ବର୍ତ୍ତମାନ ଲୋକମାନେ ବାଇକ ଅପେକ୍ଷା ଗିୟରଲେସ୍ ସ୍କୁଟର ଚଲାଇବାକୁ ଅଧିକ ପସନ୍ଦ କରୁଛନ୍ତି। ଏହା ଚଲାଇବାକୁ ସୁବିଧା ହେଉଥିବାରୁ ଉଭୟ ମହିଳା ଓ ପୁରୁଷ ଏହାକୁ ଚଲାଉଛନ୍ତି। ଏଣୁ ଭାରତରେ ସ୍କୁଟରର ବିକ୍ରି ବାଇକର ବିକ୍ରିକୁ କଡ଼ା ଟକ୍କର ଦେଉଛି। ଏବେ ବଜାରରେ ନୂଆ ନୂଆ ଡିଜାଇନ୍ର ସ୍କୁଟର ଗଡ଼ୁଛି। କିନ୍ତୁ ଆମେ ପ୍ରାୟତଃ ସ୍କୁଟର ଚଲାଇବା ବେଳେ କେତେକ ଜରୁରୀ କଥାକୁ ଅଣଦେଖା କରିଦେଇଥାଉ, ଫଳରେ ବାହାରକୁ ଗାଡ଼ି ନେଇ ଯିବା ପରେ ସମସ୍ୟାର ସମ୍ମୁଖୀନ ହୋଇଥାଉ। ତେବେ ଆଜି ଆମେ ଆପଣଙ୍କୁ କେତେକ ଛୋଟ ଛୋଟ ଟିପ୍ସ ଦେବାକୁ ଯାଉଛୁ, ଯାହା ଆପଣଙ୍କ ରାଇଡିଂକୁ ଆହୁରି ମଜାଦାର କରିଦେବ…
-ଟୁ ହ୍ଵିଲର ଚଲାଇବା ବେଳେ ସବୁବେଳେ ହେଲମେଟ୍ ନିଅନ୍ତୁ। ତେବେ ଲୋକାଲ ଓ ଶସ୍ତା ହେଲମେଟ୍ଠାରୁ ଦୂରେଇ ରୁହନ୍ତୁ। କାରଣ ଏହା ଦୁର୍ଘଟଣା ବେଳେ ଆପଣଙ୍କୁ ସୁରକ୍ଷା ପ୍ରଦାନ କରିବାରେ ବିଫଳ ହୋଇପାରେ। ନିଜ ସାଇଜ୍ ଅନୁସାରେ ସବୁବେଳେ ହେଲମେଟ୍ କିଣନ୍ତୁ।
-ସ୍କୁଟର ଚଲାଇବା ବେଳେ ଯେତେବେଳେ ବି ବ୍ରେକ୍ ମାରୁଛନ୍ତି ଉଭୟ ବ୍ରେକ୍ର ବ୍ୟବହାର କରନ୍ତୁ। ଏହା ଦ୍ୱାରା ସ୍କୁଟର ସ୍ଲିପ୍ କରିନଥାଏ।
-ସ୍କୁଟର ଚଲାଇବା ବେଳେ ରାସ୍ତାକୁ ଦେଖି ସ୍ପିଡ ବଢ଼ାନ୍ତୁ। କାରଣ ଦ୍ରୁତ ଗତି ମହାବିପତ୍ତିର କାରଣ ସାଜିଥାଏ। ଏଣୁ ଗହଳି ସ୍ଥାନରେ ଧୀରେ ଧୀରେ ଗାଡ଼ି ଚଲାନ୍ତୁ।
-ସ୍କୁଟର ଚଲାଇବା ବେଳେ ସାମ୍ନାରେ ଯାଉଥିବା ଗାଡ଼ିଠାରୁ ଦୂରତା ବଜାୟ ରଖି ଚଲାନ୍ତୁ। ଯଦି ସେ ସଡନ୍ ବ୍ରେକ୍ ବି ମାରେ, ତେବେ ଆପଣ ନିଜକୁ କଣ୍ଟ୍ରୋଲ କରି ବ୍ରେକ୍ ମାରିପାରିବେ।
-ବର୍ଷା ପାଗରେ ସ୍କୁଟର ନେବା ବେଳେ ସତର୍କ ରୁହନ୍ତୁ। କାରଣ ବାଇକ ତୁଳନାରେ ସ୍କୁଟରର ଚକା ଛୋଟ ହୋଇଥାଏ ଓ ବର୍ଷାଦିନେ ରାସ୍ତା ଗାତରେ ଫସିଯିବା ସମ୍ଭାବନା ଥାଏ। ତେଣୁ ସତର୍କ ରହିବା ଜରୁରୀ।
-ସ୍କୁଟରକୁ ଠିକ୍ ସମୟରେ ସର୍ଭିସିଂ ପାଇଁ ନିଅନ୍ତୁ। ସର୍ଭିସିଂ ବେଳେ ଏୟାର ଫିଲ୍ଟରକୁ ସଫା କରିବା ଅଧିକ ଜରୁରୀ। କାରଣ ଏୟାର ଫିଲ୍ଟର ମଇଳା ଥିଲେ ଇଞ୍ଜିନ୍ ଜଲଦି ଖରାପ ହୋଇଯାଏ। ଏଣୁ ମାସକୁ ଥରେ ଏୟାର ଫିଲ୍ଟରକୁ ପରିଷ୍କାର କରନ୍ତୁ।
ଜୁଲାଇରେ ହେବାକୁ ଥିବା ପ୍ୟାରିସ୍ ଅଲିମ୍ପିକ୍ସ ପାଇଁ ଭାରତୀୟ ହକି ଟିମ୍ ଘୋଷଣା ହୋଇଛି । ହରମନପ୍ରୀତ ସିଂହଙ୍କ ନେତୃତ୍ୱରେ…
ଭୁବନେଶ୍ୱର: ଗରମ ଓ ଗୁଳୁଗୁଳିରୁ ମିଳିଲା ଆଶ୍ବସ୍ତି । ଭୁବନେଶ୍ବର ଓ କଟକରେ ଝଡ଼ପବନ ସହ ବର୍ଷା । ରାଜଧାନୀର…
ଫ୍ୟାନ୍ସ ପ୍ରାୟତଃ ବଲିଉଡ ଷ୍ଟାରମାନଙ୍କ ସହିତ ଫଟୋ ଉଠାଇବାକୁ ଏବଂ ଦେଖା କରିବାକୁ ଚାହଁଥାନ୍ତି । ତେବେ ଅନେକ ଥର…
ଭୁବନେଶ୍ୱର: ବଦଳିଲା ପାଣିପାଗର ମିଜାଜ। ରାଜଧାନୀର ବିଭିନ୍ନ ସ୍ଥାନରେ ପ୍ରବଳ ବର୍ଷା । ଭୁବନେଶ୍ୱରର ବିଭିନ୍ନ ସ୍ଥାନରେ ପ୍ରବଳ ବର୍ଷା…
ଭୁବନେଶ୍ୱର: ଓଡ଼ିଶାକୁ ମଦ ମୁକ୍ତ କରିବା ପାଇଁ ଯୋଜନା । ସାମାଜିକ ସୁରକ୍ଷା ଓ ଭିନ୍ନକ୍ଷମ ସଶକ୍ତୀକରଣ ମନ୍ତ୍ରୀଙ୍କ ବଡ଼…
ପ୍ରତି ବର୍ଷ ୩୦ ଲକ୍ଷ ଲୋକଙ୍କର ମଦ ପାଇଁ ଯାଉଛି ଜୀବନ । ବିଶ୍ୱ ସ୍ୱାସ୍ଥ୍ୟ ସଂଗଠନ ମଙ୍ଗଳବାର ଏହା…