ଭାରତ ଓ ପାକିସ୍ତାନ ମଧ୍ୟରେ ଥିବା ନିୟନ୍ତ୍ରଣ ରେଖା ଏଲଓସି ଅଞ୍ଚଳ ମାନଙ୍କରେ କିଛି ଦିନ ହେବ ସଂଘର୍ଷପୂର୍ଣ୍ଣ ପରିସ୍ଥିତି ଲାଗି ରହିଛି । ସେପଟେ ପାକିସ୍ତାନୀ ସେନାଧ୍ୟକ୍ଷ ଜେନେରାଲ କମର ଜାଭେଦ ବାଜବା ଅଚାନକ ଏଲଓସି ଗସ୍ତ କରିଛନ୍ତି । ବାଜବାଙ୍କ ଏହି ଗସ୍ତର ସୂଚନା ସମ୍ପୂର୍ଣ ରୂପେ ଗୁପ୍ତ ରଖାଯାଇଥିଲା । ଏମିତିକି ସାମ୍ବାଦିକ ମାନଙ୍କୁ ବି ଏନେଇ ସୂଚନା ଦିଆଯାଇନଥିଲା । ସୈନିକ ମାନଙ୍କ ସହ ଆଲୋଚନା ସମୟରେ ସେ କାଶ୍ମୀର ପ୍ରସଙ୍ଗ ବି ଉଠାଇ ଥିବା ଜଣାଯାଇଛି । ଜାରି ହୋଇଥିବା ସୂଚନା ଅନୁଯାୟୀ, ପାକିସ୍ତାନୀ ସେନାଧ୍ୟ କ୍ଷ ପ୍ରଥମେ ଖୁରେଟା ସେକ୍ଟର ଠାରେ ପହଁଚି ବର୍ତ୍ତମାନର ସ୍ଥିତି ବାବଦରେ ପଚାରି ବୁଝିଥିଲେ ।
ଏହାର ଠିକ ପରେ ସେମାନେ ସୈନିକ ମାନଙ୍କ ସହ ଦେଖାକରିଥିଲେ । ପାକିସ୍ତାନୀ ସେନାର ମିଡ଼ିଆ ଦାୟିତ୍ୱରେ ଥିବା ଡିଜି ଏକ ବୟାନ ଜାରି କରି ସେନାଧ୍ୟକ୍ଷଙ୍କ ଏହି ଗସ୍ତ ନେଇ ସୂଚନା ଦେଇଥିଲେ । ଜରୁରୀ କାଳୀନ ପରିସ୍ଥିତି ନେଇ ପ୍ରସ୍ତୁତ ରହିବାକୁ ବାଜବା ନିଜ ସୈନ୍ୟ ମାନଙ୍କୁ ଆହ୍ୱାନ ଦେଇଛନ୍ତି | ଏହା ସହ ଆଗକୁ ପାକିସ୍ତାନ କାଶ୍ମୀରବାସୀଙ୍କୁ ସମର୍ଥନ କରିବା ଜାରି ରଖିବ ବୋଲି ମଧ୍ୟ କହିଛନ୍ତି । ବାଜବାଙ୍କ ଅନୁଯାୟୀ ଦେଶ ଏବେ ଏକ କଠିନ ପରିସ୍ଥିତି ଦେଇ ଗତି କରୁଛି । କିଛି ବାହ୍ୟ ଶତ୍ରୁ ପାକିସ୍ତାନକୁ ଦୁର୍ବଳ କରିବାରେ ଚେଷ୍ଟା ଚଳାଇଛନ୍ତି । ସେନାଧ୍ୟକ୍ଷଙ୍କ ଅନୁଯାୟୀ ଏବେ ଦେଶର ଆଭ୍ୟନ୍ତରୀଣ ଶକ୍ତି ବୃଦ୍ଧି କରିବା ସହିତ ବାହ୍ୟ ସୁରକ୍ଷାକୁ ବି କଡାକଡି କରିବାକୁ ପଡିବ ।
ଯଦି ସେନା ସାମ୍ନାକୁ ସେମିତି କୌଣସି ପରିସ୍ଥିତି ଆସେ, ତେବେ ସେପରି ଅବସ୍ଥା ସହ ଲଢ଼ିବାକୁ ସମସ୍ତଙ୍କୁ ପ୍ରସ୍ତୁତ ରହିବାକୁ ହେବ । ଅନ୍ୟପକ୍ଷରେ ଉଭୟ ଦେଶର ସୀମାବର୍ତ୍ତୀ ଅଂଚଳରେ ଶନିବାର ପାକିସ୍ତାନ ତରଫରୁ ଅସ୍ତ୍ର ବିରତି ଉଲ୍ଲଙ୍ଘନ କରାଯାଇଥିଲା । ଉଭୟ ପକ୍ଷର ଗୁଳି ଚାଳନାରେ ଭାରତୀୟ ସେନାର ଜଣେ ଯବାନ ମଧ୍ୟ ସହିଦ ହୋଇଥିଲେ । ପ୍ରତିପକ୍ଷରେ ଭାରତୀୟ ସେନା ପକ୍ଷରୁ ବି କଡା ଜବାବ ଦିଆଯାଇଥିଲା । ଗୋଟେ ପଟେ ଭାରତ ଅସ୍ତ୍ର ଶସ୍ତ୍ର ସଂଗ୍ରହ କରି ନିଜ ଶକ୍ତି ବଢ଼େଇ ଚାଲିଥିବା ବେଳେ ଭାରତର ଏପରି ପଦକ୍ଷେପ ଶତ୍ରୁ ପକ୍ଷର ଚିନ୍ତା ବାଢ଼ିଦେଇଥିବା ନେଇ ଆଲୋଚନା ହେଉଛି ।
ଆଜିର ପରିବର୍ତ୍ତିତ ଲାଇଫ୍ ଷ୍ଟାଇଲ୍ରେ, ଯୁବକ ଠାରୁ ମଧ୍ୟମ ବୟସ୍କର ଲୋକ ସମସ୍ତେ ଅନେକ ପ୍ରକାରର ରୋଗର ଶିକାର ହେଉଛନ୍ତି…
ଅଯୋଧ୍ୟା ରାମ ମନ୍ଦିରର ପ୍ରାଣ ପ୍ରତିଷ୍ଠା କରାଇଥିବା ମୁଖ୍ୟ ଆଚାର୍ଯ୍ୟ ଲକ୍ଷ୍ମୀକାନ୍ତ ଦୀକ୍ଷିତଙ୍କ ୯୦ ବର୍ଷ ବୟସରେ ଦେହାନ୍ତ ହୋଇଛି…
ବ୍ରହ୍ମଗିରି(କେନ୍ୟୁଜ): ସ୍ନାନ ପୂର୍ଣ୍ଣିମା ଦିନ ୧୦୮ ସୁବାସିତ ଜଳରେ ସ୍ନାନ କରିବା ପରେ ସବୁ ବର୍ଷ ପରି ଚଳିତ ବର୍ଷ…
ଆଠମଲ୍ଲିକ: ଆଠମଲ୍ଲିକ ନିକଟସ୍ଥ ମାଳିପଦର ଗ୍ରାମ ନିକଟ ପୂର୍ତ୍ତ ରାସ୍ତାରେ ଜଳିଗଲା ବାଇକ | ପ୍ରକାଶ ଯେ, ଆଠମଲ୍ଲିକ କିଆକଟା…
ବଢ଼ିଲା ବିଭବ କୁମାରଙ୍କ ନ୍ୟାୟିକ ହେପାଜତ । ଦିଲ୍ଲୀ ମହିଳା ଆୟୋଗର ପୂର୍ବତନ ଅଧ୍ୟକ୍ଷା ତଥା ରାଜ୍ୟସଭା ସାଂସଦ ସ୍ୱାତି…
ସୋନାକ୍ଷୀ ସିହ୍ନା ଏବଂ ଜାହିର ଇକବାଲଙ୍କ ବିବାହକୁ ନେଇ ଅନେକ ଦିନ ହେବ ସୋସିଆଲ ମିଡିଆରେ ଖୁବ୍ ଚର୍ଚ୍ଚା ଚାଲିଛି…