ଦେଶ ବିଦେଶ

ନିଜ ବାଇସାଇକେଲ ଚଲାଇ ଅଫିସ୍‌ ପହଁଚିଲେ କମିଶନର, ଜାଣନ୍ତୁ କାହିଁକି ?

ଦେଶର ସବୁଠାରୁ ସ୍ୱଚ୍ଛ ସହର ଇନ୍ଦୋରର ଏକ ଭିଡିଓ ଏବେ ସାମ୍ନାକୁ ଆସିଛି । ଆଉ ଏହି ଭାଇରାଲ ଭିଡିଓ ହେଉଛି ଜଣେ ପୋଲିସ କମିଶନରଙ୍କର । ସୋସିଆଲ ମିଡିଆରେ ଭାଇରାଲ ହେଉଥିବା ଭିଡିଓରେ ପୋଲିସ କମିଶନର କହୁଥିବାର ଶୁଣିବାକୁ ମିଳୁଛି ଯେ ଜଗିଥିବ ଯେମିତି ମୋ ସାଇକେଲ ଚୋରି ହେବନି । ବାସ୍ତବରେ ପୋଲିସ କମିଶନର ଡ୍ୟୁଟି ଆସିଛନ୍ତି ସାଇକେଲ ଚଲାଇ । ଇନ୍ଦୋର ମେୟର ଶୁକ୍ରବାର ନୋ କାର ଡେ ଘୋଷିତ କରିଥିଲେ । ଯେଉଁକାରଣରୁ ଅନେକ ବଡ ବଡ ଅଫିସର ଅଲଗା ଅଲଗା ସାଧନରେ ନିଜ ଅଫିସରେ ପହଁଚିଥିଲେ । କିଏ ପବ୍ଲିକ ଟ୍ରାନ୍ସପୋର୍ଟରେ ଅଫିସ ପହଁଚିଥିଲେ ତ ଆଉ କିଏ ନିଜ ଗାଡିରେ ପହଁଚିଥିଲେ ଅଫିସ । ଆଉ ଏହାରି ଭିତରେ ଇନ୍ଦୋର ପୋଲିସ କମିଶନର ମକରନ୍ଦ ଦେଓସ୍କର ସାଇକେଲ ଚଲାଇ ଅଫିସ ପହଁଚିଥିଲେ ।

ତେବେ ଭିଡିଓରେ ଦେଖିବାକୁ ମିଳୁଛି ଯେ ଅଫିସ ପହଁଚିବା ପରେ କମିଶନର ଜଣେ ପୋଲିସକର୍ମୀଙ୍କୁ ସାଇକେଲ ପାର୍କ କରିବାକୁ ଧରାଉଛନ୍ତି । ଏହାସହିତ ହିଁ ସେ କହୁଛନ୍ତି ନଜର ରଖୁଥିବ ଯେମିତି ମୋ ସାଇକେଲକୁ କିଏ ଚୋରି କରିବେନାହିଁ । ଇନ୍ଦୋର ପୋଲିସ ମକରନ୍ଦ ଦେଓସ୍କରଙ୍କର ଏହି ଭିଡିଓ ଏବେ ଖୁବ୍‌ ଭାଇରାଲ ହେଉଛି । ଇନ୍ଦୋର ପୋଲିସ କମିଶନରର ଟ୍ଵିଟର ଆକାଉଣ୍ଟରେ ଏହି ଭିଡିଓ ପୋଷ୍ଟ କରାଯାଇଛି । ଏହି ଭାଇରାଲ ଭିଡିଓକୁ ଦେଖି ଲୋକମାନେ ଭିନ୍ନ ଭିନ୍ନ କମେଣ୍ଟ କରୁଛନ୍ତି ।

ପରିବେଶକୁ ସୁରକ୍ଷା ଦେବା ଉଦ୍ଦେଶ୍ୟେ ଶୁକ୍ରବାର ଇନ୍ଦୋରରେ ନୋ କାର ଡେ ଘୋଷିତ କରାଯାଇଥିଲା । ଯାହାକୁ ସାଧାରଣ ଲୋକଙ୍କ ସମେତ ଅନେକ ବିଶିଷ୍ଟ ଲୋକ ବି ସମର୍ଥନ କରିଥିଲେ । ନୋ କାର ଡେ କାରଣରୁ କମିଶନର ମକରନ୍ଦ ସାଇକେଲରେ ଅଫିସ ପହଁଚିଥିଲେ । ସେହିପରି କମିଶନର କହିଛନ୍ତି ଯେ ଏହି ନୋ କାର ଡେ ପଦକ୍ଷେପ ନେବାର ମୂଳ ଉଦ୍ଦେଶ୍ୟ ହେଉଛି ଟ୍ରାଫିକରୁ ରକ୍ଷା ପାଇବା ଏବଂ ପରିବେଶକୁ ସୁରକ୍ଷା ଦେବା । ଆପଣ ବି ଶୁଣନ୍ତୁ କମିଶନର କଣ କହୁଛନ୍ତି ।

ତେବେ ଖାଲି ଯେ କମିଶନର ସାଇକେଲ ଚଲାଇ ଅଫିସ ପହଁଚିଛନ୍ତି ତାହା ନୁହେଁ ଇନ୍ଦୋରର କଲେକଟର ଇଲେୟା ରାଜା ଟି ପବ୍ଲିକ ଟ୍ରାନ୍ସପୋର୍ଟ ନେଇ ଅଫିସ ପହଁଚିଥିଲେ । କଲେକ୍ଟର ନିଜ ଘରୁ ବସ୍‌ ଷ୍ଟାଣ୍ଡ ପର୍ଯ୍ୟନ୍ତ ଚାଲି ଚାଲି ଆସିଥିଲେ । ଏହାପରେ ସେ ବସରେ ଯାତ୍ରା କରିଥିଲେ । ସେହିପରି ନିଜେ ମେୟର ସ୍କୁଟି ଚଲାଇ ପହଁଚିଥିଲେ ଅଫିସରେ । ଯାହାର ଫଟୋ ଭିଡିଓ ଖୁବ୍‌ ଭାଇରାଲ ହେଉଛି ସୋସିଆଲ ମିଡିଆରେ ।

Pritiparna

Recent Posts

ଅଣସର ଘରେ ମହାପ୍ରଭୁ, ଆଜିଠୁ ଅଲାରନାଥ ଦର୍ଶନ

ବ୍ରହ୍ମଗିରି (କେନ୍ୟୁଜ): ଆଜି ଠାରୁ ମହାପ୍ରଭୁ ଅଲାରନାଥଙ୍କ ଅଣସର ଦର୍ଶନ । ଚଳିତ ବର୍ଷ ୧୩ଦିନ ଧରି ଚାଲିବ ଏହି…

7 mins ago

ନିଟ୍ ପ୍ରଶ୍ନପତ୍ର ଲିକ୍ ବିବାଦ ମାମଲାରେ ବଡ଼ ଘୋଷଣା, CBIକୁ ତଦନ୍ତ ଭାର ହସ୍ତାନ୍ତର

ନୂଆଦିଲ୍ଲୀ : ଥମୁନି ନିଟ୍ ବିବାଦ । ନିଟ୍ ପ୍ରଶ୍ନପତ୍ର ଲିକ୍ ବିବାଦ ମାମଲାରେ କେନ୍ଦ୍ର ସରକାରଙ୍କ ବଡ଼ ଘୋଷଣା…

8 mins ago

ଆଜିର ରାଶିଫଳ : ଆଜି ଏହି ରାଶିର ଲୋକଙ୍କୁ କିଛି ନୂଆ କାର୍ଯ୍ୟ କରିବାକୁ ମିଳିବ, ବନ୍ଧୁଙ୍କ ସହ ଖୁସିର ସମୟ କାଟିବେ

ମେଷ: ଆଜି ଆପଣଙ୍କ ପାଇଁ ଦିନଟି ମିଶ୍ରିତ ରୂପେ ଲାଭଦାୟକ ରହିବ । ପାରିବାରିକ ସମ୍ପର୍କ ମଧୁର ହେବ ।…

7 hours ago

ସମ୍ଭାବ୍ୟ ବନ୍ୟା ପରିଚାଳନାର ପ୍ରସ୍ତୁତି ସମୀକ୍ଷା କଲେ ମୁଖ୍ୟମନ୍ତ୍ରୀ

ଭୁବନେଶ୍ୱର : ମୁଖ୍ୟମନ୍ତ୍ରୀଙ୍କ ମୌସୁମୀ ଋତୁରେ ସମ୍ଭାବ୍ୟ ବନ୍ୟା ପରିଚାଳନାର ପ୍ରସ୍ତୁତି ସମୀକ୍ଷା କଲେ ମୁଖ୍ୟମନ୍ତ୍ରୀ। ଜଳସମ୍ପଦ ବିଭାଗର ବରିଷ୍ଠ…

8 hours ago

ଶିକ୍ଷା ମନ୍ତ୍ରୀଙ୍କ ଅଚାନକ ବିଦ୍ୟାଳୟ ପରିଦର୍ଶନ, ବିଭିନ୍ନ ସମସ୍ୟା ପଚାରି ବୁଝିଲେ

ଉମରକୋଟ: ଶିକ୍ଷା ମନ୍ତ୍ରୀଙ୍କ ଅଚାନକ ବିଦ୍ୟାଳୟ ପରିଦର୍ଶନ । ନବରଙ୍ଗପୁର ଜିଲ୍ଲା ଉମରକୋଟ ସ୍ଥିତ ସରକାରୀ ପ୍ରାଥମିକ ବିଦ୍ୟାଳୟ ଡାଙ୍ଗରୀଗୁଡାକୁ…

9 hours ago

କିଟ୍‍ ଓ କିସ୍‍ ପ୍ରତିଷ୍ଠାତା ଡ. ଅଚ୍ୟୁତ ସାମନ୍ତଙ୍କୁ ଆଇଏସଟିଇ ଜୀବନବ୍ୟାପୀ ସାଧନା ପୁରସ୍କାର

ଭୁବନେଶ୍ୱର : କିଟ୍‍ ଓ କିସ୍‍ ପ୍ରତିଷ୍ଠାତା ଡ. ଅଚ୍ୟୁତ ସାମନ୍ତଙ୍କୁ ଆଇଏସଟିଇ ଜୀବନବ୍ୟାପୀ ସାଧନା ପୁରସ୍କାର ପ୍ରଦାନ କରାଯାଇଛି।…

10 hours ago