ଏକ ସ୍ପେନିଶ୍ ସ୍କୁଲର ଜଣେ ୪୩ ବର୍ଷୀୟା ଶିକ୍ଷୟିତ୍ରୀ ନିଆରା ଢଙ୍ଗରେ ଶ୍ରେଣୀ ଗୃହରେ ପଶି ପିଲାମାନଙ୍କୁ ପାଠ ପଢ଼ାଇଛନ୍ତି। ତାଙ୍କର ଏଭଳି ଶିକ୍ଷାଦାନ ଶୈଳୀ ଦେଖି ବିଭିନ୍ନ ଆଡ଼ୁ ପ୍ରଶଂସାର ସୁଅ ଛୁଟୁଛି। ଶିକ୍ଷୟିତ୍ରୀ ହେଲେ ବେରୋନିକା ଡ୍ୟୁକ୍। ତାଙ୍କର ଶିକ୍ଷାଦାନ କ୍ଷେତ୍ରରେ ୧୫ ବର୍ଷର ଅଭିଜ୍ଞତା ରହିଛି।
ପିଲାମାନଙ୍କୁ ସହଜ ଉପାୟରେ ପାଠ ପଢ଼ାଇବା ପାଇଁ ବେରୋନିକା ଏକ ନିଆରା ଉପାୟ ଆପଣାଇଥିଲେ। ହଠାତ୍ ଦିନେ ସେ ଧଳା ରଙ୍ଗର କୋଟ୍ ପିନ୍ଧି ବାୟୋଲୋଜି କ୍ଲାସ୍ରେ ପ୍ରବେଶ କରିଥିଲେ। ଯେତେବେଳେ ସେ ନିଜ ହ୍ଵାଇଟ୍ କୋଟ୍ କାଢ଼ିଥିଲେ, କ୍ଲାସ୍ରେ ଉପସ୍ଥିତ ଛାତ୍ରମାନେ ତାଙ୍କୁ ଦେଖି ଆଶ୍ଚଯ୍ୟର୍ ହୋଇଯାଇଥିଲେ। କିଛି ଛାତ୍ର ଖୁବ୍ ଜୋର୍ରେ ତାଳି ମାରି ହସିଉଠିଥିବା ବେଳେ ଆଉ କେତେଜଣ ନିଜ ଆଖିକୁ ବନ୍ଦ କରିଦେଇଥିଲେ।
ପ୍ରକୃତ କଥା ହେଲା, ବେରୋନିକା ସେଦିନ ଏକ ‘ଶରୀର ଗଠନ’ ବଡିସୁଟ୍ ପିନ୍ଧି ପିଲାଙ୍କୁ ପାଠ ପଢ଼ାଇବାକୁ ଯାଇଥିଲେ। ନିଜ ଛାତ୍ରମାନଙ୍କ ପାଇଁ ଜୀବ ବିଜ୍ଞାନକୁ ମଜାଦାର କରିବା ପାଇଁ ବଡିସୁଟ୍ ବ୍ୟବହାର କରିବାକୁ ସେ ଚିନ୍ତା କରିଥିଲେ। ପିଲାମାନେ ଆଭ୍ୟନ୍ତରୀଣ ଅଙ୍ଗଗୁଡ଼ିକ ବିଷୟରେ ଯେପରି ଭଲ ଭାବେ ଅବଗତ ହୋଇପାରିବେ, ସେଥିପାଇଁ ସେ ଏଭଳି ପ୍ରୟାସ କରିଥିବା ଏକ େଓ୍ଵବ୍ସାଇଟ୍କୁ ଜଣାଇଥିଲେ।
ତେବେ ବେରୋନିକା କ୍ଲାସ୍ରେ ପାଠ ପଢ଼ାଉଥିବା ବେଳେ ତାଙ୍କ ସ୍ୱାମୀ ପ୍ରବେଶ କରି ତାଙ୍କର କିଛି ଫଟୋ ଉଠାଇଥିଲେ, ଯାହାକୁ ପରେ ସେ ସୋସିଆଲ ମିଡିଆରେ ଶେୟାର କରିଥିଲେ। ଟୁଇଟରରେ ଶେୟାର କରାଯାଇଥିବା ବେରୋନିକାଙ୍କ ଫଟୋକୁ ୧୩,୦୦୦ରୁ ଅଧିକ ରିଟୁଇଟ୍ କରାଯାଇଥିବା ବେଳେ ୬୬,୦୦୦ ଲାଇକ୍ ମିଳିସାରିଛି। ଏହାସହ ୟୁଜରମାନେ ବିଭିନ୍ନ ପ୍ରକାର ଟିପ୍ପଣୀ ମଧ୍ୟ ଦେଇଛନ୍ତି।
ଫଟୋ ଶେୟାର କରି ବେରୋନିକାଙ୍କ ସ୍ୱାମୀ ମାଇକ୍ ମୋରେଟିନୋସ୍ କ୍ୟାପ୍ସନ ଲେଖିଥିଲେ, ‘ବେରୋନିକାଙ୍କୁ ସ୍ତ୍ରୀ ରୂପରେ ପାଇଁ ମୁଁ ବହୁତ ଭାଗ୍ୟଶାଳୀ। ସେ ମାନବ ଶରୀର ବିଷୟରେ ପିଲାମାନଙ୍କୁ ଯେଭଳି ଉପାୟରେ ବୁଝାଇଛନ୍ତି, ତାହା ଖୁବ୍ ପ୍ରଶଂସନୀୟ। ପିଲାମାନେ ବି ତାଙ୍କୁ ଦେଖି କ୍ରେଜି ହୋଇଯାଇଥିଲେ।’।
ତେବେ ବେରୋନିକା କହିଥିଲେ, ‘ଅନ୍ଲାଇନ୍ ବିଜ୍ଞାପନ ଦେଖିବା ପରେ ତାଙ୍କୁ ମଉକା ମିଳିଥିଲା ଆଉ ସେ ବଡିସୁଟ୍ କିଣିବା ପାଇଁ ନିଷ୍ପତ୍ତି ନେଇଥିଲେ’।
ମେଷ: ଦିନଟି ଆପଣଙ୍କର ଲାଭଦାୟକ ରହିବ । ସ୍ୱାସ୍ଥ୍ୟ ପ୍ରତି ଧ୍ୟାନ ଦେବାକୁ ପଡିବ । ପରିବାରରେ ସୁଖ ମିଳିବ…
ଭୁବନେଶ୍ୱର(କେନ୍ୟୁଜ୍): ଅନ୍ତର୍ଜାତୀୟ ଭଲିବଲ୍ ସଂଘ (ଏଫଆଇଭିବି) ପକ୍ଷରୁ ନୂଆ କରି ଗଠନ କରାଯାଇଥିବା ଏଫଆଇଭିବି ଭଲିବଲ୍ ଫାଉଣ୍ଡେସନର ପ୍ରତିଷ୍ଠାତା ସହଯୋଗୀ…
ବୌଦ୍ଧ : ଅଧା ରହିଥିଲା ଘର କାମ ତେଣୁ ଘର କାମ କରିବା ପାଇଁ ବ୍ୟାଙ୍କରୁ ଟଙ୍କା ଆଣିଥିଲେ। ହେଲେ…
ଭଦ୍ରକ: ୪ ବର୍ଷ ତଳେ ହୋଇଥିଲା ବାହାଘର । ଅଗ୍ନିକୁ ସାଖି ରଖି ସାରା ଜୀବନ ପାଇଁ ପରସ୍ପର ସାଥି…
ଭୁବନେଶ୍ୱର(କେନ୍ୟୁଜ୍): ସରିଲା ଗଣତନ୍ତ୍ରର ମହାପର୍ବ । ଓଡିଶାରେ ଚତୁର୍ଥ ତଥା ଅନ୍ତିମ ପର୍ଯ୍ୟାୟ ନିର୍ବାଚନରେ ୬ଟି ଲୋକସଭା ଓ ୪୨…
ଭଦ୍ରକ (କେନ୍ୟୁଜ୍): ବୁଥ ସାମ୍ନାରେ ହାଣିଲା ସ୍ୱାମୀ । ସ୍ତ୍ରୀକୁ ମେଡିକାଲରେ ମୃତ ଘୋଷଣା କଲେ ଡାକ୍ତର । ତେବେ…