photo credit: The Better India
ଇମ୍ଫାଲ୍ : ମଣିପୁରକୁ ଭାରତର ମୁକୁଟ ବୋଲି କୁହାଯାଏ । ଦେଶର ପ୍ରଥମ ପ୍ରଧାନମନ୍ତ୍ରୀ ଜବହାରଲାଲ ନେହେରୁ ମନିପୁରକୁ ଭାରତର ମୁକୁଟ ବୋଲି କହିଥିଲେ । ତେବେ ଏହି ରାଜ୍ୟର ରାଜଧାନୀ ଇମ୍ଫାଲ୍ ରାଜ୍ୟର ସଂସ୍କୃତି ଓ ପରମ୍ପରା ପାଇଁ ଯେତିକି ପରିଚିତ ତା’ଠୁ ଅଧିକ ପରିଚିତ ଦେଶର ଏକମାତ୍ର ମହିଳା ମାର୍କେଟ ଯୋଗୁ । କେବଳ ଦେଶ ନୁହେଁ ସମଗ୍ର ଏସିଆ ମହାଦେଶର ସବୁଠୁ ବଡ଼ ମହିଳା ମାର୍କେଟ ବା ସେଠାକାର ଭାଷାରେ ଇମା କିଥେଲ୍ ବା ନୁପି କିଥେଲ୍ ବା ମଦରସ୍ ମାର୍କେଟ ।
ଏହି ବଜାର ଇମ୍ଫାଲର ଖ୍ଵାଇରାବନ୍ଦ ବଜାର ନାମରେ ପରିଚିତ । ଏହି ମାର୍କେଟର ସମସ୍ତ ଦୋକାନ ମହିଳାମାନଙ୍କ ଦ୍ୱାରା ପରିଚାଳିତ ହୋଇଥାଏ । ଦୀର୍ଘ ୫୦୦ ବର୍ଷ ତଳେ ଆରମ୍ଭ ହୋଇଥିବା ଏହି ମାର୍କେଟ ପ୍ରାୟ ୧୫ ଶତାବ୍ଦୀରେ ଆରମ୍ଭ ହୋଇଥିବା କୁହାଯାଏ । ପୂର୍ବରୁ ଏହି ମାର୍କେଟ କେବଳ ଇନ୍ଫରମେସନ ଏକ୍ସଚେଞ୍ଜ ଓ ପ୍ରଶିକ୍ଷଣ କେନ୍ଦ୍ର ଭାବେ କାମ କରୁଥିଲା । ଏବେ ଏହି ମାର୍କେଟ ଏକ ଅନୁଷ୍ଠାନ ଭାବେ କାମ କରୁଛି । ମାର୍କେଟର ସମସ୍ତ ନିଷ୍ପତ୍ତି ମାର୍କେଟ ଚଳାଉଥିବା ମହିଳାମାନେ ନେଉଛନ୍ତି । ମହିଳାମାନେ ପରିବାର ଚଳାଇବା ପାଇଁ ଚାଷ ସହ ହାତ କାମ ଓ ବୁଣାବୁଣି ଆଦି ବ୍ୟବସାୟ କରିଥାନ୍ତି । ଏହି ମହିଳାମାନେ ମହିଳା ସଶକ୍ତକରଣର ଜଣେ ଜଣେ ଉଦାହରଣ । ଏହି ମାର୍କେଟ ୩.୫ କିଲୋମିଟର ଅଞ୍ଚଳ ଉପରେ ପ୍ରତିଷ୍ଠିତ । ଏହି ମାର୍କେଟ ୩ଟି ମୁଖ୍ୟ ବିଲ୍ଡିଂ (୪୭ ହଜାର, ୩୦ ହଜାର ଓ ୨୦ ହଜାର ବର୍ଗ ମିଟର) ରେ ବିଭାଜିତ ।
ଏହି ମାର୍କେଟରେ ପୁରୁଷଙ୍କୁ ବ୍ୟବସାୟ କରିବାକୁ ମନା । ଏହି ମାର୍କେଟ କେବଳ ମହିଳାମାନଙ୍କ ପାଇଁ ଉଦ୍ଦିଷ୍ଟ । ଯେଉଁଠି କେବଳ ମହିଳା ହିଁ ବ୍ୟବସାୟ କରିପାରିବେ । ହେଲେ ପୁରୁଷମାନେ କେବଳ ଏଠାକୁ କିଣିବାକୁ ଆସିପାରିବେ । ଆଉ ଏହି ମାର୍କେଟକୁ ଭାରି ଜିନିଷ ନେଇ ଶ୍ରମିକ ଭାବେ ପୁରୁଷ ଲୋକେ ପ୍ରବେଶ ପାରିବେ । ପୁରୁଷଙ୍କୁ ଏଠାରେ ଦୋକାନ କିଣିବାକୁ କଡ଼ାକଡ଼ି ଭାବେ ବାରଣ କରାଯାଇଛି ।
ମହିଳାମାନେ ଏଠାରେ ଲୁଗା ପଟା ଠାରୁ ଆରମ୍ଭ କରି ଘର କରଣା, ମାଟି ଜନିଷ, ଖେଳଣା,ଠାକୁର ଜିନିଷ, ଫୁଲ୍, କସମେଟିକ ଓ ମିଠା ଆଦି ସବୁ ପ୍ରକାର ଦ୍ରବ୍ୟ ବିକ୍ରୟ କରିଥାନ୍ତି । ମାର୍କେଟର ସଦସ୍ୟମାନେ ନିଜର ସହଯୋଗୀ ଦୋକାନୀଙ୍କୁ ଉଠାଇବା ପାଇଁ ଋଣ ମଧ୍ୟ ଦେଇଥାନ୍ତି । ଜଣେ ଦୋକାନୀ ଦିନକୁ ୬ ହଜାର ଟଙ୍କାରୁ ୧୦ ହଜାର ଟଙ୍କା ଯାଏ ବେପାର କରିଥାନ୍ତି ବୋଲି କୁହନ୍ତି । ଏହି ଐତିହାସିକ ମାର୍କେଟ ୨୦୧୬ ଜାନୁଆରୀ ୪ରେ ହୋଇଥିବା ଭୂକମ୍ପରେ ସଂପୁର୍ଣ୍ଣ ଭାବେ ଧ୍ୱସ୍ତ ବିଧ୍ୱସ୍ତ ହୋଇଯାଇଥିଲା । ଏବେ ପୁଣି ଥରେ ଏହାକୁ ଗଢ଼ାଯାଇଛି । ଏହି ମାର୍କେଟ ସାରା ଦୁନିଆର ପର୍ଯ୍ୟଟକଙ୍କ ପାଇଁ ଆକର୍ଷଣର ବିନ୍ଦୁ ସାଜିଛି ।
କୋରାପୁଟ : ଦୁଇ ନକଲି ନକ୍ସଲ ଗିରଫ । ଜୟପୁର ସଦର ଥାନା ଓ ବୈପାରିଗୁଡା ପୋଲିସର ମିଳିତ ଉଦ୍ୟମରେ…
ଭୁବନେଶ୍ୱର: ଦିଲ୍ଲୀ ଯିବା ପୂର୍ବରୁ କୃଷି ବିଭାଗର ସମୀକ୍ଷା କଲେ କୃଷି ମନ୍ତ୍ରୀ ତଥା ଉପମୁଖ୍ୟମନ୍ତ୍ରୀ କନକ ବର୍ଦ୍ଧନ ସିଂଦେଓ…
ଲୋକସଭା ନିର୍ବାଚନ ପ୍ରଚାର ସମୟରେ ପରସ୍ପରକୁ କଟାକ୍ଷ କରୁଥିବା ନେତା ସଂସଦରେ ଆଜି ଭିନ୍ନ ରୂପରେ ନଜର ଆସିଥିଲେ ।…
କଣ୍ଟାବାଞ୍ଜି : କଂଟାବାଞ୍ଜି-ବଲାଙ୍ଗୀର ରାସ୍ତାରେ ଥିବା ଏକ ଠିପି ଖୋଲା ବିଦେଶୀ ମଦ ଦୋକାନରୁ ଚୋରୀ ହୋଇଥିବା ନେଇ କଣ୍ଟାବାଞ୍ଜି…
ପୁରୀ : ଆସନ୍ତା ୭ ତାରିଖରେ ପୁରୀ ବିଶ୍ବପ୍ରସିଦ୍ଧ ରଥଯାତ୍ରା । ଚଳିତ ବର୍ଷ ଦୁଇ ଦିନ ରଥଯାତ୍ରା ।…
ଜୁଲାଇରେ ହେବାକୁ ଥିବା ପ୍ୟାରିସ୍ ଅଲିମ୍ପିକ୍ସ ପାଇଁ ଭାରତୀୟ ହକି ଟିମ୍ ଘୋଷଣା ହୋଇଛି । ହରମନପ୍ରୀତ ସିଂହଙ୍କ ନେତୃତ୍ୱରେ…