ଦିଲ୍ଲୀ(କେନ୍ଯୁଜ୍) : ମାଓବାଦୀ ଲିଂକରେ ଗିରଫ ୫ ଜଣ ବିଶିଷ୍ଟ ସମାଜିକ କର୍ମୀ ଓ ବୁଦ୍ଧିଜୀବୀଙ୍କ ଗିରଫଦାରୀ ନେଇ ରାୟ ଶୁଣାଇଛନ୍ତି ସୁପ୍ରିମ୍ କୋର୍ଟ । ଏମାନଙ୍କ ଗିରଫଦାରୀରେ କୋର୍ଟ ଦଖଲ ଦେବେ ନାହିଁ ବୋଲି କହିଛନ୍ତି । ଏହା ସହିତ ସେମାନଙ୍କ ନଜରବନ୍ଦୀ ସମୟସୀମାକୁ ଆହୁରି ୪ ସପ୍ତାହ ବଢ଼ାଇ ଦେଇଛନ୍ତି । ପୁଣେ ପୋଲିସ ଏମାନଙ୍କ ରିମାଣ୍ଡରେ ନେଇ ପାରିବ କି ନାହିଁ ସେ ସମ୍ପର୍କରେ ଚୂଡ଼ାନ୍ତ ନିଷ୍ପତ୍ତି ଶୁଣାଇବାର ଥିଲା । ତେବେ ତଦନ୍ତରେ ଆଗେଇବା ପାଇଁ ପୁଣେ ପୋଲିସକୁ ସବୁଜ ସଂକେତ ଦେଇଛନ୍ତି କୋର୍ଟ । ଏହା ସହିତ ଏହି ମାମଲାରେ ଏସ୍ଆଇଟି ବସାଇବାକୁ ମଧ୍ୟ କୋର୍ଟ ମନା କରି ଦେଇଛନ୍ତି ।
ଗତ ଅଗଷ୍ଟ ୨୮ ତାରିଖରେ ପୁଣେ ପୋଲିସ ବିଶିଷ୍ଟ ସାମାଜିକ କର୍ମୀ ବରବରା ରାଓ, ଭର୍ଣ୍ଣନ ଗଂଜାଲଭେସ, ଅରୁଣ ପେରେରା, ସୁଧା ଭରଦ୍ୱାଜ ଓ ଗୌତମଙ୍କୁ ନକ୍ସଲ ଲିଙ୍କ ଅଭିଯୋଗରେ ଗିରଫ କରିଥିଲା । ତା ପରଦିନ ସୁପ୍ରିମକୋର୍ଟ ଟ୍ରାଞ୍ଜିଟ ରିମାଣ୍ଡ ଉପରେ ରହିତାଦେଶ ଦେବା ସହ ଏମାନଙ୍କୁ ନଜର ବନ୍ଦୀରେ ରଖିବାକୁ ନିର୍ଦ୍ଦେଶ ଦେଇଥିଲେ । ଏହା ପୂର୍ବରୁ ସବୋର୍ଚ୍ଚ ନ୍ୟାୟାଳୟ ଦୁଇ ଥର ନଜର ବନ୍ଦୀର ଅବଧିକୁ ବଢାଇଥିଲେ ।
ଭୀମା କାରଗାଁଓ ଯୁଦ୍ଧର ୨ଶହ ବର୍ଷ ପୂର୍ତ୍ତି ଅବସରରେ ୨୦୧୭ ଡିସେମ୍ବର ୩୧ ତାରିଖରେ ଏଲଗାର ପରିଷଦ ପକ୍ଷରୁ ଏକ ସଭା ଆୟୋଜିତ ହୋଇଥିଲା। ଏହାର ପରବର୍ତ୍ତୀ ସମୟରେ ମହାରାଷ୍ଟ୍ର ପୁଣେରେ ହିଂସାକାଣ୍ଡ ଘଟିଥିଲା । ଏ ଘଟଣାକୁ ନେଇ ପୋଲିସ ତଦନ୍ତ କରିଥିଲା । ଉଠିଥିଲା ମାଓବାଦୀ ଲିଙ୍କ କଥା । ପରେ ପୁଣେ ପୋଲିସ ଦେଶର ବିଭିନ୍ନ ସ୍ଥାନରେ ଚଢାଉ କରି ଏହି ସାମାଜିକ କର୍ମୀଙ୍କୁ ଗିରଫ କରିଥିଲା ।
ନୂଆଦିଲ୍ଲୀ: ସଂସଦ ଇତିହାସରେ ପ୍ରଥମ । ଲୋକସଭା ବାଚସ୍ପତି ପାଇଁ ପ୍ରଥମ ଥର ହେବ ନିର୍ବାଚନ। ସ୍ପିକର ପଦ ପାଇଁ…
ଭାରତର ଦକ୍ଷିଣ ରାଜ୍ୟ କେରଳର ନାଁ ବହୁତ ଜଲ୍ଦି ବଦଳିପାରେ । କେରଳ ବିଧାନସଭା ସୋମବାର ସର୍ବସମ୍ମତିକ୍ରମେ ଏକ ପ୍ରସ୍ତାବ…
ଭୁବନେଶ୍ୱର : ସୁଭଦ୍ରା ଯୋଜନାରେ ହେଉଥିବା ଗୁଜବକୁ ବିଶ୍ବାସ କରନ୍ତୁ ନାହିଁ । ଯୋଜନା ଉପରେ କୌଣସି ଭୁଲ ଖବର…
ତାଜ ମହଲ ଦେଖିବାକୁ ଆସି ଜୀବନ ମୃତ୍ୟୁ ସହ ସଂଘର୍ଷ କଲା କୁନି ଝିଅ । ବାପା ମା’ଙ୍କ ସହ…
ମାଲକାନଗିରି : ଉପାନ୍ତ ମାଲକାନଗିରି ଜିଲ୍ଲାରେ ଗରିବ ଆଦିବାସୀ ଲୋକଙ୍କ ଯାତାୟାତର ଏବଂ ଆର୍ଥିକ ଉର୍ଣ୍ଣତି ପାଇଁ ଗତ ରାଜ୍ୟ…
ବିମାନରେ ବସି ଯାତ୍ରା କରୁଥିଲେ ଯାତ୍ରୀ । ହେଲେ ହଠାତ୍ ଯାତ୍ରୀଙ୍କ ନାକରୁ ରକ୍ତ ବାହାରିବା ସହ କାନରେ ଯନ୍ତ୍ରଣା…