ଆପଣ ପିକେ ଫିଲ୍ମର ସେହି ସିନ୍ ନିଶ୍ଚୟ ଦେଖିଥିବେ, ଯେତେବେଳେ ଅମିର ଖାନ୍ ନିଜକୁ ବଞ୍ଚାଇବା ପାଇଁ ନିଜ ମୁହଁରେ ଭଗବାନଙ୍କ ଷ୍ଟିକର ଲଗାଇ ଦେଉଛନ୍ତି ଆଉ ମାଡ଼ ଖାଇବାକୁ ବଞ୍ଚିଯାଉଛନ୍ତି। ଠିକ୍ ଏମିତି ହିଁ ଜଣେ ବ୍ୟକ୍ତି ଭଗବାନଙ୍କ ସାହାରା ନେଇଛନ୍ତି। ଏଠି ସେ ନିଜ ପାଇଁ ନୁହେଁ, ବରଂ ଗଛ ପାଇଁ ଏଭଳି କାମ କରିଛନ୍ତି।
ଉତ୍ତର ପ୍ରଦେଶର ଗୋଡ଼ାରେ ରହୁଥିବା ଜଣେ ବ୍ୟକ୍ତି ଗଛକୁ ବଞ୍ଚାଇବା ତଥା ସୁରକ୍ଷିତ ରଖିବା ପାଇଁ ଏକ ନୂଆ ଉପାୟ ଆପଣାଇଛନ୍ତି। ଗଛ କାଟିବାରୁ ବଞ୍ଚାଇବା ପାଇଁ ସେ ଦେବଦେବୀଙ୍କ ସାହାରା ନେଉଛନ୍ତି। ଏହି ବ୍ୟକ୍ତିଙ୍କ ନାଁ ପରାଗଦତ୍ତ ମିଶ୍ର, ଯିଏକି ଗୋଡ଼ା ଜିଲା ବଜିରଗଞ୍ଜ ବିକାଶ ଖଣ୍ଡର ନଗଓ୍ଵା ଗ୍ରାମ ପଞ୍ଚାୟତର ମୁଖିଆ।
ଗଛକୁ ସୁରକ୍ଷିତ ରଖିବା ପାଇଁ ପରାଗଦତ୍ତ ଗଛଗୁଡ଼ିକରେ ଦେବଦେବୀଙ୍କ ଛବି ଆଙ୍କି କିମ୍ବା ସେମାନେ ଧାରଣ କରୁଥିବା ଅସ୍ତ୍ରର ଚିତ୍ର ଆଙ୍କି ସେଥିରେ ସିନ୍ଦୂର ଲଗାଇ ଦେଉଛନ୍ତି। ଗଛରେ ହୋଇଥିବା ଦେବଦେବୀଙ୍କ ଚିତ୍ର ଦେଖି ଲୋକେ ଏହାକୁ କାଟିବାକୁ ଭୟ କରୁଛନ୍ତି। ଏଭଳି ନିଆରା ଉପାୟରେ ପରାଗଦତ୍ତ ହଜାର ହଜାର ଗଛଗୁଡ଼ିକୁ କାଟିବାରୁ ବଞ୍ଚାଇପାରିଛନ୍ତି।
ପରାଗଦତ୍ତଙ୍କ କହିବା ହେଲା, ସେ ଦେବଦେବୀଙ୍କୁ ଏହି ଗଛଗୁଡ଼ିକର ସଂରକ୍ଷକ କରିଛନ୍ତି। ପେଣ୍ଟିଂର ପୂରା ଖର୍ଚ୍ଚ ସେ ନିଜେ ହିଁ ଉଠାଇଥାଆନ୍ତି। ଏଥିପାଇଁ ସବୁବେଳେ ନିଜ ଗାଡ଼ିରେ ପେଣ୍ଟ୍ ଏବଂ ବ୍ରଶ ଧରି ଚାଲିଥାଆନ୍ତି। ଗୋଟିଏ ଗଛରେ ଚିତ୍ର ବନାଇବା ପାଇଁ ପାଖାପାଖି ୨୦୦ ଟଙ୍କା ଖର୍ଚ୍ଚ ହୋଇଥାଏ।
ସେ ଆହୁରି ମଧ୍ୟ କହିଥିଲେ, ଗତଥର ଯେତେବେଳେ ସେ ଗାଁର ମୁଖିଆ ହୋଇଥିଲେ, ହଜାର ହଜାର ଗଛ ଲଗାଇଥିଲେ। କିନ୍ତୁ ଲୋକେ ସେଗୁଡ଼ିକୁ ଲୁଚିଛପି କାଟିଦେଇଥିଲେ। କିନ୍ତୁ ଏଥର ସେଭଳି ନ ହେବା ପାଇଁ ସେ ନୂଆ ଉପାୟ ବାହାର କରିଛନ୍ତି। ସେପଟେ ତାଙ୍କ ସଫଳତାକୁ ଦେଇ ଆଖପାଖର ଗାଁ ଲୋକ ମଧ୍ୟ ଏହିଭଳି ଉପାୟରେ ଗଛକୁ ବଞ୍ଚାଇବା ପାଇଁ ଉଦ୍ୟମ ଆରମ୍ଭ କରିଦେଇଛନ୍ତି।
ଭଦ୍ରକ: ତିନି ଦିନରେ ନେଇଛି ୩ ଜୀବନ । ଗୋଟିଏ ପରେ ଗୋଟିଏ ଜୀବନ ନେଇଛି ଅଭିଯୁକ୍ତ ନାବାଳକ ।…
ପ୍ରିୟଙ୍କା ଚୋପ୍ରା କେବଳ ଜଣେ ମହାନ ଅଭିନେତ୍ରୀ, ଗାୟକ ଏବଂ ଲେଖକ ନୁହଁନ୍ତି, ସେ ଜଣେ ଭଲ ବ୍ୟବସାୟୀ ମଧ୍ୟ…
ଗୋପ (କେନ୍ୟୁଜ): କୋଣାର୍କ ବାଲୁଖଣ୍ଡ ଅଭୟାରଣ୍ୟକୁ ଆସିଲେ ବିରଳ ୧୦ କୃଷ୍ଣସାର ମୃଗ । ବନବିଭାଗ ପକ୍ଷରୁ ବିରଳ କୃଷ୍ଣସାର…
କେନ୍ୟୁଜ (ବ୍ୟୁରୋ) : ଆଉ ଦିନକ ପାଇଁ ବଢ଼ିଲା ସକାଳୁଆ ସ୍କୁଲ । ଆସନ୍ତାକାଲି ସକାଳ ୬ଟା ୩୦ ରୁ…
ଭାରତର ପୂର୍ବତନ ଅନ୍ତର୍ଜାତୀୟ କ୍ରିକେଟର ତଥା କର୍ଣ୍ଣାଟକର ଡାହାଣହାତୀ ଦ୍ରୁତ ବୋଲର ଡେଭିଡ୍ ଜନସନ୍ଙ୍କ ୫୨ ବର୍ଷ ବୟସରେ ଦେହାନ୍ତ…
ଶରୀରକୁ ସୁସ୍ଥ ରଖିବା ପାଇଁ କେବଳ ଭିଟାମିନ୍ ଏବଂ ମିନେରାଲ୍ସ ନୁହେଁ ବରଂ ପ୍ରଚୁର ଫାଇବର ମଧ୍ୟ ଆବଶ୍ୟକ ।…