ନା ତା’ର ଟିକିରୀ, ଛୋଟ ବେଳରୁ ମାଲିକ ପାଖରେ କାମ କରିଆସିଛି। ଏବେ ତାର ବୟସ ୭୦ ଛୁଇଁଲାଣି, ତଥାପି ମାଲିକ ତାକୁ କାମରେ ଲଗାଉଛି। ଟିକିରୀର ଦେହରେ କେବଳ ହାଡ ଛଡା ମାଂସ ମଧ୍ୟ ନାହିଁ। ପାଟି ଖୋଲିବାର କ୍ଷମତା ନାହିଁ ବୋଲି ଏହି ନିର୍ଦ୍ଦୟ ମଣିଷ ପ୍ରତିଦିନ କାମରେ ଲଗାଉଛି ଟିକିରୀକୁ। ଟିକିରୀ ଏବେ ଠିକ୍ ଭାବେ ଠିଆ ହେବାକୁ ମଧ୍ୟ ଅସମର୍ଥ। ଟିକିରୀର ଏତେ ଖରାପ ଅବସ୍ଥା ଥିବା ସତେ୍ତ୍ୱ ପ୍ରତିବର୍ଷ ଶ୍ରୀଲଙ୍କାରେ ହେଉଥିବା ପେରାହେରା ମହୋତ୍ସବରେ ଭାଗ ନେବା ପାଇଁ ଟିକିରୀକୁ ବାଧ୍ୟ କରାଯାଏ। କେବଳ ଏତିକି ନୁହେଁ ଟିକିରୀରୁ ଧୂଆଁ ଏବଂ ଅଧିକ ଗହିଳି ସ୍ଥାନରେ ମଧ୍ୟ ରାତିରେ କାମ କରିବା ପାଇଁ ବାଧ୍ୟ କରାଯାଇଥାଏ। ତା’ର ଅବସ୍ଥାକୁ ଲୁଚାଇବାକୁ ଯାଇ ଟିକିରୀ ଉପରେ ଅଧିକ ଓଜନ ଚକମକିଆ ଚାଦର ବିଛାଯାଇଥାଏ।
ଏଠାରେ ଆମେ କୌଣସି ମଣିଷ କଥା କହୁନାହୁଁ। ଯାହା ବିଷୟରେ କହୁଛୁ, ତା’ର ପାଟି ଖୋଲି କହିବାର ସାମର୍ଥ୍ୟ ନାହିଁ। ଯେତେ କଷ୍ଟ ହେଲେ ମଧ୍ୟ ସେ ସବୁ ସହି ମାଲିକର ସବୁ କାମ କରିବାକୁ ପଛାଉନାହିଁ। ବୟସର ଶେଷ ଅବସ୍ଥାରେ ମଧ୍ୟ ନିର୍ଦ୍ଦୟ ମାଲିକ ତାକୁ ବିଭିନ୍ନ କାମ କରିବାକୁ ବାଧ୍ୟ କରୁଛି। ଏବେ କେବଳ ଟିକିରୀ ମୃତ୍ୟୁ ଅପେକ୍ଷାରେ ରହିଛି ।
ହାତୀ ! ନାମ ଶୁଣିଲେ ଆମମାନଙ୍କ ମନରେ ଏକ ବିଶାଳକାୟ ଜୀବର ପ୍ରତିଛବି ଆସିଥାଏ। ଏହି ବିଶାଳକାୟ ଜୀବକୁ ଦେଖିବାକୁ ପ୍ରାୟତଃ ଛୋଟ ଠାରୁ ଆରମ୍ଭ କରି ବଡ ପର୍ଯ୍ୟନ୍ତ ସବୁ ପ୍ରିୟ। କିନ୍ତୁ ସୋସିଆଲ ମିଡିଆରେ ଏପରି ଏକ ହାତୀର ଫଟୋ ଭାଇରାଲ ହୋଇଛି ଯାହା ଆପଣ ମଧ୍ୟ ଦେଖିଲେ ବିଚଳିତ ହୋଇପଡିବେ। ଏପରି ଏକ ଘଟଣା ଶ୍ରୀଲଙ୍କାରେ ଦେଖିବାକୁ ମିଳିଛି।
୧୨ ଅଗଷ୍ଟରେ ବିଶ୍ୱ ହସ୍ତୀ ଦିବସ ପାଳନ କରାଯାଏ। ଏହି ଅବସରରେ ସୋସିଆଲ ମିଡିଆରେ ଟିକିରୀର ଏକ ଫଟୋ ଭାଇରାଲ ହୋଇଥିଲା। ଟିକିରୀକୁ ବଞ୍ଚାଇବା ପାଇଁ ଲୋକେ ଶ୍ରୀଳଙ୍କା ସରକାରଙ୍କୁ ନିବେଦନ କରିଥିଲେ। ଟିକିରୀର ଯେଉଁ ଫଟୋ ଭାଇରାଲ ହୋଇଛି, ସେଥିରେ ସେ ବହୁତ ଦୁର୍ବଳ ଦେଖାଯାଉଛି। ସଠିକ ଭାବେ ଠିଆ ହେବାକୁ ମଧ୍ୟ ତାର କ୍ଷମତା ନାହିଁ। ଟିକିରୀ ଫଟୋ ଭାଇରାଲ ହେବା ପରେ ମାଲିକ ଏବଂ ପରେଡର ଆୟୋଜକ ଆଲୋଚନା କରୁଛନ୍ତି। ପର୍ୟ୍ୟଟନ ଏବଂ ବନ୍ୟଜୀବ ମନ୍ତ୍ରୀ ଜନ ଅମରାତୁଙ୍ଗା ମଧ୍ୟ ଏହା ବିରୋଧୟରେ କାର୍ଯ୍ୟାନୁଷ୍ଠାନ ନେବାକୁ ନିର୍ଦ୍ଦେଶ ଦେଇଛନ୍ତି।
କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ତଥା ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡାଙ୍କୁ ଦଳ ବଡ଼ ଦାୟିତ୍ୱ ହସ୍ତାନ୍ତର କରିଛି । ତାଙ୍କୁ…
ଲମତାପୁଟ : କେକରେ ଲେଖା ହୋଇଛି ରବି ଆଣ୍ଡ୍ ମଞ୍ଜୁ । ଆଉ ପାଖରେ ଫୁଲ ମାଳ ପିନ୍ଧି ଛିଡା…
ଲକ୍ଷ୍ମୀପୁର : ଏବେ ମୃତ୍ୟୁର ତାଣ୍ଡବ ଖେଳି ଚାଲିଛି ଡିଫଥେରିଆ । ଏହି ରୋଗ ଜଣକ ପରେ ଜଣକୁ ନିଜ…
ଜଳେଶ୍ବର : ବାଲେଶ୍ବର ଜିଲ୍ଲା ବସ୍ତା ଥାନା ଅନ୍ତର୍ଗତ ଦକ୍ଷିଣ ପୂର୍ବ ରେଳପଥର ନୂଆଗାଁ ରୋଡ଼ ରେଳଷ୍ଟେସନ ମଧ୍ୟ ସ୍ଥଳ…
କଟକ(କେନ୍ୟୁଜ୍): ରଥଯାତ୍ରା ପାଇଁ ଚଳଚଞ୍ଚଳ ଶ୍ରୀକ୍ଷେତ୍ର । ସବୁଠି ଶଂଙ୍ଖ ଘଣ୍ଟ ହୁଳୁହୁଳି ଶଦ୍ଦରେ ପୂରି ଉଠୁଛି ପୂରା ପରିବେଶ…
ସୋନାକ୍ଷୀ ସିହ୍ନା ଏବଂ ଜାହିର ଇକବାଲ ବିବାହ ବନ୍ଧନରେ ବାନ୍ଧି ହୋଇଛନ୍ତି । ଜୁନ୍ ୨୩ ରେ ଜହିର ଇକବାଲଙ୍କ…