ଷ୍ଟ୍ରିଟ ଲାଇଟ ତଳେ ପାଠ ପଢ଼ୁଥିବା ୧୨ ବର୍ଷ ପିଲାର ଭିଡିଓ ଯେବେ ଫେସ୍ବୁକରେ ଭାଇରଲ ହେଲା ପରଦିନ ତା ଘରେ ପହଁଚି ଗଲେ ମେୟର। ଭିଡିଓଟି ଥିଲା ପେରୁ ମୋଚେ ଅଞ୍ଚଳର । ପୋଲିସ ବିଭିନ୍ନ ଜାଗାରେ ଲାଗିଥିବା ସିସିଟିଭି ଫୁଟେଜକୁ ସୁରକ୍ଷା ଦୃଷ୍ଟିରୁ ଯାଞ୍ଚ କରୁଥିଲା ବେଳେ ପ୍ରଥମେ କିଛି ଅପରାଧିକ ଘଟଣା ଭାବି ସନ୍ଦେହ କଲା । ପୁଣି ଜୁମ୍ କରି ନିକଟରୁ ଭଲ ଭାବେ ଦେଖିଲା ପରେ ସେମାନେ ଆଶ୍ଚର୍ଯ୍ୟ ହୋଇଗଲେ । ଷ୍ଟ୍ରିଟ୍ ଲାଇଟ୍ ତଳେ ପିଲାଟି ହୋମ୍ଓ୍ଵାର୍କ କରୁଥିଲା ।
ପାଠ ପଢ଼ାକୁ ନେଇ ପିଲାର ନିଷ୍ଠା ପୋଲିସ୍ ଅଫିସରଙ୍କ ମନକୁ ଛୁଇଁଗଲା। ସଂଗେ ସଂଗେ ପୋଲିସ୍ ତାର ଅଫିସିଆଲ ଫେସବୁକର ସାଇଟରେ ଭିଡିଓଟିକୁ ସେୟାର କରିଦେଲେ । ଭିଡିଓକୁ ଦେଖିବା ମାତ୍ରେ ଘରେ ପହଞ୍ଚି ଗଲେ ମେୟର । ଅତି ଦରିଦ୍ର ପରିବାର ଥିଲା । ଘରେ ବିଜୁଳି ମଧ୍ୟ ନଥିଲା । ତେଣୁ ତୁରନ୍ତ ବିଦ୍ୟୁତ୍ ସଂଯୋଗ କରିବାକୁ ଭରସା ଦେଲେ ମେୟର ।
ସେହିଭଳି ଖବର ପାଇବା ପରେ ଗଣମାଧ୍ୟମ ପହଞ୍ଚି ଯାଇଥିଲା ପିଲାଟିର ଘରେ । ଆଉ ତା ବିଷୟରେ ଓ ତା ଘରର ପରିସ୍ଥିତି ସମ୍ପର୍କରେ ପ୍ରଚାର ହୋଇଗଲା । ଏହି ୧୨ ବର୍ଷର ପିଲାଟି ନାଁ ହେଉଛି ଭିକ୍ଟର ମାର୍ଟିନ୍ ଏଙ୍ଗଲ୍ୟୁ । ତା ମା କହିଛନ୍ତି ଯେ ଦିନରେ ସେ ପାଠ ପଢ଼ା କରି ଦିଏ । ହେଲେ ସେଦିନ କରି ନପାରିବାରୁ ଷ୍ଟ୍ରିଟ୍ ଲାଇଟ୍ ତଳେ ପଢ଼ା ଶେଷ କରୁଥିଲା ।
ଭିକ୍ଟର୍ର ଭିଡିଓ ସାରା ବିଶ୍ୱରେ ପ୍ରସାରିତ ହୋଇଗଲା । ୫୦ ଲକ୍ଷରୁ ଅଧିକ ଲୋକ ସୋସିଆଲ ମିଡିଆରେ ଦେଖି ସାରିଲେଣି । ଭିକ୍ଟର କହିଛି, ମେୟର ତାଙ୍କ ପ୍ରତିଶ୍ରୁତି ରଖିଲେ ମୁଁ ଖୁସି ହେବି । କାରଣ ମୁଁ ଘର ଭିତରେ ବସି ପାଠ ପଢ଼ି ପାରିବି । ସେ ଆହୁରି କହିଛି ଯେ ଘରେ ଯେଭଳି ଆର୍ଥିକ ଅବସ୍ଥାରେ ଉନ୍ନତି ଆସିବ ସେଥିଲାଗି ମୁଁ ନିଜକୁ ସମର୍ଥ କରିବାକୁ ଚାହୁଁଛି । ମୋର ପୋଲିସ ଚାକିରି କରିବାକୁ ଇଚ୍ଛା । ଯାହା ଦ୍ୱାରା ମୁଁ ଦୁର୍ନୀତିକୁ ଦୂର କରି ପାରିବି ।
ଆନନ୍ଦପୁର(କେନ୍ୟୁଜ୍): ଅସହ୍ୟ କଲା ଗରମ ଗୁଳୁଗୁଳି । ପୋଖରୀକୁ ଗାଧୋଇବାକୁ ଯାଇଥିଲେ ବୃଦ୍ଧ । ଗୋଡ଼ ଖସିଗଲା ପାଣିରେ ବୁଡି…
ସାଧାରଣତ ଯେତେବେଳେ ପିଲାମାନେ ବିଦ୍ୟାଳୟକୁ ଯାଆନ୍ତି, ଲୋକମାନେ ସେମାନଙ୍କର ସୁରକ୍ଷା ପାଇଁ ଚିନ୍ତିତ ହୁଅନ୍ତି । ଆମେ ସେମାନଙ୍କୁ ଏକୁଟିଆ…
ଡହ ଡହ ଖରାରେ ଜଳୁଛି ସାରା ଦେଶ । ଗୁଳୁଗୁଳି ସାଙ୍ଗକୁ ଅସହ୍ୟ ତାତି । କିନ୍ତୁ ଏହାରି ଭିତରେ…
(କେନ୍ୟୁଜ) : ଉଠିଲା ପରଦା । ହଟିଲା ସସପେନସ । ସାମ୍ନାକୁ ଆସିଲା ଓଡିଶାର ନୂଆ ମୁଖ୍ୟମନ୍ତ୍ରୀଙ୍କ ନାଁ ।…
କେନ୍ୟୁଜ (ବ୍ୟୁରୋ) : ବହୁ ପ୍ରତୀକ୍ଷାର ଅନ୍ତ ଘଟିଛି । ଆଜି ଭାରତୀୟ ଜନତା ପାର୍ଟି (ବିଜେପି) ମୁଖ୍ୟମନ୍ତ୍ରୀଙ୍କ ନାମ…
ବାସୁଦେବପୁର (କେନ୍ୟୁଜ) : ଭାଇ ବୋହୂକୁ ମାରିଲା ଦେଢ଼ଶୁର..ଅଛୁଆଁ ଭାଇ ବୋହୁକୁ ମାରିଦେଲା ରାକ୍ଷସ ଦେଢ଼ଶୁର…ଭୁଲିଗଲା ସମ୍ପର୍କ, ଆଉ କରିବସିଲା…