କୋଲକାତା (କେନ୍ୟୁଜ୍) : ପେଟ ପୋଷିବା ପାଇଁ ସାଉଦି ଆରବ ଯାଇଥିବା କିଛି ଓଡ଼ିଆଙ୍କ ମଧ୍ୟରୁ ଦୁଇ ଜଣ ଏବେ ବଡ଼ ମାମଲାରେ ଫସି ପୋଲିସ୍ ହେପାଜତରେ ଅଛନ୍ତି । ସେମାନଙ୍କୁ ମିଛ ମାମଲାରେ ଫସାଇ ଦିଆ ଯାଇଥିବା ସେମାନେ ଅଭିଯୋଗ କରିଛନ୍ତି । ଏମାନେ ହେଲେ ମହମ୍ମଦ ଜଲ୍ଲାଲୁଦ୍ଦିନ ଏବଂ ସେଖ୍ ଇମ୍ରାନ୍ । ଘର ଯାଜପୁର ଜିଲ୍ଲାରେ ।
ଏଜେଣ୍ଟ ଲକ୍ଷେ ୨୦ ହଜାର ଟଙ୍କା ଦେଇ ସାଉଦିଆରବର ତାଇବଠାରେ ଚାକିରି ପାଇଥିଲେ । ହେଲେ ସେମାନଙ୍କୁ ଯାହା ପ୍ରତିଶ୍ରୁତି ଦେଇ ଅଣାଯାଇଥିଲା ତାହା ପୂରଣ କରାଗଲା ନାହିଁ । କୁହାଯାଇଥିବା କାମ କି ଦରମା କିଛି ବି ମିଳିଲା ନାହିଁ । ଏମାନେ ସମସ୍ତେ ହୋଟେଲରେ କାମ କରୁଥିଲେ । ଯେତେବେଳେ ସେମାନେ ଏହାର ପ୍ରତିବାଦ କରି ଓଡ଼ିଶା ଫେରି ଆସିବାକୁ ଚାହିଁଲେ ସେମାନଙ୍କୁ ମିଛ କେସ୍ରେ ଫସାଇ ଦିଆଗଲା ବୋଲି ଏହି ଦୁଇ ଓଡ଼ିଆ ଯୁବକ କହିଛନ୍ତି । ଏବେ ସେମାନେ ଜେଢାର ଏକ ମସଜିଦରେ ରହୁଛନ୍ତି । ସେମାନଙ୍କ ପାଖରେ ଖାଇବାକୁ ବି ପଇସା ନାହିଁ । ବଡ଼ କଷ୍ଟରେ ଚଳୁଛନ୍ତି ।
ସୂଚନା ଅନୁସାରେ, ସାମାଜିକ କର୍ମୀ ଡ. ଅରୁଣ କୁମାର ପ୍ରହରାଜ ପ୍ରାୟ ୫ ଜଣ ଓଡ଼ିଆ ସାଉଦି ଆରବରେ ଫସି ରହିଥିବା ଖବର ପାଇଥିଲେ । ସେ ଲଗାତର ଭାବେ ଚେଷ୍ଟା କରି ସେମାନଙ୍କ ମଧ୍ୟରୁ ତିନି ଜଣଙ୍କୁ ମୁକୁଳାଇବାରେ ସଫଳ ହୋଇଥିଲେ । ଫଳରେ ତିନି ଜଣ ଓଡ଼ିଶା ଫେରି ଆସିଥିବା ବେଳେ ଆଉ ଦୁଇ ଜଣ ଫେରିବା ପୂର୍ବରୁ ସେମାନଙ୍କୁ ମିଛ ମାମଲାରେ ଫସାଇ ଦିଆଗଲା । ଯାହାଫଳରେ ସେମାନେ ସେହିଠାରେ ରହିଗଲେ । ଏମାନେ ସେଠାକାର ଭାରତୀୟ ଦୂତାବାସକୁ ମଧ୍ୟ ଅନୁରୋଧ କଲେ ହେଲେ କିଛି ଫଳ ମିଳିନାହିଁ । ଡ. ଅରୁଣ ପ୍ରହରାଜଙ୍କୁ ଏଥିରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଏବଂ ବରିଷ୍ଠ ବିଜେଡି ନେତା ପ୍ରଣବ କିଶୋର ଦାସଙ୍କ ସହଯୋଗ ମିଳିଥିଲା । ହେଲେ ଜେଢା ସ୍ଥିତ ଭାରତୀୟ ଦୂତାବାସ ଜଣାଇ ଦେଲା କି ଜଲାଲ୍ଲଦ୍ଦିନ ଓ ଇମ୍ରାନ୍ଙ୍କ ନାଁରେ ମାମଲା ଥିବାରୁ ସେମାନେ ପ୍ରଥମେ ପୋଲିସ୍ରୁ ନିଜକୁ ମୁକ୍ତ କରନ୍ତୁ ।
ତେବେ ଏମାନେ କାମ କରୁଥିବା ହୋଟେଲ ମାଲିକ ଜଣେ ପ୍ରଭାବଶାଳୀ ବ୍ୟକ୍ତି ହୋଇଥିବାରୁ ଏହି ଦୁଇ ଓଡ଼ିଆ ଅଧିକ ସଂକଟରେ ପଡ଼ି ଯାଇଛନ୍ତି । ମାମଲାରୁ ମୁକ୍ତି ପାଇ ପାରୁ ନାହାନ୍ତି । ଏମାନେ ଆରବ ଭାଷା ଜାଣି ନଥିବାରୁ ପୋଲିସ୍ ସହ ମଧ୍ୟ କଥା ହୋଇ ପାରୁ ନାହାନ୍ତି । ତେଣୁ ଭାରତୀୟ ଦୂତାବାସର ଜଣେ ଅଧିକାରୀ କିମ୍ବା ଓକିଲଙ୍କୁ ପଠାଇବା ପାଇଁ ଅନୁରୋଧ କରିଛନ୍ତି । ତେବେ ଦୂତାବାସ ପକ୍ଷରୁ ଏ ନେଇ କୌଣସି ପଦକ୍ଷେପ ନିଆଯାଇ ନଥିବା ଜଣାପଡ଼ିଛି ।
ଅନ୍ୟପକ୍ଷରେ ଜଲାଲ୍ଲଦ୍ଦିନ ଓ ଇମ୍ରାନ୍ ସେମାନଙ୍କ ପରିବାରର ଏକମାତ୍ର ରୋଜଗାରିଆ ବ୍ୟକ୍ତି ହୋଇଥିବାରୁ ବଡ଼ ସମସ୍ୟା ସୃଷ୍ଟି ହୋଇଛି । ତେଣୁ ଏହି ଗରିବ ଯୁବକ ଦୁଇଜଣଙ୍କୁ ଉଦ୍ଧାର କରିବା ପାଇଁ ଡ. ଅରୁଣ କୁମାର ରାଜ୍ୟ ଓ କେନ୍ଦ୍ର ସରକାରଙ୍କୁ ନିବେଦନ କରିଛନ୍ତି ।
ମେଷ : ବ୍ୟବସାୟ ତଥା ଅନ୍ୟ କ୍ଷେତ୍ରରେ ଆଜିର ଦିନ ଆପଣ ପାଇଁ ଲାଭପ୍ରଦ ଅଟେ । ଘର ତଥା…
ଭୁବନେଶ୍ଵର(କେନ୍ୟୁଜ୍): ସମୟ ଥିଲା ଅପରାହ୍ନ । ଅନେକ ବ୍ୟକ୍ତି, ସଂଗଠନ, ସାଧାରଣ ଲୋକ ଆସି ରାଜ୍ୟ ଅତିଥି ଭବନର ଅସ୍ଥାୟୀ…
ଭୁବନେଶ୍ୱର: ଟାଇଁ ଟାଇଁ ମୁଣ୍ଡଫଟା ଖରା । ଚାଲିକି କି ସାଇକେଲରେ ଯିବା ଲୋକ ଖୋଜୁଛି ଗଛ ଛାଇ ଟିକେ…
ଗଞ୍ଜାମ(କେନ୍ୟୁଜ୍): କାର ସହ ମୋଟର ସାଇକେଲ ମୁହାଁମୁହିଁ ଧକ୍କା। ୨ ବାଇକ ଆରୋହୀ ମୃତ । ଗଞ୍ଜାମ ଜିଲ୍ଲା ଖଲ୍ଲିକୋଟ…
ଭୁବନେଶ୍ୱର(କେନ୍ୟୁଜ୍): ନିଷ୍କ୍ରିୟ ରହିଛି ଦକ୍ଷିଣ ପଶ୍ଚିମ ମୌସୁମୀ ବାୟୁ । ଦକ୍ଷିଣ ଓଡିଶାରେ ପ୍ରବେଶ କରିବା ପରେ ଆଉ ଆଗକୁ…
ଭୁବନେଶ୍ୱର(କେନ୍ୟୁଜ୍): ଆସନ୍ତାକାଲି ପାଳିତ ହେବ ଆର୍ଟ ଅଫ୍ ଗିଭିଂ ଦିବସ । ଅନ୍ୟକୁ ସାହାଯ୍ୟ ଏବଂ ଦାୟିତ୍ବ ସମ୍ପନ୍ନ ଭାବେ…