ନିଜ ଋଣ ସୁଝିବାକୁ ପତ୍ନୀର କିଡନୀ ବିକ୍ରି କରିବାକୁ ଯୋଜନା କରୁଥିଲା ସ୍ୱାମୀ। କିନ୍ତୁ ସ୍ତ୍ରୀ ମନା କରି ଦେଲା। ଫଳରେ ସ୍ତ୍ରୀକୁ ମରଣାନ୍ତକ ଆକ୍ରମଣ କରିଛି ପିଶାଚ ସ୍ୱାମୀ। ଏଭଳି ଅଦ୍ଭୁତ ଘଟଣା ଦେଖିବାକୁ ମିଳିଛି କେରଳର ତିରୁଭନନ୍ତପୁରମ୍ଠାରେ। ଏଠାରେ ଜଣେ ସ୍ୱାମୀ ନିଜ କରଜ ସୁଝିବାକୁ ସ୍ତ୍ରୀର କିଡନୀକୁ ବନ୍ଧା ପକାଇ ଦେଇଥିଲା। କିନ୍ତୁ ଏ ନେଇ ସ୍ତ୍ରୀ ଜାଣିବା ପରେ ରୋକ୍ ଠୋକ୍ ମନା କରି ଦେଇଥିଲା। ଫଳରେ ସ୍ୱାମୀର ମୁଣ୍ଡକୁ ରାଗ ଚଢ଼ିଯାଇଥିଲା। ସେ ରାଗରେ ସ୍ତ୍ରୀ ଉପରେ ଆକ୍ରମଣ କରିଥିଲା। ସ୍ୱାମୀ ଏଭଳି ମାରିବାକୁ ଉଦ୍ୟମ କରିବାରୁ ସ୍ତ୍ରୀ ଏ ନେଇ ଥାନାରେ ଅଭିଯୋଗ କରିଛି। ଫଳରେ ପୋଲିସ ପହଞ୍ଚି ଅଭିଯୁକ୍ତ ସ୍ୱାମୀକୁ ଗିରଫ କରିଛି। ଏ ମାମଲାରେ ସ୍ୱାମୀ କହିଛି ଯେ ମୋ ସ୍ତ୍ରୀ ମୋତେ ସାହାଯ୍ୟ କରିବାକୁ ମନା କରିବାକୁ ତାକୁ ମୁଁ ପିଟିଲି।
ପୋଲିସ ପକ୍ଷରୁ ମିଳିଥିବା ସୂଚନା ଅନୁସାରେ, ଅଭିଯୁକ୍ତ ସ୍ୱାମୀ ଉପରେ ୪ ଲକ୍ଷ ଟଙ୍କାର କରଜ ଥିଲା। ବହୁ ଚେଷ୍ଟା ପରେ ବି ସେ ଋଣ ସୁଝିବାରେ ସମର୍ଥ ହୋଇନଥିଲା। ଏଣୁ ସେ ସ୍ତ୍ରୀର କିଡନୀ ବିକ୍ରି କରିବାକୁ ଯୋଜନା କରିଥିଲା। ଏଥିପାଇଁ ସେ ଏକ ଦଲାଲ ସହ କଥାବାର୍ତ୍ତା ହୋଇଥିଲା। ଏହି ଦଲାଲ ତାଙ୍କୁ କିଡନୀ ପାଇଁ ୯ ଲକ୍ଷ ଟଙ୍କା ଦେବାକୁ ଚୁକ୍ତି କରିଥିଲା। ପରେ ଅଭିଯୁକ୍ତ ଏ ନେଇ ସ୍ତ୍ରୀକୁ କହିଥିଲା ଓ କେତେକ ମେଡିକାଲ ଟେଷ୍ଟ କରିବାକୁ କହିଥିଲା। କିନ୍ତୁ ସ୍ତ୍ରୀ ନିଜ କିଡନୀ ଦେବାକୁ ରାଜି ହୋଇ ନଥିଲା। ଫଳରେ ସ୍ୱାମୀ ରାଗିଯାଇ ତାକୁ ପ୍ରବଳ ମାଡ଼ ମାରିଥିଲା। ଋଣ ସୁଝିବାରେ ସ୍ତ୍ରୀ ସାହାଯ୍ୟ କରୁନାହିଁ ବୋଲି ଆରୋପ ଲଗାଇ ସ୍ତ୍ରୀକୁ ମାରଧର କରୁଛି ସ୍ୱାମୀ।
ସ୍ୱାମୀର ଅତ୍ୟାଚାର ଅସହ୍ୟ ହେବାରୁ ସ୍ତ୍ରୀ ବାଧ୍ୟ ହୋଇ ଥାନାର ଦ୍ୱାରସ୍ଥ ହୋଇଥିଲା। ସ୍ତ୍ରୀ ଠାରୁ ସମସ୍ତ କଥା ଶୁଣିବା ପରେ ପୋଲିସ ଅଭିଯୁକ୍ତ ସ୍ୱାମୀକୁ ଗିରଫ କରିଛି। ଏଥିସହ କିଡନୀ ଦଲାଲୀ କରୁଥିବା ଦଲାଲକୁ ଧରିବାକୁ ମଧ୍ୟ ପୋଲିସ ଏକ ଟିମ୍ ନିୟୋଜିତ କରିଥିବା ଜଣାଯାଇଛି।
ସାଓମି ହେଉଛି ଭାରତର ଏକ ଲୋକପ୍ରିୟ ସ୍ମାର୍ଟଫୋନ୍ କମ୍ପାନୀ । ସାରା ଦେଶରେ ଲକ୍ଷ ଲକ୍ଷ ଲୋକ ସାଓମି ସ୍ମାର୍ଟଫୋନ୍…
ରାଜଧାନୀ ଦିଲ୍ଲୀରେ ବିଜୁଳି କାଟ୍ ହେବା ଯୋଗୁଁ ସବୁ କାର୍ଯ୍ୟରେ ପ୍ରଭାବ ପଡିଛି । ବିଜୁଳି କାଟ ହେବା ଯୋଗୁଁ…
ଭୁବନେଶ୍ୱର : ଡକ୍ଟର ଅଚ୍ୟୁତ ସାମନ୍ତଙ୍କ ଏକ ଅଭିନବ ପ୍ରୟାସ ହେଉଛି ଆର୍ଟ ଅଫ୍ ଗିଭିଙ୍ଗ । ଯାହାକି ପ୍ରତିବର୍ଷ…
ନୀଳଗିରି : ଘରୋଇ କଳହର କରୁଣ ପରିଣତି । ସ୍ତ୍ରୀର ବେକ କାଟି ମାରିବାକୁ ଉଦ୍ୟମ କଲା ସ୍ୱାମୀ। ବାଲେଶ୍ୱର…
ଆଇସିକ୍ରିମ୍ କାହାର ବା ପସନ୍ଦ ନୁହେଁ । ପିଲାଠୁ ବୁଢ଼ା ସମସ୍ତଙ୍କର ପସନ୍ଦ ଆଇସିକ୍ରିମ୍ । ବିଶେଷ କରି ଏହି…
ଭୁବନେଶ୍ୱର : ବଢ଼ିପାରେ ସ୍କୁଲ ଛୁଟି ଅବଧି। ଖରାର ପ୍ରକୋପକୁ ଦେଖି ସରକାର ଏହି ନିଷ୍ପତ୍ତି ନେଇପାରନ୍ତି । ପୂର୍ବର…