ଆପଣ ଜାଣିଥିବେ ଏବେ ଅନେକ ସମୟରେ ଲୋକେ ଲିଫ୍ଟରେ ଯିବା ଆସିବା କରିବାକୁ ଭୟ କରିଥାନ୍ତି । ଅନେକ ଲୋକ ଅଛନ୍ତି ଯେଉଁମାନେ ଲିଫ୍ଟ ସୁବିଧା ଥିଲେ ସୁଦ୍ଧା ପାହାଚରେ ଚଢ଼ି ଯିବାକୁ ପସନ୍ଦ କରିଥାନ୍ତି । କାରଣ ସେମାନଙ୍କ ମନରେ ଭୟ ଥାଏ, କାଳେ ଲିପ୍ଟ ଅଧାରୁ ଅଟକି ଯିବକି? କାଳେ ଲିଫ୍ଟରେ ଥିବା ବେଳେ ଲାଇନ୍ କଟିଯିବକ କି? କାଳେ ଉପରୁ ତଳକୁ ହଠାତ୍ ଖସି ପଡ଼ିବ କି ? ଏଭଳି ବିଭିନ୍ନ ନକରାତ୍ମକ ଚିନ୍ତାଧାର ମନକୁ ଆସିଥାଏ । ଲିଫ୍ଟକୁ ଭୟ କରୁଥିବା ଲୋକ ଯେତେ ବଡ ବଡ କୋଠା ହେଲେ ବି ସବୁବେଳେ ପାହାଚରେ ଯିବା ଆସିବା କରିଥାନ୍ତି ।
ତେବେ ଆଜିକାଲି ଯୁଆଡେ ଦେଖିବା ସିଆଡେ ବଡ ବଡ କୋଠା । ସେ ଆପାର୍ଟମେଣ୍ଟ ହେଉ କି, ଅଫିସ୍ । ତେଣୁ ସବୁ କୋଠାରେ ଲିଫ୍ଟ ବ୍ୟବସ୍ଥା କରାଯାଇଥାଏ । ତିନି, ଚାରି, ମହଲା କି ତାଠାରୁ ଅଧିକ ହେଇଗଲେ ଗୋଟେ ସାଧାରଣ ଲୋକଟିକେ ଯିବାକୁ ଟିକେ କଷ୍ଟ ଲାଗିଥାଏ ନିଶ୍ଚିତ । ତେଣୁ ଏସବୁ କ୍ଷେତ୍ରରେ ସବୁବେଳେ ପାହାଚରେ ଯିବା ସମ୍ଭବ ହୋଇନଥାଏ । ତେଣୁ ଲିଫ୍ଟ ଉପରେ ହିଁ ନିର୍ଭର କରିଥାଏ । ତେବେ ଆଜି ଏହି ଲିପ୍ଟ କଥା କହିବାର କାରଣ ପଛରେ ରହିଛି ଏକ ଛାତିଥରା ଘଟଣା । ଯାହାକୁ ଶୁଣିବା ପରେ ଆପଣ ବି ଲିଫ୍ଟରେ ଯିବା ଆସିବା କରିବାକୁ ଭୟ କରିବେ ।
ନୋଏଡାସ୍ଥିତ ସେକ୍ଟର ୧୩୭ ରେ ଥିବାଏକ ହାଉସିଂ କମ୍ପ୍ଲେକ୍ସରେ ଘଟିଛି ଅଘଟଣ । ଲିଫ୍ଟର କେବୁଲ ଫାଟିଯିବା ଫଳରେ ଭୟବିତ ହୋଇ ଚାଲିଯାଇଛି ଜଣେ ମହିଳାଙ୍କ ଜୀବନ । ସୂଚନା ମୁତାବକ, ଗତକାଲି ଅର୍ଥାତ୍ ଗୁରୁବାର ଦିନ ୭୩ ବର୍ଷ ବୟସ୍କା ଜଣେ ମହିଳାଙ୍କର ଲିଫ୍ଟ ଭିତରେ ହୃଦଘାତରେ ମୃତ୍ୟୁ ଘଟିଛି । ସ୍ଥାନୀୟ ପୋଲିସ୍ ଅଧିକାରୀ କହିଛନ୍ତି ଯେ, ମହିଳା ଜଣଙ୍କ ଲିଫ୍ଟରେ ଏକା ଆସୁଥିଲେ । ଠିକ୍ ସେହି ସମୟରେ ହଠାତ୍ ଲିଫ୍ଟର କେବୁଲ ଫାଟିଯାଥିଲା । ଯାହା ଫଳରେ ଲିଫ୍ଟଟି ଖସିପଡିଥିଲା । କିନ୍ତୁ ତାହା ଭୂମି ଉପରେ ପଡ଼ିବା ପୂର୍ବରୁ ତାକୁ ବିଲଡିଂର ଅଧା ମହଲାରେ ଅଟକାଇ ଦିଆଯାଇଥିଲା । କିନ୍ତୁ ଭିତରେ ଥିବା ବୟସ୍କା ମହିଳା ଭୟବିତ ହୋଇଯାଇଥିଲେ ।
Video Courtesy: Press Trust of India
ଏହି ଘଟଣା ପରେ, ଯେଉଁଠାରେ ଦୁର୍ଘଟଣା ଘଟିଥିଲା ସେହି ହାଉସିଂ କମ୍ପ୍ଲେକ୍ସର ଶତାଧିକ ବାସିନ୍ଦା ଏକତ୍ରିତ ହୋଇ ଏହି ଘଟଣାକୁ ବିରୋଧ କରିବା ସହିତ ଲିଫ୍ଟର ରକ୍ଷଣାବେକ୍ଷଣ ତଥା ପରିଚାଳନାକୁ ନେଇ ଚିନ୍ତା ପ୍ରକଟ କରିଥିଲେ। ପରିସ୍ଥିତିକୁ ସୁଧାରିବା ପାଇଁ ଘଟଣାସ୍ଥଳରେ ପୋଲିସ ଫୋର୍ସ ମଧ୍ୟ ମୁତୟନ କରାଯାଇଥିଲା। ଅପରପକ୍ଷେ ଏହି ଘଟଣାର ପ୍ରକୃତ କାରଣ ଜାଣିବା ଏବଂ ଭବିଷ୍ୟତରେ ଏପରି ଘଟଣା ଯେପରି ପୁନରାବୃତ୍ତି ନହୁଏ ସେଥିପାଇଁ ଅଧିକାରୀମାନେ ବର୍ତ୍ତମାନ ପୁଙ୍ଖାନୁପୁଙ୍ଖ ତଦନ୍ତ କରୁଛନ୍ତି। ଏହି ଘଟଣା ସମସ୍ତଙ୍କୁ ଚକିତ କରିବା ସହିତ ଦୁଃଖ ଦେଇଛି । ତେବେ ବଡ ବଡ କଠୋର ସୁରକ୍ଷା ବ୍ୟବସ୍ଥା ଏବଂ ଏଠାରେ ଥିବା ଲିଫ୍ଟଗୁଡିକର ନିୟମିତ ରକ୍ଷଣାବେକ୍ଷଣର ଆବଶ୍ୟକତା ଉପରେ ନିହାତୀ ଗୁରୁତ୍ୱ ଦେବା ଆବଶ୍ୟକ ।
ସୁନା କିଣିବାକୁ ଯାଉଥିଲେ ନଜର ପକାନ୍ତୁ ଆଜି ଓଡ଼ିଶା ସମେତ ଦେଶର ପ୍ରମୁଖ ସହର ମାନଙ୍କରେ କେତେ ରହିଛି ସୁନା…
ଯାଜପୁର (କେନ୍ୟୁଜ): ହାଇୱାକୁ ପଛପଟୁ ଧକ୍କା ଦେଲା ବସ୍ । ଜଣେ ମୃତ, ୧୦ ଆହତ । ଯାଜପୁର ୧୬ନଂ…
ପୁରୀ (କେନ୍ୟୁଜ): ଆଜି ଶ୍ରୀକ୍ଷେତ୍ରରେ ଭଉଁରୀ ଯାତ୍ରା । ଶ୍ରୀକ୍ଷେତ୍ରରେ ସମ୍ପୂର୍ଣ୍ଣ ହେବ ତିନି ରଥର ଚକ ଅଖ ଡେରା…
ଭୁବନେଶ୍ୱର (କେନ୍ୟୁଜ): ପୁଣି କଲବଲ କଲାଣି ଗରମ ଓ ଗୁଳୁଗୁଳି । ବାୟୁମଣ୍ଡଳରେ ଆଦ୍ରତା ବୃଦ୍ଧି ପାଇଥିବାରୁ ଅଧିକ ଗୁଳୁଗୁଳି…
ଭୁବନେଶ୍ୱର (କେନ୍ୟୁଜ): ଓଡିଶାରେ ଚତୁର୍ଥ ତଥା ଶେଷ ପର୍ଯ୍ୟାୟ ପାଇଁ କ୍ୟାମ୍ପେନ ଘମାସାନ । ଆଜି ଓଡ଼ିଶାର ୩ଟି ସ୍ଥାନରେ…
ମେଷ: ଆଜି ଆପଣଙ୍କ ପାଇଁ ଦିନଟି ଶକ୍ତିଶାଳୀ ହେବାକୁ ଯାଉଛି । ଆପଣ ଠିକ୍ ସମୟରେ କାର୍ଯ୍ୟ ସମାପ୍ତ କରିବାକୁ…