ସରକାରଙ୍କୁ ସାହାଯ୍ୟ କଲା ମନ୍ଦିର, ଆର୍ଥିକ ସଙ୍କଟ ଦେଇ ଯାଉଥିବା ମହାରାଷ୍ଟ୍ରକୁ ୫୦୦ କୋଟି ଋଣ ଦେଲା ଶିରିଡି ଟ୍ରଷ୍ଟ

ମହାରାଷ୍ଟ୍ର : ଆର୍ଥିକ ସଙ୍କଟ ଦେଇ ଗତି କରୁଛନ୍ତି ମହାରାଷ୍ଟ୍ରର ଦେବେନ୍ଦ୍ର ଫଡନିବସଙ୍କ ସରକାର । ଏମିତି ପରିସ୍ଥିତିରେ ଫଡନିବସ୍ ସରକାରଙ୍କୁ ସାହାଯ୍ୟର ହାତ ବଢାଇଛନ୍ତି ଶିରିଡିର ସାଇବାବା ମନ୍ଦିର ଟ୍ରଷ୍ଟ । ସରକାରଙ୍କୁ ବିନା ସୁଧରେ ୫୦୦ କୋଟି କୋଟି ଋଣ ଦେଇଛି ଟ୍ରଷ୍ଟ । ଏହା ସହ ଋଣ ପରିଶୋଧ କରିବା ପାଇଁ କୌଣସି ନିର୍ଦ୍ଧାରତ ସମୟ ସୀମା ମଧ୍ୟ ଦିଆଯାଇନାହିଁ । ଯାହା ଫଳରେ ଅଧାପନ୍ତରିଆ ହୋଇ ପଡିରହିଥିବା ନିଲ୍ଓ୍ଵାଣ୍ଡେ ଜଳସେଚନ ପ୍ରକଳ୍ପକୁ ଶେଷ କରିପାରିବେ ସରକାର । ଏବଂ ଅହମ୍ମଦନଗର ଜିଲ୍ଲାର ଅଧିକାଂଶ ଅଞ୍ଚଳରେ ପିଇବା ପାଣିର ସମସ୍ୟା ରହିବ ନାହିଁ ।

ଏହି ଜଳସେଚନ ପ୍ରକଳ୍ପକୁ ଶେଷ କରିବା ପାଇଁ ଟ୍ରଷ୍ଟକୁ ଆବେଦନ କରିଥିଲେ ବିଜେପି ନେତୃତ୍ୱାଧୀନ ଏହି ସରକାର । ତେବେ ଟ୍ରଷ୍ଟର ସଭାପତି ତଥା ବିଜେପି ନେତା ସୁରେଶ ହୱାରେ ଋଣ ମଞ୍ଜୁର କରିବାକୁ ନିଷ୍ପତ୍ତି ନେଇଥିଲେ । ଏହା ପୂର୍ବରୁ କୌଣସି ପ୍ରକଳ୍ପକୁ ପୁରା କରିବାକୁ ବିନା ସୁଧରେ ଏତେ ପରିମାଣର ଋଣ ଦିଆଯାଇନଥିଲା ।

ମୁଖ୍ୟମନ୍ତ୍ରୀ ଫଡନିବସଙ୍କ ଅଧ୍ୟକ୍ଷତାରେ ୧ ଫେବ୍ରୁଆରୀରେ ଋଣ ପାଇଁ ପ୍ରସ୍ତାବ ଦିଆଯାଇଥିଲା । ଯାହାକୁ ଦୁଇଟି କିସ୍ତିରେ ଦେବା ପାଇଁ ଶନିବାର ଦିନ ନିର୍ଦ୍ଦେଶ ଜାରି କରି ଦିଆଗଲା । ମୋଟ୍ ୧୨୦୦ କୋଟି ଟଙ୍କାର ଏହି ପ୍ରକଳ୍ପ ନିମନ୍ତେ ମନ୍ଦିର ଟ୍ରଷ୍ଟ୍ ୫୦୦ କୋଟି ଟଙ୍କା ଦେବ। ଜଳ ସମ୍ପଦ ବିଭାଗ ଚଳିତ ବର୍ଷ ୩୦୦ କୋଟି ଟଙ୍କା ଦେବା ପାଇଁ ଅଟକଳ କରିଛି ଏବଂ ଆସନ୍ତା ବର୍ଷ ଆଉ ୪୦୦ କୋଟି ଟଙ୍କା ଦେବ ବୋଲି ପ୍ରତିଶ୍ରୁତି ଦେଇଛି । ତେବେ ବିନା ସୁଧରେ ଏତେ ପରିମାଣ ଋଣ ଦେବା ମନ୍ଦିର ଇତିହାସରେ ସ୍ବତନ୍ତ୍ର ମାମଲା ବୋଲି କହିଛନ୍ତି ଟ୍ରଷ୍ଟ ଅଧିକାରୀ