ହିମାଚଳ ପ୍ରଦେଶର ହମିରପୁର ନିବାସୀ ଡାକ୍ତର ଗୌରବ ଶର୍ମାଙ୍କ କାହାଣୀ ସମସ୍ତଙ୍କ ପାଇଁ ଏକ ଉଦାହରଣ। ସେ ନ୍ୟୁଜିଲାଣ୍ଡରେ ନିଜ ଦେଶର ନାଁ ଉଜ୍ଜ୍ୱଳ କରିଛନ୍ତି। ଗୌରବ ସେଠାକାର ସଂସଦରେ ପହଞ୍ଚିଛନ୍ତି। ତାଙ୍କୁ ଲେବର ପାର୍ଟିର ଟିକେଟ ମିଳିବା ପରେ ସେ Hamildon Westରୁ ସାଂସଦ ରୂପେ ବଛା ହୋଇଛନ୍ତି।
ଘଟଣାଟି ପାଖାପାଖି ୨୦ ବର୍ଷ ତଳର, ଯେତେବେଳେ ଗୌରବ ହମିରପୁରରୁ ନ୍ୟୁଜିଲାଣ୍ଡ ଯାଇଥିଲେ। ସେଠାରେ ସେ ମେଡିସିନ ଏବଂ ସର୍ଜରୀରେ ବ୍ୟାଚେଲର ଡିଗ୍ରୀ ହାସଲ କରିଛନ୍ତି। ସେ ହାମିଲଟନର ନଟାନରେ ପ୍ରାକ୍ଟିସ କରୁଛନ୍ତି। ତେବେ ଗୌରବଙ୍କୁ ୧୫,୮୭୩ ମତ ମିଳିଥିବା ବେଳେ ତାଙ୍କ ପ୍ରତିଦ୍ୱନ୍ଦୀଙ୍କୁ ପ୍ରାପ୍ତ ହୋଇଛି ୧୧,୪୮୭ ମତ।
ବାସ୍ତବରେ, ଗୌରବଙ୍କ ବାପା ସରକାରୀ ଚାକିରି ଛାଡ଼ି ନ୍ୟୁଜିଲାଣ୍ଡ ସିଫ୍ଟ ହୋଇଯାଇଥିଲେ। ଲେବର ପାର୍ଟିର ବୟାନ ମୁତାବକ, ଗୌରବଙ୍କ ବାପା ଏଠାରେ ବହୁତ ପରିଶ୍ରମ କରୁଥିଲେ। ନିଜ ଅନୁଭବୀ କ୍ଷେତ୍ରରେ କାମ ପାଇବା ପାଇଁ ତାଙ୍କୁ ୬ ବର୍ଷ ଲାଗିଯାଇଥିଲା। ପରିବାର ଏହି ସମୟରେ ଆର୍ଥିକ ସଙ୍କଟ ଦେଇ ଗତି କରୁଥିଲେ। ସେ ଅନେକ ସମୟରେ ପାର୍କ ବେଞ୍ଚରେ ଶୋଉଥିଲେ ଏବଂ ଅକଲାଣ୍ଡ ସିଟି ମିଶନ ଏବଂ ହରେ କୃଷ୍ଣ ଭଳି ଜାଗାରେ ଖାଦ୍ୟ ଖାଉଥିଲେ।
ଯେତେବେଳେ ଗୌରବଙ୍କ ପରିବାର ନ୍ୟୁଜିଲାଣ୍ଡ ଚାଲିଯାଇଥିଲା, ସେତେବେଳେ ସେ ନବମ ଶ୍ରେଣୀରେ ପାଠ ପଢୁଥିଲେ। ସେଠାରେ ପହଞ୍ଚିବା ପରେ ନୂଆ ମାହୋଲରେ ଖାପ ଖୁଆଇବା ପାଇଁ ଗୌରବ ବହୁ ପରିଶ୍ରମ କରିଥିଲେ।
ତେବେ ଏଥର ନ୍ୟୁଜିଲାଣ୍ଡର ପ୍ରଧାନମନ୍ତ୍ରୀ ଜେସିଣ୍ଡା ଆର୍ଡରନ ବହୁ ଜନମତ ସହ ନିର୍ବାଚନ ଜିତିଛନ୍ତି। ପ୍ରଥମେ ଏହି ନିର୍ବାଚନ ୧୯ ସେପ୍ଟେମ୍ବରରେ ହେବାକୁ ଥିଲା, କିନ୍ତୁ କୋଭିଡ-୧୯ର ଦ୍ଵିତୀୟ ପ୍ରବାହ ଯୋଗୁ ଏହାକୁ ସ୍ଥଗିତ କରିଦିଆଯାଇଥିଲା। ପ୍ରଥମ ଥର ପାଇଁ ଏମିତି ବିଜୟ କୌଣସି ପାର୍ଟିକୁ ମିଳିଛି। ଏହାସହିତ ଜେସିଣ୍ଡା ପୁଣିଥରେ ଦେଶର ମଙ୍ଗ ଧରିବାକୁ ପ୍ରସ୍ତୁତ ହୋଇଛନ୍ତି।
ମେଷ : ବ୍ୟବସାୟ ତଥା ଅନ୍ୟ କ୍ଷେତ୍ରରେ ଆଜିର ଦିନ ଆପଣ ପାଇଁ ଲାଭପ୍ରଦ ଅଟେ । ଘର ତଥା…
ଭୁବନେଶ୍ଵର(କେନ୍ୟୁଜ୍): ସମୟ ଥିଲା ଅପରାହ୍ନ । ଅନେକ ବ୍ୟକ୍ତି, ସଂଗଠନ, ସାଧାରଣ ଲୋକ ଆସି ରାଜ୍ୟ ଅତିଥି ଭବନର ଅସ୍ଥାୟୀ…
ଭୁବନେଶ୍ୱର: ଟାଇଁ ଟାଇଁ ମୁଣ୍ଡଫଟା ଖରା । ଚାଲିକି କି ସାଇକେଲରେ ଯିବା ଲୋକ ଖୋଜୁଛି ଗଛ ଛାଇ ଟିକେ…
ଗଞ୍ଜାମ(କେନ୍ୟୁଜ୍): କାର ସହ ମୋଟର ସାଇକେଲ ମୁହାଁମୁହିଁ ଧକ୍କା। ୨ ବାଇକ ଆରୋହୀ ମୃତ । ଗଞ୍ଜାମ ଜିଲ୍ଲା ଖଲ୍ଲିକୋଟ…
ଭୁବନେଶ୍ୱର(କେନ୍ୟୁଜ୍): ନିଷ୍କ୍ରିୟ ରହିଛି ଦକ୍ଷିଣ ପଶ୍ଚିମ ମୌସୁମୀ ବାୟୁ । ଦକ୍ଷିଣ ଓଡିଶାରେ ପ୍ରବେଶ କରିବା ପରେ ଆଉ ଆଗକୁ…
ଭୁବନେଶ୍ୱର(କେନ୍ୟୁଜ୍): ଆସନ୍ତାକାଲି ପାଳିତ ହେବ ଆର୍ଟ ଅଫ୍ ଗିଭିଂ ଦିବସ । ଅନ୍ୟକୁ ସାହାଯ୍ୟ ଏବଂ ଦାୟିତ୍ବ ସମ୍ପନ୍ନ ଭାବେ…