କରୋନା ଭାଇରସ୍ ମଧ୍ୟରେ ମେ ୩୧ ଯାଏଁ ଦେଶକୁ ଲକ୍ଡାଉନ୍ କରିଦିଆଯାଇଛି। କିନ୍ତୁ ଚଳିତଥର ଲକ୍ଡାଉନ୍ରେ ସରକାର କେତେକ ନିୟମକୁ କୋହଳ କରିଛନ୍ତି। ଇତି ମଧ୍ୟରେ ସୋସିଆଲ ମିଡିଆରେ ଏକ ଟ୍ରାଫିକ୍ ଜାମ୍ ବେଳର ଭିଡିଓ ଖୁବ୍ ଭାଇରାଲ ହେଉଛି। ଭାଇରାଲ ଭିଡିଓରେ ମଣିଷ ନୁହେଁ ବରଂ ରାସ୍ତା ଉପରେ ଶତାଧିକ ମୟୂର ଆସି ରାସ୍ତା ଜାମ୍ କରୁଛନ୍ତି। ଭିଡିଓଟିକୁ ଇଣ୍ଡିଆନ୍ ଫରେଷ୍ଟ ସର୍ଭିସ୍ ଅଫିସର ପ୍ରବୀଣ କାସବାନ୍ ସେୟାର କରିଛନ୍ତି। ମୟୂରମାନେ ରାସ୍ତାରେ ବସିବା ଫଳରେ ରାସ୍ତା ବନ୍ଦ ହୋଇଯାଉଛି।
ଭିଡିଓରେ ଦେଖାଯାଇଛି ଯେ ରାସ୍ତା ଉପରେ ଶତାଧିକ ମୟୂର ବସିଛନ୍ତି। ଏହି ସମୟରେ ଏକ କାର ଆସୁଛି। ଗାଡ଼ିକୁ ଦେଖି ମୟୂରମାନେ ରାସ୍ତା ଫାଙ୍କା କରୁଛନ୍ତି। ସେଠାରେ ଏକ ମୟୂର ପୁଚ୍ଛ ମେଲାଇ ଡ୍ୟାନ୍ସ କରୁଥିବା ମଧ୍ୟ ଦେଖିବାକୁ ମିଳିଛି। କାରରେ ଥିବା ବ୍ୟକ୍ତି ଏହି ଭିଡିଓକୁ ସୁଟିଂ କରିଛନ୍ତି। ଭିଡିଓକୁ ସେୟାର କରି ପ୍ରବୀଣ କ୍ୟାପସନ୍ରେ ଲେଖିଛନ୍ତି ‘ଜାତୀୟ ପକ୍ଷୀଙ୍କ ଦ୍ୱାରା ସୁନ୍ଦର ଟ୍ରାଫିକ୍ ଜାମ୍’। ଭିଡିଓଟି ରାଜସ୍ଥାନର ବୋଲି କୁହାଯାଉଛି।
ଭିଡିଓଟିକୁ ମେ’ ୧୭ ତାରିଖରେ ସେୟାର କରାଯାଇଥିବା ବେଳେ ଏବେ ଯାଏଁ ଏହାକୁ ୧.୩ ଲକ୍ଷ ଥର ଦେଖାସରିଲାଣି। ସେହିପରି ୧୨ ହଜାରରୁ ଊର୍ଦ୍ଧ୍ୱ ଲାଇକ୍ ମଧ୍ୟ ମିଳିଛି। ଲୋକମାନେ ମଧ୍ୟ ଭିଡିଓକୁ ଖୁବ୍ ପସନ୍ଦ କରୁଥିବା ଦେଖାଯାଇଛି। ଲୋକେ ଭିଡିଓକୁ ଶତାଧିକ ଥର ରିଟ୍ଵିଟ୍ ମଧ୍ୟ କରିଛନ୍ତି।
ଭୁବନେଶ୍ୱର: ଆଜି ଦିଲ୍ଲୀ ଯିବେ ମୁଖ୍ୟମନ୍ତ୍ରୀ ମୋହନ ମାଝୀ । ମୁଖ୍ୟମନ୍ତ୍ରୀଙ୍କ ସହ ଦୁଇ ଉପ ମୁଖ୍ୟମନ୍ତ୍ରୀ କେଭି ସିଂଦେଓ…
ପୁରୀ: ମହାପ୍ରଭୁଙ୍କ ଅନବସର ନୀତିର ଆଜି ପଞ୍ଚମ ଦିନ । ଚାଲିଛି ପ୍ରଭୁଙ୍କ ସେବା ପୂଜା । ଆଜି ମହାପ୍ରଭୁଙ୍କ…
ରାଉରକେଲା : ରାଉରକେଲା ଲୋକୋ ପାଇଲଟଙ୍କୁ ଅପହରଣ ଘଟଣା । ୩ ଅଭିଯୁକ୍ତ ଗିରଫ । ଭୁବନେଶ୍ଵରରୁ ଗିରଫ କଲା…
ସରକାରଙ୍କ ପ୍ରସ୍ତାବିତ ଟିକସ ବୃଦ୍ଧି ପ୍ରତିବାଦରେ କେନିଆରେ ହିଂସାତ୍ମକ ବିରୋଧ ପ୍ରଦର୍ଶନ ହେଉଛି । ଏହି ହିଂସାରେ ନାଇରୋବିରେ ୫…
କଟକ: କଟକ ସହରରେ ଦୂର ହେବ ଟ୍ରାଫିକ ସମସ୍ୟା । ସହର ମଧ୍ୟରେ ଯାନବାହନର ସୁରକ୍ଷିତ ଚଳାଚଳ ଓ ପାର୍କିଂ…
ଚାନ୍ଦବାଲି: ବର୍ବରତାର ସୀମା ଟପିଛି ଭଦ୍ରକ ଜିଲ୍ଲା ଚାନ୍ଦବାଲି ପୋଲିସ୍ । ଯାହାର ଭିଜୁଆଲ୍ କ୍ୟାମେରାରେ କଏଦ ହୋଇଥିଲେ ସୁଦ୍ଧା…