ଭଞ୍ଜନଗର(କେନ୍ୟୁଜ): ଓଡ଼ିଶାର ଗଣ ପର୍ବ ରଜ । ଏଥିପାଇଁ ଉତ୍ସବ ମୁଖର ଗାଆଁଠୁ ସହର । ବସୁଧା, ପ୍ରକୃତି ମାତାଙ୍କୁ ପୂଜା କରିବାର ମହାର୍ଘ୍ୟ ପର୍ବ । ବିଶେଷ କରି ଏହା ହେଉଛି କୁଆଁରୀଙ୍କ ପର୍ବ। ସଜବାଜ ହୋଇ ସେମାନେ ରଜ ତିନି ଦିନ ମଉଜ କରିଥାନ୍ତି । ତେବେ ବିଭିନ୍ନ ସ୍ଥାନରେ ରଜରେ ଭିନ୍ନ ଭିନ୍ନ ପରମ୍ପରାକୁ ନେଇ ପାଳନ କରୁଥିବାର ଦେଖିବାକୁ ମିଳୁଛି । ଏମିତି ଏକ ନିଆରା ରଜ ପର୍ବ ପାଳନ କରାଯାଇଛି ଯେଉଁଠି ଦୋଳି ନାହିଁ ସତ କିନ୍ତୁ ରହିଛି ରଜ ପର୍ବର ଦୁଇ ଗୁଣା ଉତ୍ସାହ ।
ରଜପାନ, ପୋଡପିଠା ବଦଳରେ ସାମୁହିକ ଭୋଜି ଭାତର କରାଯାଇଛି ଆୟୋଜନ । ରଜ ଦୋଳି ଗୀତ ବଦଳରେ ନାମ ସଂକୀର୍ତ୍ତନ। ଏମିତି ଏକ ନିଆରା ଢଙ୍ଗରେ ରଜ ପର୍ବକୁ ଆଦିବାସୀ ସଂପ୍ରଦାୟର ପୁରୁଷ ଓ ମହିଳାମନେ ପାଳନ କରିଛନ୍ତି । ଓଡ଼ିଶାର ନୂଆ ମୁଖ୍ୟମନ୍ତ୍ରୀ ମୋହନ ମାଝିଙ୍କୁ ଅଭିନନ୍ଦନ ଜଣାଇ ଏଭଳି ନିଆରା ଢଙ୍ଗରେ ରଜ ଉତ୍ସବର ଆୟୋଜନ କରାଯାଇଥିବା ଦେଖିବାକୁ ମିଳିଛି ଗଞ୍ଜାମ ଜିଲ୍ଲା ଭଞ୍ଜନଗର ନିକଟ ବ୍ରହ୍ମଣପଦର ପଞ୍ଚାୟତର ବଣ ପାହାଡ ଘେରା ଭୁରୁଡୁପଲ୍ଲୀ ଗାଁରେ ।
ଗାଁର ଯେଉଁ ଆମ୍ବ ତାଟାରେ ପ୍ରତିଥର ଦୋଳି ବାନ୍ଧି ରଜ ଉତ୍ସବ ମନାଇଥାନ୍ତି, ଚଳିତ ଥର କିନ୍ତୁ ସେଠାରେ ବିନା ଦୋଳିରେ ସଭିଏଁ ଏକାଠି ହୋଇ ନୂଆ ମୁଖ୍ୟମନ୍ତ୍ରୀ ମୋହନ ମାଝିଙ୍କୁ ଅଭିନନ୍ଦନ ଜଣାଇ ଥିବା ଦେଖିବାକୁ ମିଳିଛି । ଯାହା ଏହି ଘୁମୁସର ସୁଧ ସୈାରା ସମାଜର ଏକ ନିଆରା ପରିକଳ୍ପନା । କେବଳ ସେତିକି ନୁହେଁ, ୩୦୦ ବର୍ଷ ପୂର୍ବର ଭଞ୍ଜ ବଂଶୀୟ ଶାସନ ସମୟରେ ଘୁମୁସରର ଐତିହ୍ୟ, ସ୍ଥାନ ଏବଂ ଆଦିବାସୀ ସଂଗ୍ରାମୀ ବୀର ଚକରା ବିଷୋୟୀଙ୍କ ସାଧନା ପୀଠ ଭଳି ସ୍ମାରକୀ ଏଠାରେ ରହିଛି । ଏଣୁ ନୂଆଁ ମୁଖ୍ୟମନ୍ତ୍ରୀଙ୍କୁ ଅଭିନନ୍ଦନ ଜଣାଇବା ସହ “ଆମ ଗାଁକୁ ମୁଖ୍ୟମନ୍ତ୍ରୀ ଥରେ ବୁଲିବାକୁ ଆସନ୍ତୁ” ବୋଲି ନିବେଦନ କରି ଏକାଠି ହୋଇଥିଲେ ଆଦିବାସୀମାନେ ।
ଯାଜପୁର ଟାଉନ : ରେସ୍ତୁରାଣ୍ଟରେ ଶିଶୁ ଶ୍ରମିକ କାମ କରୁଥିବା ଖବର ପାଇ ଚଢ଼ାଉ କରିବାକୁ ଯାଇଥିବା ଚାଇଲ୍ଡ ଲାଇନ…
ଭୁବନେଶ୍ବର : ଆସନ୍ତାକାଲି ବିଜେଡିର ରାଜ୍ୟସଭା ସାଂସଦଙ୍କ ସହ ଆଲୋଚନା କରିବେ ସୁପ୍ରିମୋ ନବୀନ ପଟ୍ଟନାୟକ । ନବୀନ ନିବାସରେ…
ମୟୁରଭଞ୍ଜ : ତୁଟିଲା ବିବାଦ । ମୟୁରଭଞ୍ଜ ଜିଲ୍ଲାରେ ସ୍ବାଭାବିକ ହେଲା ବସ୍ ଚଳା ଚଳ । ୩ ଦିନ…
କେନ୍ଦୁଝର : ଘଟଗାଁ ତାରିଣୀ ପୀଠର ବିକାଶ ପାଇଁ ଆଉ ୫୦ କୋଟିର ଅନୁଦାନ। କେନ୍ଦୁଝର ଜିଲ୍ଲାକୁ ଦୁଇ ଦିନିଆ…
ବାଲେଶ୍ବର: ଆଶା କରିଥିଲୁ ବୁଢ଼ା କାଳେ ଆମ ପୁଅ ଆମ ସାହାରା ପାଲଟିବ । ଆମେ ଜମି ବାଡ଼ି ବିକ୍ରି…
ସୋର(କେନ୍ୟୁଜ୍): ଜହ୍ଲାଦ ପୁଅ । ସବୁ ସୀମା ପାର୍ କଲା । ମଦ ନିଶାରେ ଭୁଲିଗଲା ରକ୍ତ ସମ୍ପର୍କ ।…