ଚାନ୍ଦବାଲି: ସବୁ ବାପା ମାଙ୍କ ଇଚ୍ଛା ମୁଖାଗ୍ନି ମୋ ପୁଅ ଦେଉ । ହେଲେ ବିଧିର ବିଧାନ କେ କରିବ ଆନ । ଯଦି ସମସ୍ତଙ୍କର ସବୁ ଇଚ୍ଛା ପୂରଣ ହୋଇଯାନ୍ତା ତେବେ ଭଗବାନଙ୍କୁ ଡାକିବାର କିଛି କାରଣ ହିଁ ନଥାନ୍ତା । ବର୍ତ୍ତମାନ ସାରା ବିଶ୍ବରେ ବିପତ୍ତି ପଡିଛି । ମହାମାରୀ କବଳରେ ଏବେ ବିଶ୍ବବାସୀ । ଯାତାୟତ ଏକ ପ୍ରକାରର ଠପ୍ ହୋଇଯାଇଛି। ମହାମାରୀ କରୋନା ଦାଉରେ ଧନୀ ଠୁ ଗରିବ ସମସ୍ତେ ଜର୍ଜରିତ। ଏହି ମସୟରେ ଆମ ଦେଶକୁ ମହାମାରୀ କରୋନା ସଙ୍କଟରୁ ଉଦ୍ଧାର କରିବା ପାଇଁ ସରକାର ଘୋଷଣା କରିଛନ୍ତି ଲକ୍ ଡାଉନ୍ । ଆଉ ଏହି ଲକ୍ ଡାଉନରେ ଘଟିଯାଇଛି ଏମିତି ଏକ ହୃଦୟସ୍ପର୍ଶୀ ଘଟଣା ଯାହା ଆଖିରୁ ଲୁହ ଖସାଇଦେବ । ଘଟଣାଟି ଘଟିଛି ଭଦ୍ରକ ଜିଲ୍ଲା ଚାନ୍ଦବାଲି ବ୍ଲକର ଆରଡି ପଞ୍ଚାୟତରେ ସାନପଙ୍କି ଗାଁ ରେ ।
ଲକ ଡାଉନ କଟକଣା ଯୋଗୁ ବିଦେଶରୁ ଫେରି ପାରିଲାନାହିଁ ପୁଅ । ୩ ପୁଅ ଥାଇ ବି କେହି ଜଣେ ବି ବୁଢା ବାପାର ଶେଷ ଯାତ୍ରାରେ ସାମିଲ ହୋଇପାରିଲେ ନାହିଁ । କେବଳ ବାପାର ମରିବା ଖବର ଶୁଣିଲେ ଆଉ ଛାତିକୁ ପଥର କରି ରଖିଗଲେ । କେତେ ଦୁଃଖର କଥା କହିଲେ ୩ ଜଣ ପୁଅ ଥାଇ ବି କେହି ଜଣେ ବାପା ମୁହଁରେ ମୁଖାଗ୍ନି ଦେଇପାରିଲେନାହିଁ ।
ସୂଚନା ମୁତାବକ ଆରଡି ପଞ୍ଚାୟତ ସାନପଙ୍କି ଗାଁର ନବ କିଶୋର ସାହୁ, ବୟସ ପାଖାପାଖି ୬୫ ବର୍ଷ । ଦୀର୍ଘ ଦିନ ହେଲା ସେ ଅସୁସ୍ଥ ଥିଲେ । ହେଲେ ହଠାତ୍ ଗତକାଲି ବିଳମ୍ବିତ ରାତିରେ ତାଙ୍କର ମୃତ୍ୟୁ ଘଟିଥିଲା । ମୃତ୍ୟୁ ପରେ ବାପାର ମୃତ୍ୟୁ ଖବର ପାଇ ବି ୩ ପୁଅ ସୁଦୂର ବାଙ୍ଗାଲୋରରେ ଥିବାରୁ ଗାଁ କୁ ଆସିପାରିଲେନାହିଁ । ପୂର୍ବରୁ ବୁଢା ବାପାର ଦେହ ଅସୁସ୍ଥ ଥିବା ଖବର ପୁଅମାନେ ପାଇ ବି ଲକ ଡାଉନ କଟକଣା ଯୋଗୁ ବାପାକୁ ଦେଖିବାକୁ ଆସିପାରିନଥିଲେ । ଏବେ ବାପା ମଲାପରେ ବାପା ମୁହଁରେ ନିଆଁ ଟିକେ ବି ଦେଇପାରିଲାନାହି ପୁଅମାନେ । ତେବେ ନିଜର ଭାଇ, ସାହି ମିଶି ବୃଦ୍ଧଙ୍କ ଅନ୍ତିମ କ୍ରିୟା କରିଛନ୍ତି ।
ଆଠମଲ୍ଲିକ: ଆଠମଲ୍ଲିକ ନିକଟସ୍ଥ ମାଳିପଦର ଗ୍ରାମ ନିକଟ ପୂର୍ତ୍ତ ରାସ୍ତାରେ ଜଳିଗଲା ବାଇକ | ପ୍ରକାଶ ଯେ, ଆଠମଲ୍ଲିକ କିଆକଟା…
ବଢ଼ିଲା ବିଭବ କୁମାରଙ୍କ ନ୍ୟାୟିକ ହେପାଜତ । ଦିଲ୍ଲୀ ମହିଳା ଆୟୋଗର ପୂର୍ବତନ ଅଧ୍ୟକ୍ଷା ତଥା ରାଜ୍ୟସଭା ସାଂସଦ ସ୍ୱାତି…
ସୋନାକ୍ଷୀ ସିହ୍ନା ଏବଂ ଜାହିର ଇକବାଲଙ୍କ ବିବାହକୁ ନେଇ ଅନେକ ଦିନ ହେବ ସୋସିଆଲ ମିଡିଆରେ ଖୁବ୍ ଚର୍ଚ୍ଚା ଚାଲିଛି…
ମହାରାଷ୍ଟ୍ରର ଠାଣେର ଉପବନ ଅଞ୍ଚଳରେ ଶୁକ୍ରବାର ରାତିରେ ଏକ ବଡ଼ ଦୁର୍ଘଟଣା ଘଟିଛି । ଏଠାରେ ଥିବା ଫୁଟବଲ୍ ଟର୍ଫ…
ଅନେକ କୁନି କୁନି ପିଲା ଥାଆନ୍ତି, ଯେଉଁ ମାନଙ୍କର ଦାନ୍ତ ଉଠେନି । ଏପରିକି ଅନେକ ସମୟରେ ବୟସ୍କ ବ୍ୟକ୍ତିଙ୍କର…
ଖୋର୍ଦ୍ଧା(କେନ୍ୟୁଜ): ଖୋର୍ଦ୍ଧା ସହରକୁ ପ୍ରତିଦିନ ଲକ୍ଷ ଲକ୍ଷ ଲୋକଙ୍କ ଯାଆସ । ଏତେ ଲୋକଙ୍କ ଭିଡ ଭିତରେ ଏଠି କେମିତି ଚାଲିଛି…