଯାଇଛି ।
କୋଭିଡ ମାମଲା ବୃଦ୍ଧି ପାଉଥିବାରୁ ସଜାଗ କେନ୍ଦ୍ର ସରକାର । ଦିଲ୍ଲୀ, ତାମିଲନାଡୁ, ୟପି, ହରିଆଣା, କର୍ଣ୍ଣାଟକ, କେରଳ, ମହାରାଷ୍ଟ୍ର ଓ ରାଜସ୍ଥାନର ମୁଖ୍ୟ ଶାସନ ସଚିବଙ୍କୁ ଚିଠି ଲେଖିଛନ୍ତି କେନ୍ଦ୍ର ସ୍ୱାସ୍ଥ୍ୟ ସଚିବ ରାଜେଶ ଭୂଷଣ । କୋଭିଡ ସ୍ଥିତିର ମୁକାବିଲା ପାଇଁ ପ୍ରସ୍ତୁତ ରହିବାକୁ ନିର୍ଦ୍ଦେଶ ଦେଇଛନ୍ତି।
ଆବଶ୍ୟକ ଔଷଧ, ବେଡ, ଚିକିତ୍ସା ସରଞ୍ଜାମ ସହ ମେଡିକାଲ ଅକ୍ସିଜେନ ଯଥେଷ୍ଟ ପରିମାଣରେ ମହଜୁଦ ରଖିବାକୁ ପରାମର୍ଶ ଦିଆଯାଇଛି। କୋଭିଡର ପାଞ୍ଚସୂତ୍ରୀ ନିୟମାବଳୀ ପାଳନ କରିବାକୁ ଗୁରୁତ୍ୱ ଦିଆଯାଇଛି।
ମେଷ: ଆସନ୍ତାକାଲି ଏକ ଭଲ ଦିନ ହେବ । ସ୍ୱାସ୍ଥ୍ୟ ଭଲ ରହିବ । କୌଣସି ଶାରୀରିକ ଯନ୍ତ୍ରଣା ହେବ…
ମାଲକାନଗିରି : ମାଲକାନଗିରି ଜିଲ୍ଲା ତୁଳସୀ ପାହାଡରେ BSF ଜବାନଙ୍କୁ ମିଳିଛି ବଡ଼ ସଫଳତା । ସୁରକ୍ଷାକର୍ମୀଙ୍କ କୁମ୍ବିଙ୍ଗ ଅପରେସନ…
ଆନନ୍ଦପୁର : ପୋଖରୀରେ ବୁଡି ବୃଦ୍ଧ ମୃତ । ରାମଚନ୍ଦ୍ରପୁର ଥାନା ନର୍ଦା ଗାଁରେ ଦେଖିବାକୁ ମିଳିଛି ଏଭଳି ଅଘଟଣ…
ଜଳେଶ୍ୱର : ଅଧା ବଗି ଛାଡ଼ି ଦୁଇ କିଲୋମିଟର ଚାଲିଗଲା ମାଲଗାଡ଼ି । ଦକ୍ଷିଣ-ପୂର୍ବ ରେଳ ପଥର ବାଲେଶ୍ବର ଜିଲ୍ଲା…
କେନ୍ୟୁଜ (ବ୍ୟୁରୋ) : ଓଡ଼ିଶାରେ ସରକାର ଗଠନ କରିବାକୁ ବିଜେପି ରାଜ୍ୟପାଳଙ୍କ ନିକଟରେ ଦାବି କରିଛି । ଆଜି ରାଜ୍ୟ…
ଆନନ୍ଦପୁର(କେନ୍ୟୁଜ୍): ଅସହ୍ୟ କଲା ଗରମ ଗୁଳୁଗୁଳି । ପୋଖରୀକୁ ଗାଧୋଇବାକୁ ଯାଇଥିଲେ ବୃଦ୍ଧ । ଗୋଡ଼ ଖସିଗଲା ପାଣିରେ ବୁଡି…