କରୋନା ଲକ୍ଡାଉନ୍ ଯୋଗୁ ଲୋକମାନେ ଏବେ ବହୁ ସମସ୍ୟାର ସମ୍ମୁଖୀନ ହେଉଛନ୍ତି। ଖାସ୍ କରି ଦିନ ମଜୁରିଆ, ଶ୍ରମିକ, ଭିକାରୀ ତଥା ଗରିବ ଲୋକମାନେ ଏଭଳି ସ୍ଥିତିରେ ଦିମୁଠା ଦାନା ଯୋଗାଡ଼ କରିପାରୁନାହାନ୍ତି। ଏହି ସମୟରେ କେତେକ ବେସରକାରୀ ସଂସ୍ଥା ଓ ସାହାଯ୍ୟକାରୀ ଲୋକ ସେମାନଙ୍କୁ ସାହାଯ୍ୟ କରିବାକୁ ଆଗେଇ ଆସିଛନ୍ତି। ସୁରତର ସେହିଭଳି ଜଣେ ପରୋପକାରୀ ବ୍ୟକ୍ତି ହେଉଛନ୍ତି ଜିଗ୍ନେଶ ଗାନ୍ଧୀ।
ଜିଗ୍ନେଶ ପେସାରେ ଜଣେ ଟେକ୍ସଟାଇଲ୍ ବ୍ୟବସାୟୀ। ସେ ପ୍ରତିଦିନ ସକାଳ ୬ଟାରୁ ଉଠି ଲୋକଙ୍କ ସାହଯ୍ୟ କରିବାକୁ ଘରୁ ବାହାରି ଆସିଥାନ୍ତି। ଲକ୍ଡାଉନ୍ ଘୋଷଣା ହେବା ଦିନଠାରୁ ଅର୍ଥାତ୍ ପ୍ରାୟ ୪୬ ଦିନ ହେବ ସେ ୧୨,୦୦୦ ଲୋକଙ୍କୁ ଦୁଇ ଓଳି ଖାଇବା ଯୋଗାଉଛନ୍ତି। ସେ ପ୍ରତିଦିନ ସୁରତର ସ୍ଥାନୀୟ ପରିବା ମଣ୍ଡିରୁ ୧୫୦ କେଜିରୁ ଅଧିକ ପରିବା କିଣିଥାନ୍ତି। ଏଥିସହ ୫୦୦ କେଜି ଡାଲି-ଚାଉଳ କିଣିଥାନ୍ତି। ସମସ୍ତ ସାମଗ୍ରୀକୁ ସେ ୬ଟି ସ୍ଥାନରେ ପହଞ୍ଚାଇଥାନ୍ତି। ସେଠାରେ ଭୋଜନ ପ୍ରସ୍ତୁତ ହୋଇ ବଣ୍ଟାଯାଏ।
ଏନେଇ ୪୫ ବର୍ଷୀୟ ଜିଗ୍ନେଶ ଗାନ୍ଧୀ କୁହନ୍ତି ଯେ ଆମେ ଜାଣିଛୁ ଖାଲି ପେଟରେ ଶୋଇବା କେମିତି ହୋଇଥାଏ। ଏଣୁ ଲୋକଙ୍କୁ ଭୋକରେ ବ୍ୟସ୍ତ ହେଉଥିବା ଦେଖିପାରେନି। ଏବେ ଭୋକିଲାଙ୍କ ପେଟ ଭରୁଛି। ତେବେ ମୁଁ ଏଭଳି କାମ ପ୍ରଥମ ଥର ପାଇଁ କରୁନି। ୧୬ ବର୍ଷ ବୟସରୁ ହିଁ ମୁଁ ଲୋକଙ୍କ ସାହାଯ୍ୟ କରିଆସୁଛି।
ଜିଗ୍ନେଶଙ୍କ କହିବା ମୁତାବକ ପ୍ରତିଦିନ ହଜାର ହଜାର ଲୋକଙ୍କୁ ଖାଦ୍ୟ ଯୋଗାଇବା ପାଇଁ ଏବେ ଯାଏଁ ସେ ପ୍ରାୟ ୩୬ ଲକ୍ଷ ଟଙ୍କା ଖର୍ଚ୍ଚ କରିସାରିଲେଣି। ବାକି ଟଙ୍କା ତାଙ୍କ ଏନ୍ଜିଓ ସଂସ୍ଥା ଅଲୟନ୍ସ କ୍ଲବ ଅଫ୍ ସୁରତ ‘ହୋପ’ରୁ ଆସୁଛି। ସେ କହିଛନ୍ତି ଯେ ତାଙ୍କୁ ସରକାର କିମ୍ବା ଅନ୍ୟ କୌଣସି ସଂସ୍ଥାରୁ ସହାୟତା ମିଳିନାହିଁ।
ମେଷ : ବ୍ୟବସାୟ ତଥା ଅନ୍ୟ କ୍ଷେତ୍ରରେ ଆଜିର ଦିନ ଆପଣ ପାଇଁ ଲାଭପ୍ରଦ ଅଟେ । ଘର ତଥା…
ଭୁବନେଶ୍ଵର(କେନ୍ୟୁଜ୍): ସମୟ ଥିଲା ଅପରାହ୍ନ । ଅନେକ ବ୍ୟକ୍ତି, ସଂଗଠନ, ସାଧାରଣ ଲୋକ ଆସି ରାଜ୍ୟ ଅତିଥି ଭବନର ଅସ୍ଥାୟୀ…
ଭୁବନେଶ୍ୱର: ଟାଇଁ ଟାଇଁ ମୁଣ୍ଡଫଟା ଖରା । ଚାଲିକି କି ସାଇକେଲରେ ଯିବା ଲୋକ ଖୋଜୁଛି ଗଛ ଛାଇ ଟିକେ…
ଗଞ୍ଜାମ(କେନ୍ୟୁଜ୍): କାର ସହ ମୋଟର ସାଇକେଲ ମୁହାଁମୁହିଁ ଧକ୍କା। ୨ ବାଇକ ଆରୋହୀ ମୃତ । ଗଞ୍ଜାମ ଜିଲ୍ଲା ଖଲ୍ଲିକୋଟ…
ଭୁବନେଶ୍ୱର(କେନ୍ୟୁଜ୍): ନିଷ୍କ୍ରିୟ ରହିଛି ଦକ୍ଷିଣ ପଶ୍ଚିମ ମୌସୁମୀ ବାୟୁ । ଦକ୍ଷିଣ ଓଡିଶାରେ ପ୍ରବେଶ କରିବା ପରେ ଆଉ ଆଗକୁ…
ଭୁବନେଶ୍ୱର(କେନ୍ୟୁଜ୍): ଆସନ୍ତାକାଲି ପାଳିତ ହେବ ଆର୍ଟ ଅଫ୍ ଗିଭିଂ ଦିବସ । ଅନ୍ୟକୁ ସାହାଯ୍ୟ ଏବଂ ଦାୟିତ୍ବ ସମ୍ପନ୍ନ ଭାବେ…