photo credit: Insider
ଆପଣ ଏ କଥା ନିଶ୍ଚୟ ଶୁଣିଥିବେ ଯେ ସହରରେ ରହୁଥିବା ପ୍ରାୟ ସବୁ ଲୋକଙ୍କ ପାଖରେ ନିଜସ୍ୱ ଗାଡ଼ି ଥାଏ। କିନ୍ତୁ କ’ଣ ଏମିତି ସହର ବିଷୟରେ କେବେ ଶୁଣିଛନ୍ତି କି, ଯେଉଁଠି ରହୁଥିବା ପ୍ରତ୍ୟେକ ଲୋକଙ୍କ ପାଖରେ ନିଜସ୍ୱ ଉଡ଼ାଜାହାଜ ଅଛି? ଏତିକି ନୁହେଁ, ଏହି ସହରର ଲୋକେ ଅଫିସ୍ କିମ୍ବା କୌଣସି କାମରେ ଯିବା ପାଇଁ ବି ନିଜସ୍ୱ ଏୟାରକ୍ରାଫ୍ଟ ବ୍ୟବହାର କରିଥାଆନ୍ତି। ତେବେ କଥାଟି ଟିକିଏ ଅଡ଼ୁଆ ଲାଗୁଥିଲେ ବି ସତ।
ଏହି ଉଡ଼ାଜାହାଜ ସହର ଆମେରିକାର କାର୍ଲିଫର୍ନିଆରେ ଅଛି। ଏଠାରେ ଅଧିକାଂଶ ଲୋକ ହେଉଛନ୍ତି ପାଇଲଟ। ତେଣୁ ସେମାନଙ୍କ ପାଖରେ ଉଡ଼ାଜାହାଜ ରହିବା ଏକ ସାଧାରଣ କଥା। ଏହାଛଡ଼ା ସହରରେ ଡାକ୍ତର ଏବଂ ଓକିଲ ମଧ୍ୟ ଅଛନ୍ତି। ସେମାନଙ୍କର ବି ଉଡ଼ାଜାହାଜ ରଖିବାର ସଉକ ଅଛି। ଉଡ଼ାଜାହାଜକୁ ଏଠାକାର ଲୋକେ ଏତେ ଭଲ ପାଆନ୍ତି ଯେ ପ୍ରତ୍ୟେକ ଶନିବାର ସକାଳେ ସମସ୍ତେ ଏକାଠି ହୁଅନ୍ତି ଏବଂ ଲୋକାଲ ଏୟାରପୋର୍ଟ ପର୍ଯ୍ୟନ୍ତ ଯାଆନ୍ତି।
ଏଠି ଉଡ଼ାଜାହାଜର ମାଲିକ ହେବା ସାଧାରଣତଃ କାର୍ର ମାଲିକ ହେବା ଭଳି ହୋଇଥାଏ। ସହରର ଗଳି ଏବଂ ଲୋକଙ୍କ ଘର ସାମ୍ନାରେ ତିଆରି ହ୍ୟାଙ୍ଗରରେ ଗୋଟିଏ ଗୋଟିଏ ଉଡ଼ାଜାହାଜ ଥୁଆ ହୋଇଥିବାର ଦେଖିବାକୁ ମିଳେ। ଏଠାକାର ରାସ୍ତାଗୁଡ଼ିକ ମଧ୍ୟ ଅଧିକ ଚଉଡ଼ା, ଯେପରି ପାଇଲଟ ଏହାକୁ ରନ୍େଓ୍ଵ ରୂପେ ବ୍ୟବହାର କରିପାରିବେ। ସେହିପରି ଉଡ଼ାଜାହାଜର ପଙ୍ଖାକୁ କୌଣସି କ୍ଷତି ନ ପହଞ୍ଚିବା ପାଇଁ ରାସ୍ତାର ସଙ୍କେତ ଏବଂ ଲେଟର ବକ୍ସକୁ ସାମାନ୍ୟଠୁ କମ୍ ଉଚ୍ଚାରେ ଲଗାଯାଇଛି। ଆପଣ ଜାଣି ଆଶ୍ଚର୍ଯ୍ୟ ହେବେ ଯେ ରାସ୍ତାଗୁଡ଼ିକର ନାଁ ବି ଉଡ଼ାଜାହାଜ ସହ ଜଡ଼ିତ ରହିଛି, ଯେପରି ବୋଇଙ୍ଗ୍ ରୋଡ୍।
ଦ୍ୱିତୀୟ ବିଶ୍ୱଯୁଦ୍ଧ ପରେ ଆମେରିକା ଉଡ଼ାଜାହାଜ ପରିଚାଳନାକୁ ଅଧିକ ଗୁରୁତ୍ୱ ଦେଇଥିଲା। ଆଉ ଏଥିପାଇଁ ଦେଶରେ ଅନେକ ବିମାନବନ୍ଦର ନିର୍ମାଣ କରାଯାଇଥିଲା। ଏପଟେ ପାଇଲଟଙ୍କ ସଂଖ୍ୟା ୧୯୩୯ ମସିହାରେ ୩୪,୦୦୦ ଥିବା ବେଳେ ୧୯୪୬ ମସିହା ସୁଦ୍ଧା ଏହା ବଢ଼ି ୪,୦୦,୦୦୦ରୁ ଅଧିକ ହୋଇଯାଇଥିଲା। ଏମିତି ସ୍ଥିତିରେ US Civil Aviation Authority ଦେଶରେ ଆବାସୀୟ ବିମାନବନ୍ଦର ନିର୍ମାଣର ପ୍ରସ୍ତାବ ରଖିଥିଲା, ଯାହାର ଉଦ୍ଦେଶ୍ୟ ଥିଲା ସେବାନିବୃତ ସୈନ୍ୟ ପାଇଲଟମାନଙ୍କୁ ଆବାସ ସ୍ଥାନ ଯୋଗାଇ ଦେବା।
ଭୁବନେଶ୍ୱର(କେନ୍ୟୁଜ୍): ମନ୍ତ୍ରିମଣ୍ଡଳରେ ସାମିଲ ହେବା ପାଇଁ ଆସିଲା ଫୋନ୍ କଲ୍ । ଏହି ବିଧାୟକ ମାନଙ୍କ ପାଖକୁ ଆସିଛି କଲ୍…
ଆସୁଛି ଓଡ଼ିଶାର ଲୋକପ୍ରିୟ ପର୍ବ ରଜ । ରଜ ପାଇଁ ପ୍ରସ୍ତୁତି ଶେଷ ପର୍ଯ୍ୟାୟରେ । କେନ୍ଦୁଝର ଜିଲ୍ଲାରେ ରଜକୁ…
ଜମ୍ମୁ-କାଶ୍ମୀରର କଠୁଆରେ ପୁଣି ଜଣେ ଆତଙ୍କୀ ସଫା । ଏଠାରେ ଆତଙ୍କବାଦୀ ଏବଂ ସୁରକ୍ଷା ବାହିନୀ ମଧ୍ୟରେ ଚାଲିଥିବା ଗୁଳି…
ଭାରତ-ପାକିସ୍ତାନ ମଧରେ ଜୁନ୍ ୯ ତାରିଖ ନ୍ୟୁୟର୍କରେ ଟି୨୦ ବିଶ୍ୱକପ ମ୍ୟାଚ ଖେଳାଯାଇଥିଲା । ଭାରତ ଏହି ମ୍ୟାଚକୁ ୬…
ବିଶ୍ୱର ଅନେକ ଦେଶରେ ବାର୍ଡ ଫ୍ଲୁ ମାମଲା ବଢ଼ି ଚାଲିଛି । ଆମେରିକାରୁ ନେଇ ୟୁରୋପ ପର୍ଯ୍ୟନ୍ତ ସବୁଠି ଏହି…
ଖୋର୍ଦ୍ଧା (କେନ୍ୟୁଜ): ପ୍ରଶାନ୍ତ ଜଗଦ୍ଦେବଙ୍କୁ ନିୟମିତ ଜାମିନ । ଖୋର୍ଦ୍ଧା ବିଧାୟକ ପ୍ରଶାନ୍ତ ଜଗଦ୍ଦେବଙ୍କୁ ହାଇକୋର୍ଟରୁ ବଡ଼ ଆଶ୍ବସ୍ତି ।…