Image Credit: Navbharat
ବୟସ ୧୦୦, କିନ୍ତୁ ବୋହୁଛନ୍ତି ୨୦୦ କେଜିର ପରିବା। ପରିବାରର ପେଟ ପୋଷିବା ପାଇଁ ପଞ୍ଜାବର ଜଣେ ବ୍ୟକ୍ତି ଟ୍ରଲିରେ ଆଳୁ ଓ ପିଆଜ ବିକ୍ରି କରୁଥିବା ଦେଖାଯାଇଛି। ଭେଣ୍ଡିଆ ପୁଅର ଅଚାନକ ମୃତ୍ୟୁ ପରେ ଏବେ ନାତି ନାତୁଣୀଙ୍କ ଦାୟିତ୍ୱ ତାଙ୍କ ଉପରେ। ଏଣୁ ବାଧ୍ୟ ହୋଇ ପରିଣତ ବୟସରେ ଏଭଳି କଷ୍ଟକର କାମ କରିବାକୁ ପଡ଼ୁଛି ତାଙ୍କୁ।
ପରିବାର ପାଇଁ ବୃଦ୍ଧାବସ୍ଥାରେ ଖଟୁଥିବା ଏହି ବ୍ୟକ୍ତି ଜଣକ ହେଉଛନ୍ତି ହରବଂଶ ସିଂହ। ଶହେ ଟପିଥିଲେ ବି ନିଜ ଦାୟିତ୍ୱ ଓ କର୍ତ୍ତବ୍ୟକୁ ଦୂରେଇ ଦେଇନାହାନ୍ତି ସେ। ଏଣୁ ଖରା ହେଉ କି ବର୍ଷା ସବୁବେଳେ ଟ୍ରଲିରେ ଆଳୁ-ପିଆଜ ଧରି ଘରକୁ ଘର ବିକିବାକୁ ବାହାରି ପଡ଼ନ୍ତି। ବେଳେ ବେଳେ ଟ୍ରଲିରେ ପରିବାର ଓଜନ ୨୦୦ କେଜି ବି ଟପିଯାଏ। ତଥାପି ସେ ହାର୍ ମାନିନାହାନ୍ତି।
ହରବଂଶ ସିଂହ କହିଛନ୍ତି, କିଛି ଦିନ ତଳେ ତାଙ୍କ ବଡ଼ ପୁଅର ମୃତ୍ୟୁ ହୋଇଥିଲା। ପୁଅର ଦେହାନ୍ତ ପରେ ବୋହୂ ପିଲାଙ୍କୁୁ ଛାଡ଼ି ଚାଲିଗଲା। ଏଣୁ ଅନାଥ ନାତିନାତୁଣୀଙ୍କ ଦାୟିତ୍ୱ ଏବେ ହରବଂଶଙ୍କ ଉପରେ। ତାଙ୍କର ସାନ ପୁଅ ଫଳ ବ୍ୟବସାୟ କରି ଚଳୁଥିଲେ ମଧ୍ୟ ସେ ପରିବାର ଠାରୁ ଅଲଗା ରହୁଛନ୍ତି। ଏଣୁ ନିଜର ତଥା ନାତି ନାତୁଣୀଙ୍କ ପାଇଁ ହରିବଂଶ ବିଶ୍ରାମ କରିବା ବୟସରେ ପରିଶ୍ରମ କରୁଥିବା କହିଛନ୍ତି।
ହରବଂଶଙ୍କ ଏହି କାହାଣୀ ସୋସିଆଲ ମିଡିଆରେ ପ୍ରଚାରିତ ହେବା ପରେ ଲୋକମାନେ ତାଙ୍କୁ ସାହାଯ୍ୟ କରିବାକୁ ଆଗଭର ହେଉଥିବା ଦେଖାଯାଇଛି।
ସମଗ୍ର ଦେଶରେ ଲୋକମାନେ ଦାବି କରୁଛନ୍ତି ଯେ ସେମାନଙ୍କର ଜିଓ ସେବା କାମ କରୁନାହିଁ । ସେମାନେ କହୁଛନ୍ତି ଯେ,…
କାକଟପୁର (କେନ୍ୟୁଜ): ପାଗଳ ବିଲୁଆ ଆତଙ୍କରେ ଥରହର ହେଉଛନ୍ତି ଗାଁ ଲୋକେ । ଅସ୍ତରଙ୍ଗ ନିକଟ ବେଗୁନିଆବସ୍ତ ଗାଁରେ ଏକ…
ଯାଜପୁର (କେନ୍ୟୁଜ) : ଚାଲିଛି ସଂଘର୍ଷପୂର୍ଣ୍ଣ ଲଢେଇ । କର ବା ମର ପରିସ୍ଥିତି । ଏପଟେ ଗ୍ୟାଲେରୀରେ ଦର୍ଶକଙ୍କ…
ଭୁବନେଶ୍ୱର : ପ୍ରଚଣ୍ଡ ଗୁଳୁଗୁଳି ପରେ ବଦଳିଲା ପାଗ । ରାଜଧାନୀରେ ବିଜୁଳି ଘଡ଼ଘଡ଼ି ସହ ବର୍ଷା । ଅସହ୍ୟ…
ବାବାଙ୍କ ଭକ୍ତିରେ ଲୀନ ଶ୍ରଦ୍ଧାଳୁ । ସମସ୍ତଙ୍କ ମୁହଁରେ ଗୋଟାଏ ଶଦ୍ଦ ବାବା.. ଭୋଲେନାଥ.. । ଦେବ ଦେବ ମହାଦେବଙ୍କୁ…
ଇରାନ୍ର ଉତ୍ତର ଭାଗରେ ଥିବା ଏକ ହସ୍ପିଟାଲରେ ଭୟାବହ ଅଗ୍ନିକାଣ୍ଡ ଘଟିଛି । ଏଥିରେ ୯ ଜଣ ରୋଗୀଙ୍କର ମୃତ୍ୟୁ…