ଦୀର୍ଘ ଶହେ ଘଣ୍ଟାରୁ ଅଧିକ ସମୟ ଧରି ଲାଗି ରହିଥିବା ଆଶା ଆଶଙ୍କାର ଘଟିଲା ଅବସାନ। ପାଞ୍ଚ ଦିନ ପରେ ମାଓବାଦୀଙ୍କ ଜାଲରୁ ମୁକ୍ତ ହେଲେ ସିଆରପିଏଫ କୋବ୍ରା କମାଣ୍ଡୋ ରାକେଶ୍ୱର ମନହାସା। ଗୁରୁବାର ଅପରାହ୍ନରେ ମାଓବାଦୀଙ୍କ କବଳରୁ ମୁକୁଳିବା ପରେ ରାକେଶ୍ଵରଙ୍କୁ ବିଜାପୁର ସିଆରପିଏଫ କ୍ୟାମ୍ପ ଅଣାଯାଇଛି। ସେଠାରେ ତାଙ୍କର ସ୍ଵାସ୍ଥ୍ୟ ପରୀକ୍ଷା କରାଯାଇଛି। ତେବେ ଏହାରି ଭିତରେ ସେ ବଖାଣିଛନ୍ତି ମାଓବାଦୀଙ୍କ ସହିତ ବିତାଇଥିବା ସେହି ୬ ଦିନର କାହାଣୀ ବିଷୟରେ। କଣ ହୋଇଥିଲା ସେଦିନ କେମିତି ମାଓବାଦୀଙ୍କ ହାତରେ ଲାଗିଲେ ଏବଂ କେମିତି ରହୁଥିଲେ ସବୁ କିଛିକୁ ବଖାଣିଛନ୍ତି ରାକେଶ୍ୱର।
ଶନିବାର ଛତିଶଗଡର ବିଜାପୁରରେ ପୋଲିସ-ମାଓବାଦୀ ଗୁଳି ବିନିମୟ ଘଟଣାରେ ମନହାସଙ୍କୁ ଅପହରଣ କରି ନେଇ ଯାଇଥିଲେ ମାଓବାଦୀ। ମାଓ କବ୍ଜାରୁ ମୁକୁଳିବା ପରେ ନିଜ ଅପହରଣ ବିଷୟରେ ମୁହଁ ଖୋଲିଛନ୍ତି କୋବ୍ରା ଯବାନ ରାକେଶ୍ଵର ସିଂହ ମନହାସ୍। ସେ କହିଛନ୍ତି ଯେ, ୩ ତାରିଖ ଦିନ ଏନକାଉଣ୍ଟର ବେଳେ ସେ ବେହୋସ୍ ହୋଇଯାଇଥିଲେ। ୪ ତାରିଖ ଦିନ ହୋସ୍ ଆସିବା ପରେ ଚାଲି ଚାଲି ଜଙ୍ଗଲରେ ଆସୁଥିଲେ। ଏହି ସମୟରେ ମାଓବାଦୀଙ୍କ ହାତରେ ପଡିଥିଲେ ଏବଂ ସେମାନେ ତାଙ୍କୁ ଧରି ନେଇଥିଲେ। ଆଖିରେ ପଟି ବାନ୍ଧି ତାଙ୍କୁ ଉଠାଇ ନେଇଥିଲେ। ବନ୍ଧକ ସମୟରେ ତାଙ୍କୁ ଠିକ୍ ସମୟରେ ଖାଇବାକୁ ଦେଉଥିଲେ ଏବଂ କିଛି ମାରଧର କରିନଥିବା କହିଛନ୍ତି ରାକେଶ୍ଵର।
୨୧୦ତମ କମାଣ୍ଡୋ ବାଟାଲିୟନ ଫର ରିଜଲ୍ୟୁଟ୍ ଆକ୍ସନ (କୋବ୍ରା)ର କନଷ୍ଟେବଳ ରାକେଶ୍ଵର ସିଂହ ମନହାସଙ୍କ ମୁକ୍ତି ପାଇଁ ଛତିଶଗଡ ସରକାରଙ୍କ ଦ୍ଵାରା ଦୁଇ ପ୍ରମୁଖ ବ୍ୟକ୍ତିଙ୍କୁ ମାଓବାଦୀଙ୍କ ସହ ଆଲୋଚନା ଦାୟିତ୍ଵ ଦିଆଯାଇଥିଲା। ରାଜ୍ୟ ସରକାରଙ୍କ ଦ୍ଵାରା ନାମିତ ଦୁଇ ସଦସ୍ୟ ଦଳରେ ଜଣେ ସଦସ୍ୟ ଜନଜାତୀୟ ସମୁଦାୟର ଥିବା ବେଳେ ଅନ୍ୟ ଜଣେ ପଦ୍ମଶ୍ରୀରେ ସମ୍ମାନିତ ବ୍ୟକ୍ତି ଥିଲେ।
ଜାମ୍ମୁରେ ରାକେଶ୍ଵର ସିଂହ ମନହାସ୍ଙ୍କ ଘରେ ଉତ୍ସବର ମାହୋଲ ରହିଛି। ନିଜ ଜୀବନରେ ଆଜି ସବୁଠୁ ଖୁସିର ଦିନ ବୋଲି କହିଛନ୍ତି ଯବାନଙ୍କ ପତ୍ନୀ। ତାଙ୍କୁ ପୂର୍ଣ୍ଣ ବିଶ୍ଵାସ ଥିଲା ଯେ, ସ୍ଵାମୀ ସକୁଶଳ ଘରକୁ ଫେରିବେ ବୋଲି ମିନୁ କହିଛନ୍ତି। ରାକେଶ୍ଵର ସିଂହଙ୍କ ମୁକ୍ତ ପରେ ତାଙ୍କ ପରିବାରରେ ସମେତ ଚାରିଆଡେ ଖୁସିର ଲହରି ଖେଳି ଯାଇଛି।
ମେଷ: ଶୁଭ ସମାଚାର ମିଳିପାରେ । ଛାତ୍ରଛାତ୍ରୀମାନେ ପଢାପଢିରେ ପରିବର୍ତ୍ତନ ଆଣିବେ । ଅଫିସ୍ କାର୍ଯ୍ୟରେ ବିଳମ୍ବ ହେବ ।…
ବ୍ରହ୍ମପୁର : ଦିଗପହଣ୍ଡି ଥାନା ଭୀଷ୍ମଗିରୀରେ ନାବାଳିକା ବଧୂ ହତ୍ୟା ମାମଲାରେ ପାଞ୍ଚ ଜଣଙ୍କୁ ଗିରଫ କଲା ପୋଲିସ ।…
ରୋଗୀଙ୍କୁ ଉତ୍ତମ ବ୍ୟବହାର ସହ ମାନବିକାତ ଦେଖାଅ। ମୁନ୍ନା ଭାଇ ଏମବିବିଏସ ସିନେମାର ଉପାଖ୍ୟାନ କହି, ଡାକ୍ତରମାନଙ୍କୁ ଏହି ଉପଦେଶ…
ଭୁବନେଶ୍ୱର: ରାଜ୍ୟରେ ନୂଆ ମୁଖ୍ୟ ସଚିବ ହେବେ କି ମନୋଜ ଆହୁଜା? ଏହାକୁ ନେଇ ଜୋର ଧରିଛି ଚର୍ଚ୍ଚା ।…
ଭଦ୍ରକ (କେନ୍ୟୁଜ୍) : ଭଦ୍ରକରେ ଜିଲ୍ଲା ସ୍ତରୀୟ ଆର୍ଟ ଅଫ ଗିଭିଂ ଦିବସ ସମାରୋହରେ ପାଳିତ ହୋଇଯାଇଛି । ଜିଲ୍ଲା…
ମାତୃତ୍ୱ ଛୁଟି ଉପରେ ସରକାରଙ୍କର ବଡ଼ ନିଷ୍ପତ୍ତି । ସରୋଗେସି ମାଧ୍ୟମରେ ମାଆ ହେବାକୁ ଥିବା ମହିଳାମାନଙ୍କ ପାଇଁ ଖୁସି…