ରାକ୍ଷୀ ପୂର୍ବରୁ ଭଉଣୀକୁ ଛାଡି ଚାଲିଗଲା ଭାଇ । ଏବର୍ଷ ଆଉ ଭାଇ ହାତରେ ରାକ୍ଷୀ ବାନ୍ଧି ପାରିବନ ଭଉଣୀ । ଭାଇ ଭାଇ ଯେତେ ଡାକିଲେ ବି ଆଉ ଫେରିବନି ଭାଇ । କାହିଁକିନା ଭାଇ ସବୁଦିନ ପାଇଁ ଚାଲିଯାଇଛି ଆରପାରିକୁ । ଭଉଣୀର ସୁରକ୍ଷା ପାଇଁ ଜୀବନକୁ ବଳି ଦେଇଦେଇଛି ଭାଇ । ରାକ୍ଷୀ ପୂର୍ଣ୍ଣିମାରେ ଭଉଣୀ ପିନ୍ଧାଉଥିବା ରାକ୍ଷୀର ମାନ ରଖିବା ପାଇଁ ଭଉଣୀକୁ ହେଉଥିବା ଦୁବ୍ୟର୍ବହାରର ବଦଲା ନେବାକୁ ଯାଇଥିଲା ଭାଇ । କିନ୍ତୁ ସବୁଦିନ ପାଇଁ ଆଖି ବୁଜିଦେଲା ଭାଇ । ଏ ମଣିଷରୂପୀ ରାକ୍ଷସ ତାକୁ ପିଟିପିଟି ମାରିଦେଇଛନ୍ତି ।
ମଧ୍ୟପ୍ରଦେଶ ସାଗର ଜିଲ୍ଲାରେ ଜଣେ ଦଳିତ ଯୁବକଙ୍କୁ ପିଟି ପିଟି ହତ୍ୟା କରିବା ଘଟଣା ଏବେ ଚର୍ଚ୍ଚାର ବିଷୟ ପାଲଟିଛି । ଆଉ ଏହା ପୁଣିଥରେ ରାଜ୍ୟ ସରକାରଙ୍କ ଆଇନ ଶୃଙ୍ଖଳା ଉପରେ ପ୍ରଶ୍ନବାଚୀ ଛିଡା କରିଛି । ଅଭିଯୋଗ ମୁତାବକ କିଛି ଅସାମାଜିକ ଯୁବକ ଜଣେ ଝିଅ ସହିତ ବାରମ୍ବାର ଖରାପ ବ୍ୟବହାର କରୁଥିଲେ । ଏନେଇ ଝିଅର ଭାଇ ପ୍ରତିବାଦ କରିବାରୁ ଅସାମାଜିକ ଯୁବକମାନେ ଦଳିତ ଯୁବକଟିକୁ ପିଟି ପିଟି ହତ୍ୟା କରିବା ସହିତ ସଂପୃକ୍ତ ଯୁବକର ମା ଙ୍କୁ ନିବସ୍ତ୍ର କରି ରାସ୍ତାରେ ବୁଲାଇଥିଲେ । ଏହି ସମୟରେ ସେଠାରେ ପାଖାପାଖିି ୭୦ ଜଣ ଲୋକ ମହଜୁଦ ଥିଲେ । କିନ୍ତୁ କେହି ହେଲେ ବି ପାଟି ଫିଟାଇଲେନି, ଖାଲି ସାଜିଥିଲେ ଦେଖଣାହାରୀ ।
ଜଣେ ଦଳିତ ଯୁବତୀଙ୍କୁ କିଛି ଅସାମାଜିକ ଯୁବକ ବାରମ୍ବାର ଖରାପ ବ୍ୟବହାର କରୁଥିଲେ । ଏନେଇ ଯୁବତୀଙ୍କ ପରିବାର ଲୋକ ଥାନାରେ ଅଭିଯୋଗ କରିଥିଲେ । ଏହାପରେ ଅପରାଧୀ ପ୍ରବୃତ୍ତିର ଏହି ଆସାମାଜିକ ଯୁବକମାନେ ଯୁବତୀଙ୍କ ପରିବାର ଲୋକଙ୍କୁ ଥାନାରୁ ମାମଲା ପ୍ରତ୍ୟାହାର କରିବାକୁ ଚାପ ପକାଉଥିଲେ । ହେଲେ ଯୁବତୀଙ୍କ ପରିବାର ଥାନାରୁ ମାମଲା ପ୍ରତ୍ୟାହାର ନକରିବାରୁ ଏଭଳି କାଣ୍ଡ ଘଟାଇଛନ୍ତି ସେହି ଆସାମାଜିକ ଯୁବକମାନେ ।
ଘଟଣା ସାମ୍ନାକୁ ଆସିବା ପରେ ଚିରାଚରିତ ଢଙ୍ଗରେ ଘଟଣାକୁ ନେଇ ରାଜନୀତି ଆରମ୍ଭ ହୋଇଯାଇଛି । ସୂଚନା ମୁତାବକ ଏହି ଘଟଣା ଖୁରଇ ଦେହାତ ଥାନା ଅଞ୍ଚଳରେ ଘଟିଛି । କିଛି ଅସାମାଜିକ ଯୁବକ ଦଳିତ ଯୁବକଙ୍କୁ ପିଟି ପିଟି ହତ୍ୟା କରିଛନ୍ତି । ଏନେଇ ଅଭିଯୋଗ ହେବା ପରେ ପୋଲିସ ତରଫରୁ ୧୨ ଜଣ ଅଭିଯୁକ୍ତଙ୍କ ନାମରେ ମାମଲା ରୁଜୁ କରିଛି । ଏହାସହ ୯ଜଣଙ୍କୁ ଗିରଫ ମଧ୍ୟ କରିଛି ।
ଚାନ୍ଦବାଲି: ବର୍ବରତାର ସୀମା ଟପିଛି ଭଦ୍ରକ ଜିଲ୍ଲା ଚାନ୍ଦବାଲି ପୋଲିସ୍ । ଯାହାର ଭିଜୁଆଲ୍ କ୍ୟାମେରାରେ କଏଦ ହୋଇଥିଲେ ସୁଦ୍ଧା…
ଭୁବନେଶ୍ୱରରେ ଆଜି ପେଟ୍ରୋଲ ଦର ୧୦୧ ଟଙ୍କା ୦୫ ପଇସା ରହିଥିବା ବେଳେ ଡିଜେଲ ଦାମ୍ ପ୍ରତି ଲିଟର ପିଛା…
କାଲି ଭାରତ-ଇଂଲଣ୍ଡ ଟି୨୦ ବିଶ୍ୱକପ୍ ସେମିଫାଇନାଲ ଲଢ଼େଇ । ୨୦୨୨ ପରାଜୟର ବଦଲା ନେବାକୁ ପ୍ରସ୍ତୁତ ରୋହିତ ବାହିନୀ ।…
ପୁରୀ: ଆଜି ଅନୁଷ୍ଠିତ ହେବ ରଥଯାତ୍ରାର ଦ୍ୱିତୀୟ ସମ୍ମନ୍ୱୟ ବୈଠକ । ପୁରୀ ପୌରସଦନ ଠାରେ ଆଇନ ମନ୍ତ୍ରୀଙ୍କ ଅଧ୍ୟକ୍ଷତାରେ…
ଜାଣନ୍ତୁ, କେତେ ରହିଛି ଆଜି ସୁନା ଦର । ଯଦି ଆପଣ ବିବାହ ସିଜିନରେ ଶସ୍ତାରେ ସୁନା କିଣିବାକୁ ଚାହାଁନ୍ତି…
ଭଞ୍ଜନଗର: ଭିଜିଲାନ୍ସ ଜାଲରେ ଆରଆଇ । ୭ ହଜାର ଟଙ୍କା ଲାଞ୍ଚ ନେଉଥିବା ବେଳେ ଧରିଲା ଭିଜିଲାନ୍ସ । ଗଂଜାମ…