ମଧ୍ୟ ପ୍ରଦେଶର ପନ୍ନା ଖଣିରୁ ହୀରା ବାହାରିବା କିଛି ନୂଆ କଥା ନୁହେଁ। ପ୍ରତିଦିନ ସେଠାରେ କାମ କରୁଥିବା ଲୋକଙ୍କୁ ଦାମୀ ହୀରା ମିଳେ। ଏଥରକ ଜଣେ ମହିଳାଙ୍କୁ ଖଣି ଖନନ ବେଳେ ୨.୦୮ କ୍ୟାରେଟ୍ର ହାଇ କ୍ୱାଲିଟି ହୀରା ମିଳିଛି। ଯାହା ପରେ ତାଙ୍କ ଭାଗ୍ୟ ଚମକି ଉଠିଛି। ଏହି ହୀରାର ଆନୁମାନିକ ମୂଲ୍ୟ ୧୦ ଲକ୍ଷ ହେବ ବୋଲି କୁହାଯାଉଛି।
ପନ୍ନା ସ୍ଥିତ ହୀରା କାର୍ଯ୍ୟାଳୟର ଅଧିକାରୀ ଅନୁପମ ସିଂହ କହିଛନ୍ତି, ଇଣ୍ଟବାକଳା ଗାଁର ଚମେଲୀ ବାଇଙ୍କୁ ନିକଟରେ କୃଷ୍ଣା କଲ୍ୟାଣପୁର ପଟିର ଓଥଲୀ ହୀରା ଖଣିରୁ ୨.୦୮ କ୍ୟାରେଟ୍ର ହୀରା ମିଳିଛି। ଏହି ଖାଦାନକୁ ସେ ପଟ୍ଟାରେ ନେଇଥିଲେ। ସେ କହିଛନ୍ତି, ମହିଳା ଜଣକ ଏହି ହୀରାକୁ ମଙ୍ଗଳବାର ଦିନ ହୀରା କାର୍ଯ୍ୟାଳୟରେ ଜମା କରିଛନ୍ତି।
ଅନୁପମ ସିଂହଙ୍କ କହିବାନୁସାରେ, ଏହା ଏକ ହାଇ କ୍ୱାଲିଟିର ହୀରା ଓ ଏହାର ମୂଲ୍ୟ ୧୦ ଲକ୍ଷ ହେବ ବୋଲି ଅନୁମାନ କରାଯାଉଛି। ଆଗାମୀ ଦିନରେ ହୀରା ନିଲାମୀ ବେଳେ ଏହାକୁ ନିଲାମ କରାଯିବ। ନିଲାମୀ ପରେ ୧୨ ପ୍ରତିଶତ ରୟାଲ୍ଟି କାଟି ବାକି ଅର୍ଥ ହୀରା ପାଇଥିବା ମହିଳାଙ୍କୁ ଦେଇ ଦିଆଯିବ।
ହୀରା ପାଇଥିବା ମହିଳାଙ୍କ ସ୍ୱାମୀ ଅରବିନ୍ଦ ସିଂହ କହିଛନ୍ତି, ହୀରାର ନିଲାମୀରେ ମିଳିବା ଅର୍ଥରେ ସେ ପନ୍ନାରେ ଜମି କିଣି ଘର ତିଆରି କରିବେ। ସେ କହିଛନ୍ତି, କିଛି ଦିନ ତଳେ ସେମାନେ ଖାଦାନ ବ୍ୟବସାୟରେ ଭାଗ୍ୟ ପରୀକ୍ଷା କରିବାକୁ ନିଷ୍ପତ୍ତି ନେଇଥିଲେ। ଏହା ପରେ ମାର୍ଚ୍ଚରେ ଏହି ଖାଦାନର ପଟ୍ଟା କରାଇଥିଲେ। କିନ୍ତୁ ଏବେ ହୀରା ମିଳିବା ପରେ ତାଙ୍କ ପରିବାରର ଭାଗ୍ୟ ଚମକିଛି।
ବିଶ୍ୱାସ କରାଯାଏ ଯେ ପନ୍ନାରେ ପାଖାପାଖି ୧୨ ଲକ୍ଷ କ୍ୟାରେଟ୍ର ହୀରା ଭଣ୍ଡାର ରହିଛି। ତେବେ ପନ୍ନାରେ କାହାକୁ ହୀରା ମିଳିବା ଏହା ପ୍ରଥମ ନୁହେଁ। ପୂର୍ବରୁ ଫେବ୍ରୁଆରୀରେ ଏମିତି ହିଁ ଓଥଲୀ ଖଣିରୁ ରାଣା ପ୍ରତାପ ନାମକ ବ୍ୟକ୍ତିଙ୍କୁ ୪.୫୭ କ୍ୟାରେଟ୍ ହୀରା ମିଳିଥିଲା, ଯାହାର ଦାମ୍ ୧୦ ଲକ୍ଷରୁ ଅଧିକ ଥିଲା।
Also Read: ସେନେଗଲର ହସ୍ପିଟାଲରେ ଭୀଷଣ ଅଗ୍ନିକାଣ୍ଡ, ଜଳିଗଲେ ୧୧ ନବଜାତ ଶିଶୁ
ମେଷ: ଆସନ୍ତାକାଲି ଏକ ଭଲ ଦିନ ହେବ । ସ୍ୱାସ୍ଥ୍ୟ ଭଲ ରହିବ । କୌଣସି ଶାରୀରିକ ଯନ୍ତ୍ରଣା ହେବ…
ମାଲକାନଗିରି : ମାଲକାନଗିରି ଜିଲ୍ଲା ତୁଳସୀ ପାହାଡରେ BSF ଜବାନଙ୍କୁ ମିଳିଛି ବଡ଼ ସଫଳତା । ସୁରକ୍ଷାକର୍ମୀଙ୍କ କୁମ୍ବିଙ୍ଗ ଅପରେସନ…
ଆନନ୍ଦପୁର : ପୋଖରୀରେ ବୁଡି ବୃଦ୍ଧ ମୃତ । ରାମଚନ୍ଦ୍ରପୁର ଥାନା ନର୍ଦା ଗାଁରେ ଦେଖିବାକୁ ମିଳିଛି ଏଭଳି ଅଘଟଣ…
ଜଳେଶ୍ୱର : ଅଧା ବଗି ଛାଡ଼ି ଦୁଇ କିଲୋମିଟର ଚାଲିଗଲା ମାଲଗାଡ଼ି । ଦକ୍ଷିଣ-ପୂର୍ବ ରେଳ ପଥର ବାଲେଶ୍ବର ଜିଲ୍ଲା…
କେନ୍ୟୁଜ (ବ୍ୟୁରୋ) : ଓଡ଼ିଶାରେ ସରକାର ଗଠନ କରିବାକୁ ବିଜେପି ରାଜ୍ୟପାଳଙ୍କ ନିକଟରେ ଦାବି କରିଛି । ଆଜି ରାଜ୍ୟ…
ଆନନ୍ଦପୁର(କେନ୍ୟୁଜ୍): ଅସହ୍ୟ କଲା ଗରମ ଗୁଳୁଗୁଳି । ପୋଖରୀକୁ ଗାଧୋଇବାକୁ ଯାଇଥିଲେ ବୃଦ୍ଧ । ଗୋଡ଼ ଖସିଗଲା ପାଣିରେ ବୁଡି…