ବିବାଦରେ ଅଷ୍ଟ୍ରେଲିଆ କ୍ରିକେଟରେ ମାଇକେଲ କ୍ଲାର୍କ । ମାଇକେଲ କ୍ଲାର୍କଙ୍କୁ ଚାପୁଡା ମାରିଲେ ପ୍ରେମିକା । ଯାହା ଏବେ ସୋସିଆଲ ମିଡିଆରେ ଭାଇରଲ ହେବାରେ ଲାଗିଛି । ୨୦୧୫ରେ ଅଷ୍ଟ୍ରେଲିଆକୁ ଦିନିକିଆ ବିଶ୍ୱକପ୍ ଜିତାଇଥିବା ମାଇକେଲ କ୍ଲାର୍କଙ୍କୁ ପ୍ରେମିକା ଚାପୁଡା ମାରୁଥିବା ଭିଡିଓ ଭାଇରଲ ହେବାରେ ଲାଗିଛି ।
ଭିଡିଓରେ କ୍ଲାର୍କଙ୍କ ପ୍ରେମିକା ଜେଡ ୟାରବୋଜ୍ ତାଙ୍କୁ ଚାପୁଡା ମାରୁଛନ୍ତି। କ୍ଲାର୍କଙ୍କ ପୋଷାକ ଖୋଲିବାକୁ ଚେଷ୍ଟା କରୁଛନ୍ତି। ଏହାସହିତ କ୍ଲାର୍କଙ୍କୂ ମାରିବା ସହିତ ଗାଳି ମଧ୍ୟ କରୁଛନ୍ତି । ଭିଡିଓରେ କ୍ଲାର୍କ ସାର୍ଟଲେସ ହୋଇ ପାର୍କରେ ଲୋକଙ୍କ ମଧ୍ୟରେ ଚାପୁଡା ଖାଉଛନ୍ତି । ତାଙ୍କ ପ୍ରେମିକା କହୁଛନ୍ତି, କ୍ଲାର୍କ ଅନ୍ୟ ଯୁବତୀଙ୍କ ସହିତ ସଂପର୍କରେ ରହିଛନ୍ତି। ଏହି କଥାକୁ ଖଣ୍ଡନ କରି ପ୍ରେମିକାକୁ ବୁଝାଇବାକୁ ଚେଷ୍ଟା କରୁଛନ୍ତି କ୍ଲାର୍କ। ଏହା ମିଛ ବୋଲି ବୁଝାଉଛନ୍ତି। ହେଲେ ପ୍ରେମିକା ବୁଝିବାକୁ ନାରାଜ ।
ତେବେ ଏହି ମାମଲାରେ ପୋଲିସ ଯାଞ୍ଚ କରୁଛନ୍ତି। ଯଦି ଏହା ସତ ପ୍ରମାଣିତ ହୁଏ, ତେବେ ଅଷ୍ଟ୍ରେଲିଆ-ଭାରତ ମଧ୍ୟରେ ହେବାକୁ ଥିବା ସିରିଜରେ କମେଣ୍ଟ୍ରି କଣ୍ଟ୍ରାକ୍ଟ ହରାଇ ପାରନ୍ତି କ୍ଲାର୍କ । ଏମିତି ହେଲେ ପାଖାପାଖି ୧୪୪,୦୦୦ ଡଲାର ପାଖାପାଖି କ୍ଷତି ସହିବାକୁ ହେବ ।
ସୂଚନାଯୋଗ୍ୟ, ମାଇକେଲ କ୍ଲାର୍କ ଅଷ୍ଟ୍ରେଲିଆ ପାଇଁ ୧୧୫ଟି ଟେଷ୍ଟ, ୨୪୫ ଦିନିକିଆ ଏବଂ ୩୪ଟି ଟି-୨୦ ମ୍ୟାଚ୍ ଖେଳିଛନ୍ତି । ସେ ଏହି କ୍ରମରେ ୮୬୪୩, ୭୯୮୧, ୪୮୮ ରନ୍ କରିଛନ୍ତି। ତାଙ୍କ ଅଧିନାୟକତ୍ୱରେ ଅଷ୍ଟ୍ରେଲିଆ ୨୦୧୫ ବିଶ୍ୱକପ ମ୍ୟାଚ୍ ଜିତିଥିଲା ।
ଭୁବନେଶ୍ୱର : ଅମାନିଆଙ୍କୁ କମିସନରେଟ ପୋଲିସର ଆକ୍ସନ । ଗାଡ଼ି ଚଲାଇବା ସମୟରେ ମୋବାଇଲରେ କଥା ହେଉଥିବା ବେଳେ ଗାଡ଼ି…
ଆଜିକାଲି ରୋଗରେ ପିଡ଼ିତ ହେବା ସାଧାରଣ କଥା ହୋଇଗଲାଣି । ଷ୍ଟୋନ୍ ଆଉ ଟ୍ୟୁମର ପ୍ରାୟତଃ ସମସ୍ତଙ୍କୁ ହେଉଛି ।…
ଅରୁଣାଚଳ ପ୍ରଦେଶ ବିଧାନସଭା ନିର୍ବାଚନରେ ବାଜି ମାରିଛି ବିଜେପି । ବିଜେପି ପୁଣିଥରେ ଅରୁଣାଚଳ ପ୍ରଦେଶରେ ୪୬ ସିଟରେ ବିଜୟ…
ଯେତେବେଳେ ବି ଆମେ କୌଣସି କାର୍ଯ୍ୟ କରିବା ପାଇଁ ବାହାରିଥାଉ, ଆମ ମୂଳ ଉଦ୍ଦେଶ୍ୟ ହୋଇଥାଏ ସେହି କାର୍ଯ୍ୟକୁ ସଂପୂର୍ଣ୍ଣ…
କାଲିମେଳା : ଘରେ ମୋବାଇଲ ଆଉ ବାଇକ୍ ଅଛି । ହେଲେ ଘରେ ନାହାଁନ୍ତି ଡାକ୍ତର ବାବୁ । ଗତକାଲି…
ଅନେକ ଲୋକ ଏପରି ଅଛନ୍ତି ଯେଉଁମାନଙ୍କ ଟାଇଫିଂ ସ୍ପିଡ୍ ବହୁତ ଅଧିକ ରହିଥାଏ । ଆପଣ ବି କେବେ ନା…