ଆଜି ବିଶ୍ୱ ଶିଶୁ ଶ୍ରମିକ ନିରୋଧ ଦିବସ, ୨୦୨୫ ମସିହା ସୁଦ୍ଧା ବିଶ୍ୱ ହେବ ଶିଶୁ ଶ୍ରମିକ ମୁକ୍ତ

ପ୍ରତିବର୍ଷ ଜୁନ ମାସ ୧୨ ତାରିଖରେ “ବିଶ୍ୱ ଶିଶୁ ଶ୍ରମିକ ନିରୋଧ ଦିବସ” ଭାବେ ପାଳିତ ହୋଇଥାଏ । ପୃଥିବୀର ଅଧିକାଂଶ ରାଷ୍ଟ୍ରରେ ଶିଶୁ ଶ୍ରମିକକୁ ଏକ ଅପରାଧ ଭାବେ ଧରାଯାଇଥାଏ । ଏହି ନିୟମ ତଥା ଆଇନ ନମାନୁଥିବା ବ୍ୟକ୍ତିଙ୍କୁ କଠୋର ଦଣ୍ଡ ଦିଆଯାଇଥାଏ । ବିଶ୍ୱର ବିଭିନ୍ନ ଦେଶ ମାନଙ୍କରେ ଏନେଇ ଅନେକ ନିୟମ ଥିଲେ ମଧ୍ୟ ଦିନ କୁ ଦିନ ଶିଶୁ ଶ୍ରମିକ ଓ ତାଙ୍କ ଉପରେ ହେଉଥିବା ଅତ୍ୟାଚାର ମାମଲା ଦିନ କୁ ଦିନ ବଢିଯାଇଛି । ସମସ୍ତଙ୍କ ମଧ୍ୟରେ ଏନେଇ ସଚେତନତା ସୃଷ୍ଟି କରିବା ହିଁ ଏହି ଦିବସ ପାଳନର ମୁଖ୍ୟ ଉଦ୍ଦେଶ୍ୟ । ଆମ ଭାରତୀୟ ସମ୍ବିଧାନର ମୌଳିକ ଅଧିକାରରେ ଶିଶୁ ଶ୍ରମିକ ନିରୋଧ ବାବଦରେ ଉଲ୍ଲେଖ ରହିଛି  କିନ୍ତୁ ପ୍ରଥମେ ଶିଶୁ ଶ୍ରମିକଙ୍କ ନେଇ ଥିବା କିଛି ଜାଣିରଖିବା ଉଚିତ:

ଏକ ରିପୋର୍ଟ ଅନୁଯାୟୀ, ବର୍ତ୍ତମାନ ସମୟରେ ବିଶ୍ୱରେ ପ୍ରତି ଦଶ ଜଣରେ ଜଣେ ଶିଶୁ ଶ୍ରମିକ ଭାବେ କାର୍ଯ୍ୟ କରୁଛି । କିନ୍ତୁ ୨୦୦୦ ମସିହାରୁ ଏଯାବତ ଶିଶୁ ଶ୍ରମିକଙ୍କ ୯୪ ମିଲିୟନ ହ୍ରାସ ପାଇଛି । ୨୦୨୫ ମସିହା ସୁଦ୍ଧ ବିଶ୍ୱରକୁ ଶିଶୁ ଶ୍ରମିକ ମୁକ୍ତ କରିବା ପାଇଁ ଜାତିସଂଘ ଲକ୍ଷ ନିର୍ଦ୍ଧାରଣ କରିଛି ।

୧. ଶିଶୁ ଶ୍ରମିକ ଏକ ବ୍ୟାପାର, ପିଲାବେଳକୁ ଉପଭୋଗ କରିବା ସମସ୍ତ ଶିଶୁଙ୍କ ଜନ୍ମଗତ ଅଧିକାର

୨. କୋମଳମତି ଶିଶୁ ମାନଙ୍କୁ କାମରେ ରଖିବା ମାନବିକତା ଉପରେ ଏକ କଳଙ୍କ, ଏହା ଉପରେ ପ୍ରତିବନ୍ଧ ଲଗାଇ ସମାଜକୁ ନିଷ୍କଳଙ୍କ କରିବା ଉଚିତ ।

୩. ଶିଶୁ ମାନଙ୍କୁ ଶ୍ରମରେ ରଖିବା ଏକ ପ୍ରକାର ପାପ, ଯାହାର ଉତ୍ତର ଦାୟୀ ହୁଏତ ଆମେ ନିଜେ ।

୪. ଏହି ପ୍ରଥାକୁ ମୂଳରୁ ହଟାନ୍ତୁ, ଦେଶର ପ୍ରତ୍ୟକଟି ଶିଶୁଙ୍କୁ ଶିକ୍ଷିତ କରାନ୍ତୁ ।

୫. ଶିଶୁ ଶ୍ରମିକ ପ୍ରଥା ଅତ୍ୟନ୍ତ ଖରାପ, ଏହା ଦ୍ୱାରା ଦେଶ ପ୍ରତି ବିପତ୍ତି ବଢିଥାଏ ।