ଇସ୍ତଫା ଘୋଷଣା ପୂର୍ବରୁ ମାଳଦ୍ୱୀପ ପଳାୟନ କଲେ ଶ୍ରୀଲଙ୍କା ରାଷ୍ଟ୍ରପତି ଗୋଟାବାୟା ରାଜପକ୍ଷେ

ମାଳଦ୍ୱୀପ ପଳାୟନ କଲେ ଶ୍ରୀଲଙ୍କା ରାଷ୍ଟ୍ରପତି ଗୋଟାବାୟା ରାଜପକ୍ଷେ । ଆଜି ଇସ୍ତଫା ଦେବା ପୂର୍ବରୁ ମାଳଦ୍ୱୀପ ପଳାଇଲେ । ବିମାନ ଯୋଗେ ପଳାୟନ କରିଥିବା ସୂଚନା ମିଳିଛି। ଆଜି ମାଳଦ୍ୱୀପର ଆନ୍ତର୍ଜାତୀୟ ବିମାନ ବନ୍ଦରରେ ସେ ଓହ୍ଲାଇଛନ୍ତି । ଏପଟେ ଆଜି ସାର୍ବଜନିକ ଭାବେ ଶ୍ରୀଲଙ୍କା ରାଷ୍ଟ୍ରପତି ଗୋଟାବାୟାଙ୍କ ଇସ୍ତଫା ସମ୍ପର୍କରେ ଘୋଷଣା କରିବେ ବାଚସ୍ପତି ।

ଗତକାଲି ସେ ଇସ୍ତଫା ପତ୍ର ବାଚସ୍ପତିଙ୍କ ନିକଟକୁ ପଠାଇ ଦେଇଥିଲେ । ଗୋଟାବାୟା ରାଷ୍ଟ୍ରପତି ପଦରୁ ଇସ୍ତଫା ଦେବା ପରେ ଶ୍ରୀଲଙ୍କାରୁ ରାଜପକ୍ଷେ ପରିବାରର ଶାସନ ହଟିବ । ଆସନ୍ତା ୨୦ରେ ଶ୍ରୀଲଙ୍କାରେ ନୂଆ ରାଷ୍ଟ୍ରପତି ନିର୍ବାଚନ ହେବ । ଶୁକ୍ରବାର ସଂସଦରେ ସର୍ବଦଳୀୟ ବୈଠକ ହେବ । ଏହାପରେ ୧୯ରେ ରାଷ୍ଟ୍ରପତି ପଦର ନାମାଙ୍କନ ହେବ । ୨୦ରେ ରାଷ୍ଟ୍ରପତି ନିର୍ବାଚନ ହେବ ।

୩୦ ଦିନ ଭିତରେ ସଂସଦରେ ନୂଆ ରାଷ୍ଟ୍ରପତି ର୍ନିବାଚନ କରିବ । ଏପଟେ ଗୋଟାବାୟାଙ୍କୁ ସବିଧା ଯୋଗାଇବା ନେଇ ଖବରକକୁ ଖଣ୍ଡନ କରିଛି ଭାରତୀୟ ଦୂତାବାସ । ଶ୍ରୀଲଙ୍କାବାସୀଙ୍କୁ ଭାରତର ସମର୍ଥନ ଜାରି ରହିବ ବୋଲି ଦୂତାବାସ ପକ୍ଷରୁ ସ୍ପଷ୍ଟ କରାଯାଇଛି । ଜୁଲାଇ ୯ରେ ରାଷ୍ଟ୍ରପତି ଭବନକୁ ସାଧାରଣ ଜନତା ଦଖଲ କରିବା ପରେ ଗୋଟାବାୟାଙ୍କ ପତ୍ତା ମିଳିନଥିଲା । ଶ୍ରୀଲଙ୍କାରେ ଆର୍ଥିକ ବିପର୍ଯ୍ୟୟ ପରେ ମାର୍ଚ୍ଚ ମାସରୁ ଦେଶରେ ବିକ୍ଷୋଭ ଜାରି ରହିଛି। ଗତ ଶନିବାର ଏହା ଉଗ୍ରରୂପ ଧାରଣ କରିଥିଲା। ହଜାର ହଜାର ଆନ୍ଦୋଳନକାରୀ ରାଷ୍ଟ୍ରପତି ଭବନ ଘେରାଉ କରି ଏହାକୁ ଦଖଲକୁ ନେଇଥିଲେ।