ଟାଇଟାନିକ୍ ଜାହାଜ ବୁଡ଼ିବାର କାହାଣୀ ତ ଆପଣ ଶୁଣିଥିବେ, ହେଲେ ଜାହାଜ ତିଆରି କରିଥିବା କମ୍ପାନୀ ‘ହାରଲ୍ୟାଣ୍ଡ ଆଣ୍ଡ ଓଲଫ୍’ ଏବେ ସବୁଦିନ ପାଇଁ ବୁଡ଼ିଯାଉଥିବାର ଖବର ସାମ୍ନାକୁ ଆସିଛି। ୧୫୮ ବର୍ଷର ଏହି ପୁରୁଣା କମ୍ପାନୀର ଜାହାଜ କାରଖାନା ଦେବାଳିଆ ହୋଇଯିବା ପରେ ତାହା ବନ୍ଦ ହେବାକୁ ଯାଉଛି। ଲଗାତାର କ୍ଷତି ଯୋଗୁ ସୋମବାର କମ୍ପାନୀର ଶେଷ କାର୍ଯ୍ୟ ଦିବସ ଥିଲା। କମ୍ପାନୀର ଅର୍ଥନୈତିକ ଅବସ୍ଥା ପୂରା ଦୁର୍ବଳ ହୋଇଯାଇଥିଲା। କାହିଁକି ନା ଶେଷ କାଯ୍ୟର୍ଦିବସରେ କମ୍ପାନୀରେ ମାତ୍ର ୧୨୩ଜଣ କର୍ମଚାରୀ ଥିଲେ। ଯେତେବେଳେ କି ୧୦୦ ବର୍ଷ ପୂର୍ବେ ଏଠାରେ ୩୫ ହଜାର ଲୋକ କାମ କରୁଥିଲେ।
ଏହାସହ ପଢ଼ନ୍ତୁ: ଆପଣ ଜାଣିଛନ୍ତି କି? ସୁଷମା ସ୍ୱରାଜ, ଶୀଲା ଦୀକ୍ଷିତ ଓ ମଦନଲାଲ୍ ଖୁରାନାଙ୍କ ମଧ୍ୟରେ ଥିଲା ଅଜବ ସଂଯୋଗ
‘ହାରଲ୍ୟାଣ୍ଡ ଆଣ୍ଡ ଓଲଫ୍’ କମ୍ପାନୀ ଚର୍ଚ୍ଚିତ ଟାଇଟାନିକ୍ ଜାହାଜର ନିର୍ମାଣ ୧୯୦୯ରୁ ୧୯୧୧ ମସିହା ମଧ୍ୟରେ କରିଥିଲା ଏବଂ ଏହାକୁ ଆୟରଲ୍ୟାଣ୍ଡର ବେଲଫାଷ୍ଟ୍ରେ ୧୯୧୧ ମାର୍ଚ୍ଚ ୩୧ରେ ଲଞ୍ଚ୍ କରିଥିଲା। ତେବେ ଦୁଃର୍ଭାଗ୍ୟର ବିଷୟ, ବିଶାଳକାୟ ଟାଇଟାନିକ୍ ନିଜର ପ୍ରଥମ ଯାତ୍ରା ପୂରା କରିପାରି ନ ଥିଲା। ୧୯୧୨ରେ ବରଫଖଣ୍ଡ ସହ ପିଟି ହୋଇଯିବାରୁ ସମୁଦ୍ର ମଧ୍ୟରେ ବୁଡ଼ିଯାଇଥିଲା। ଏହି ଦୁର୍ଘଟଣାରେ ପାଖାପାଖି ୧୫୧୭ ଲୋକଙ୍କର ମୃତ୍ୟୁ ଘଟିଥିଲା। ଜାହାଜ ସାଉଥାମ୍ପଟନ୍ ହାରବରରୁ ନ୍ୟୁୟର୍କ ଜଳଯାତ୍ରା କରୁଥିଲା। ଦୁର୍ଘଟଣାର ୭୩ ବର୍ଷ ପରେ ୧୯୮୫ ସେପ୍ଟେମ୍ବର ୧ରେ ଟାଇଟାନିକର ଭଗ୍ନାବଶେଷ ସମୁଦ୍ରରୁ ମିଳିଥିଲା। ଏହାକୁ ଆମେରିକା ନୌସେନାର ପୂର୍ବ କମାଣ୍ଡର ଏବଂ ମହାସାଗର ବିଜ୍ଞାନର ପ୍ରଫେସର ରବର୍ଟ ଡୁଆନେ ମିଶିକି ଖୋଜିଥିଲେ।
ଏଠାରେ କହି ରଖୁଛୁ, ‘ହାରଲ୍ୟାଣ୍ଡ ଆଣ୍ଡ ଓଲଫ୍’ କମ୍ପାନୀ ଦ୍ୱିତୀୟ ବିଶ୍ୱଯୁଦ୍ଧ ସମୟରେ ପାଖାପାଖି ୧୫୦ ଯୁଦ୍ଧ ଅସ୍ତ୍ରଶସ୍ତ୍ର ତିଆରି କରିଥିଲା। କିନ୍ତୁ ୧୯୪୫ ମସିହା ପରଠାରୁ ଏହା ଜାହାଜ ନିର୍ମାଣ କାଯ୍ୟର୍ରୁ ଧୀରେ ଧୀରେ ଦୂରେଇ ଯାଇଥିଲା। କମ୍ପାନୀ ବନ୍ଦ ହେବା ପୂର୍ବରୁ ହାଇଡ୍ରୋପାଓ୍ଵାର ଏବଂ ମେରାଇନ୍ ଇଞ୍ଜିନିୟରିଂ ସହ ଜଡ଼ିତ କିଛି ପ୍ରୋଜେକ୍ଟ ଉପରେ କାମ କରୁଥିଲା।
କଟକ(କେନ୍ୟୁଜ୍): ରଥଯାତ୍ରା ପାଇଁ ଚଳଚଞ୍ଚଳ ଶ୍ରୀକ୍ଷେତ୍ର । ସବୁଠି ଶଂଙ୍ଖ ଘଣ୍ଟ ହୁଳୁହୁଳି ଶଦ୍ଦରେ ପୂରି ଉଠୁଛି ପୂରା ପରିବେଶ…
ସୋନାକ୍ଷୀ ସିହ୍ନା ଏବଂ ଜାହିର ଇକବାଲ ବିବାହ ବନ୍ଧନରେ ବାନ୍ଧି ହୋଇଛନ୍ତି । ଜୁନ୍ ୨୩ ରେ ଜହିର ଇକବାଲଙ୍କ…
ଗତ କିଛି ଦିନ ହେବ ଲଗାତାର ଭାବେ ଖାଦ୍ୟରୁ ମୂଷା, ଅସରପା, ବେଙ୍ଗ, ବ୍ଲେଡ୍ ଆଦି ବାହାରିବା ନେଇ ସୋସିଆଲ…
ସାଂସଦ ଅମରାରାମ ଦିଲ୍ଲୀ ରାଜସ୍ଥାନ ହାଉସରୁ ସଂସଦ ପାଇଁ ଟ୍ରାକ୍ଟରରେ ଯାତ୍ରା କରିଛନ୍ତି । ନିଜର ଦେଶୀ ରାଜସ୍ଥାନ ଅନ୍ଦାଜରେ…
ସୁବର୍ଣ୍ଣପୁର : ସାପ କାମୁଡାରେ ସାପ ଧରାଳୀର ମୃତ୍ୟୁ । ସୁବର୍ଣ୍ଣପୁର ଜିଲ୍ଲା ବୀରମହାରାଜପୁରରେ ଆଜି ଘଟିଯାଇଛି ଏଭଳି ଏକ…
ଦେଶର ଦ୍ୱିତୀୟ ବୃହତ୍ତମ ଟେଲିକମ୍ କମ୍ପାନୀ ଏୟାରଟେଲ୍ ଏହାର ଉନ୍ନତ କନେକ୍ଟିଭିଟି ପାଇଁ ବେସ ଜଣାଶୁଣା । ଦେଶର ଦୂରବର୍ତ୍ତୀ…