ନିର୍ଭୟା ଦୋଷୀଙ୍କୁ ନେଇ ବିବାଦ ଦିନକୁ ଦିନ ଘନେଇବାରେ ଲାଗିଛି। ଦୋଷୀଙ୍କ ଓକିଲଙ୍କ ମାଗିଥିବା ସମସ୍ତ ଦସ୍ତାବିଜ୍କୁ ଜେଲ ପ୍ରଶାସନ ତରଫରୁ ଦିଆଯାଇଛି। ଓକିଲଙ୍କ କହିବାନୁସାରେ କିଛି କାଗଜପତ୍ର କାଲି ରାତି ୧୦.୩୦ ବେଳେ ଦିଆଯାଇଛି। କିନ୍ତୁ ବିନୟର କେସ୍ ଡାଏରୀ ଏବେ ପର୍ଯ୍ୟନ୍ତ ଜେଲ ପ୍ରଶାସନ ତରଫରୁ ଦିଆଯାଇନାହିଁ। ୧୬୦ ପୃଷ୍ଠା ବିଶିଷ୍ଟ ଏହି କେସ୍ ଡାଏରୀ ଏବେ ଯାଏଁ ସେମାନେ ପାଇନାହାନ୍ତି ବୋଲି ଓକିଲ କହିଛନ୍ତି। ଏଥିସହ ତାଙ୍କ ମେଡିକାଲ ରିପୋର୍ଟ ମଧ୍ୟ ଏବେ ଯାଏଁ ଦିଆଯାଇନାହିଁ। ବିନୟ ଲୋକ ନାୟକ ମେଡିକାଲରେ ୧୦ ଦିନ ଚିକିତ୍ସାଧୀନ ଥିବା ବେଳେର ରିପୋର୍ଟ ମଧ୍ୟ ଜେଲ କର୍ତ୍ତୃପକ୍ଷ ଏବେ ଯାଏଁ ଦେଇନାହାନ୍ତି ବୋଲି ଜଣାଯାଇଛି।
ସୂଚନାଯୋଗ୍ୟ ଯେ ବିନୟର ଓକିଲ କୋର୍ଟରେ କହିଥିଲେ ଯେ କିଛି ଦିନ ତଳେ ମୁଁ ବିନୟଙ୍କୁ ଭେଟିଥିଲା। ତାଙ୍କ ସ୍ୱାସ୍ଥ୍ୟାବସ୍ଥା ଭଲ ନଥିଲା। ଜେଲ ପ୍ରଶାସନ ତାଙ୍କ ଧ୍ୟାନ ରଖୁଥିଲେ ବି ତାଙ୍କ ସ୍ୱାସ୍ଥ୍ୟ ଭଲ ନାହିଁ। ଓକିଲ କହିଛନ୍ତି ଜେଲ ନମ୍ବର ୧୪ରେ ପବନର ମୁଣ୍ଡ ଫଟାଇ ଦିଆଯାଇଥିଲା। ୨୦୧୩ ମସିହା ସେପ୍ଟେମ୍ବର ମାସରେ ଏହି ଘଟଣା ଘଟିଥିଲେ ବି ଏବେ ପର୍ଯ୍ୟନ୍ତ ଏହାର ରିପୋର୍ଟ ଦିଆଯାଇନାହିଁ। ସେତେବେଳେ ତାଙ୍କୁ ତେଜ୍ ବାହାଦୂର ହସ୍ପିଟାଲରେ ଭର୍ତ୍ତି କରାଯାଇଥିଲା। ଓକିଲ ଅଭିଯୋଗ କରିଛନ୍ତି ଯେ ବିନୟଙ୍କୁ ଜେଲ ଭିତରେ ସ୍ଲୋ ପଏଜନ୍ ଦେଇ ମାରିବାକୁ ଚେଷ୍ଟା କରାଯାଇଥିଲା। ତାଙ୍କ ହାତ ଭାଙ୍ଗିଯାଇଥିଲା। ୭ ଦିନ ହେବ ସେ ଅନଶନରେ ଅଛନ୍ତି ବୋଲି କୁହାଯାଉଛି।
ଓକିଲ କହିଛନ୍ତି ଯେ ଜେଲରେ ଥିବା ବେଳେ ବିନୟ କେତେକ ପେଣ୍ଟିଂ ମଧ୍ୟ ତିଆରି କରିଛନ୍ତି। ତିହାର ହାଟରେ ତାଙ୍କ ପେଣ୍ଟିଂକୁ ବିକ୍ରି ମଧ୍ୟ କରାଯାଇଛି। କିନ୍ତୁ ସେଥିରୁ କେତେ ଟଙ୍କା ରୋଜଗାର ହୋଇଛି ସେ ନେଇ କୌଣସି ସୂଚନା ମିଳିପାରିନାହିଁ। ବିନୟ ୧୧ଟି ପେଣ୍ଟିଂ ଓ ୧୯ ପୃଷ୍ଠା ସମ୍ବଳିତ ‘ଦରିନ୍ଦା’ ଡାଏରୀ ମଧ୍ୟ ଲେଖିଥିଲେ। ଜେଲ ପ୍ରଶାସନ ବିନୟଙ୍କ ପେଣ୍ଟିଂ ଓ ଡାଏରୀକୁ ମଧ୍ୟ କୋର୍ଟରେ ଉପସ୍ଥାପନ କରିଥିଲେ।
ଭୁବନେଶ୍ୱର(କେନ୍ୟୁଜ୍): ସରିଲା ଗଣତନ୍ତ୍ରର ମହାପର୍ବ । ଓଡିଶାରେ ଚତୁର୍ଥ ତଥା ଅନ୍ତିମ ପର୍ଯ୍ୟାୟ ନିର୍ବାଚନରେ ୬ଟି ଲୋକସଭା ଓ ୪୨…
ଭଦ୍ରକ (କେନ୍ୟୁଜ୍): ବୁଥ ସାମ୍ନାରେ ହାଣିଲା ସ୍ୱାମୀ । ସ୍ତ୍ରୀକୁ ମେଡିକାଲରେ ମୃତ ଘୋଷଣା କଲେ ଡାକ୍ତର । ତେବେ…
ପ୍ରବଳ ଗ୍ରୀଷ୍ମ ତାତି ଭିତରେ ଉତ୍ତର ପ୍ରଦେଶର ନୋଏଡାରେ ଲଗାତାର ଅଗ୍ନିକାଣ୍ଡ ଘଟୁଛି । ଗତ ୩ ଦିନ ହେବ…
ରାୟଗଡ଼ା(କେନ୍ୟୁଜ୍): ବସ୍ ରେ ଲାଗିଲା ନିଆଁ । ହୁତୁ ହୁତୁ ହୋଇ ବସ୍ଷ୍ଟାଣ୍ଡରେ ଜଳିଗଲା ବସ୍ । ରାୟଗଡ଼ା ଜିଲ୍ଲା…
ପୁରୀ(କେନ୍ୟୁଜ୍): ପୁରୀ ନରେନ୍ଦ୍ର ପୁଷ୍କରିଣୀ ବାଣ ବିସ୍ଫୋରଣ ମାମଲାରେ ଆଉ ଜଣଙ୍କ ମୃତ୍ୟୁ । ଏଥିସହ ମୃତ୍ୟୁସଂଖ୍ୟା ୯ କୁ ବୃଦ୍ଧି…
ଭାରତରେ ଭାରତୀୟ ରେଳ ହେଉଛି ଲୋକଙ୍କ ଲାଇଫ ଲାଇନ । ପ୍ରତିଦିନ ଲକ୍ଷ ଲକ୍ଷ ଯାତ୍ରୀ ଭାରତୀୟ ରେଳପଥ ଦେଇ…