କଟକ(କେନ୍ୟୁଜ): ବ୍ୟାଣ୍ଡ, ବାଜା ସହ ହେଲା ଶୋଭାଯାତ୍ରା । ଦୁଇ ପଟେ ଛାତ୍ରଛାତ୍ରୀ ମଝିରେ ଶିକ୍ଷକ। ପଛରେ ଥିଲେ ଅନ୍ୟାନ୍ୟ ଶିକ୍ଷକ ଶିକ୍ଷୟତ୍ରୀ ତଥା ଅନୁଷ୍ଠାନର କର୍ମଚାରୀମାନେ । ଦୃଶ୍ୟ ଯେତିକି ସୁନ୍ଦର ଥିଲା ସେହି ପରିମାଣରେ ଭାବ ପୂର୍ଣ୍ଣ ମଧ୍ୟ ଥିଲା । ମନ ଭିତରେ ଥିବା କୋହ ସ୍ପଷ୍ଟ ବାରି ହୋଇ ପଡୁଥିଲା ଶହ ଶହ ପିଲାଙ୍କ ଆଖିରେ । ଏହି ଅବସର ଥିଲା ଜଣେ ଶିକ୍ଷକଙ୍କର ବିଦାୟକାଳୀନ ସମ୍ବର୍ଦ୍ଧନା କାର୍ଯ୍ୟକ୍ରମର ।
ଦୀର୍ଘ ୩୫ ବର୍ଷ ଧରି ଶିକ୍ଷକତା କରିବା ପରେ ସେକେଣ୍ଡାରୀ ବୋର୍ଡ଼ ହାଇସ୍କୁଲ ବିଦ୍ୟାଳୟର ବରିଷ୍ଠ ଶିକ୍ଷକ ଶ୍ରୀଯୁକ୍ତ ନାରାୟଣ ସାହୁ ଗତ ମାସରେ ନେଇଛନ୍ତି ଅବସର । ତାଙ୍କରି ଉଦ୍ଦେଶ୍ୟରେ ଆୟୋଜିତ ଅବସରଜନିତ ବିଦାୟକାଳୀନ ସମ୍ବର୍ଦ୍ଧନା ଶୋଭାଯାତ୍ରାର ଥିଲା ଏଭଳି ଦୃଶ୍ୟ । ସାଙ୍ଗରେ ଅଛନ୍ତି ତାଙ୍କ ପତ୍ନୀ । ଉଭୟଙ୍କ ଆଖି ଛଳଛଳ । ଶ୍ରୀଯୁକ୍ତ ନାରାୟଣ ସାହୁ ୧୯୮୯ ମସିହା ଅକ୍ଟୋବର ମାସ ୧୮ ତାରିଖରେ ସେକେଣ୍ଡାରୀ ବୋର୍ଡ଼ ହାଇସ୍କୁଲରେ ଜଣେ ବିଜ୍ଞାନ ଶିକ୍ଷକ ଭାବେ ଯୋଗଦାନ କରିଥିଲେ । ଦୀର୍ଘ ୩୫ବର୍ଷ କାଳ ବୋର୍ଡ଼ ହାଇସ୍କୁଲର ଶୈକ୍ଷିକ ବାତାବରଣକୁ ଋଦ୍ଧିମନ୍ତ କରିବାରେ ତାଙ୍କର ଥିଲା ଏକ ଭିନ୍ନ ଭୂମିକା । ତାଙ୍କ ଜୀବନବ୍ୟାପୀ ଶିକ୍ଷା ସାଧନାର ପଟାନ୍ତର ନାହିଁ ।
ନାରାୟଣ ସାରଙ୍କ ବିଦାୟକାଳୀନ ଉତ୍ସବକୁ ସ୍ମରଣୀୟ କରିବା ପାଇଁ ଏହିପରି କିଛି ଯୋଜନା କରିଥିଲେ ଛାତ୍ରଛାତ୍ରୀ । ସମ୍ବର୍ଦ୍ଧନା ସଭା ପରେ ବିଦ୍ୟାଳୟ ଠାରୁ ବୋର୍ଡ଼ ଅଫିସ୍ ମୁଖ୍ୟ ଫାଟକ ପର୍ଯ୍ୟନ୍ତ ଫୁଲ ମାଳ ପକାଇ, ବାଜା ବଜାଇ ପ୍ରିୟ ସାରଙ୍କୁ ବାଟେଇ ଦେଇ ଆସିଥିଲେ ଛାତ୍ରଛାତ୍ରୀ ତଥା ଶିକ୍ଷକ ଶିକ୍ଷୟତ୍ରୀ । ସାର ଗାଡ଼ିରେ ବସିବା ପର୍ଯ୍ୟନ୍ତ ଚାହିଁ ରହିଥିଲେ ପିଲାମାନେ।
ଭାବ,ଭକ୍ତି, ବନ୍ଧନ, ସମ୍ମାନବୋଧ, ଭଲ ପାଇବାର ଏକ ଚମତ୍କାର ମିଶ୍ରଣ ସୃଷ୍ଟି କରିଥିଲା ଏହି ପରିବେଶ । ନା ସାରଙ୍କର ବିଦ୍ୟାଳୟ ଛାଡି ଯିବାକୁ ଇଚ୍ଛା ଥିଲା ନା ସାରଙ୍କୁ ଛାଡି ବାକୁ ପିଲେ ଇଛୁକ ଥିଲେ । କିନ୍ତୁ ବିଧି ବ୍ୟବସ୍ଥା ଭିତରେ ସମସ୍ତେ ନିଜ ନିଜ କର୍ତ୍ତବ୍ୟ କରିବାକୁ ଭୁଲି ନ ଥିଲେ ।
ମେଷ: ଆଜିର ଦିନ ଭଲରେ କଟିବ । ଉତ୍ତମ ସ୍ୱାସ୍ଥ୍ୟ ପାଇଁ ବ୍ୟାୟାମ ଜାରି ରଖନ୍ତୁ । କୌଣସି ନୂଆ…
ଭୁବନେଶ୍ୱର : ଭାରତୀୟ ହକି ଟିମର ପ୍ରାୟୋଜକ ଆଉ ୩ ବର୍ଷ ବୃଦ୍ଧି କରାଯିବ। ହକି ଇଣ୍ଡିଆ ସହ ଆଲୋଚନା…
ବାଲେଶ୍ଵର : ବାଲେଶ୍ଵର ଜିଲ୍ଲାପାଳଙ୍କ ସାମ୍ବାଦିକ ସମ୍ମିଳନୀ । ବାଲେଶ୍ବର ସହରରେ କର୍ଫ୍ୟୁ ପରିସ୍ଥିତି ଉପରେ ସାମ୍ବାଦିକ ସମ୍ମିଳନୀ ।…
ଭୁବନେଶ୍ୱର : ପିସିସି ସଭାପତିଙ୍କୁ କାଳିମାଡ଼ । କଂଗ୍ରେସ ଭବନରେ ପିସିସି ସଭାପତି ଶରତ ପଟ୍ଟନାୟକଙ୍କୁ କାଳିମାଡ଼। ଆଜି କଂଗ୍ରେସ…
ଲମତାପୁଟ : ବିଦ୍ୟୁତ ତାର ସଂସ୍ପର୍ଶରେ ଆସି ଜଣେ ବ୍ୟକ୍ତିଙ୍କ ମୃତ୍ଯୁ । ମୃତ ବ୍ୟକ୍ତି ଜଣକ ଲମତାପୁଟ ବ୍ଲକ…
ଅଗ୍ରସର ହେଲା ମୌସୁମୀ । ଓଡ଼ିଶାର ୨୪ଟି ଜିଲ୍ଲାକୁ ଛୁଇଁବା ସହ ଅଧିକ ଅଗ୍ରସର ହେଉଛି ଦକ୍ଷିଣପଶ୍ଚିମ ମୌସୁମୀ ବାୟୁ…