ଭାରତୀୟ ଟିମ୍ ତଥା ଚେନ୍ନାଇ ସୁପରକିଙ୍ଗସର ଅଲରାଉଣ୍ଡର ଦୀପକ ଚହର ଗାର୍ଲଫ୍ରେଣ୍ଡ ଜୟା ଭରଦ୍ୱାଜଙ୍କୁ ଆଜି ବିବାହ କରିବାକୁ ଯାଉଛନ୍ତି। ଆଗ୍ରାର ଦୀପକ ଚହର ଦିଲ୍ଲୀର ବାରହଖମ୍ଭା ନିବାସୀ ଏଣ୍ଟରପ୍ରେନ୍ୟୁଅର ଜୟା ଭରଦ୍ୱାଜଙ୍କ ସହିତ ବିବାହ ବନ୍ଧନରେ ଆବଦ୍ଧ ହେବେ। ଦୀପକ ନିଜ ରିଲେସନସିପ ନେଇ ବହୁତ ଚର୍ଚ୍ଚାରେ ରହିଥିଲେ। ଏବେ ଆଗ୍ରାରେ ପ୍ରେମିକାଙ୍କ ମଥାରେ ସିନ୍ଦୁର ଭରିବେ ଦୀପକ।
ଆଗ୍ରାର ଫତେହାବାଦ ରୋଡ ସ୍ଥିତି ପଞ୍ଚତାରକା ହୋଟେଲ ଜେପି ପ୍ୟାଲେସରେ ଦୀପକ ଏବଂ ଜୟା ବାହା ହେବେ। ଆଜି ସକାଳ ୧୦ଟାରୁ ସେମାନଙ୍କର ହଲଦୀ ଉତ୍ସବ ଏବଂ ରାତିରେ ବିବାହ ଉତ୍ସବ କାର୍ଯ୍ୟକ୍ରମ ରହିଛି। ଦୀପକ ଏବଂ ଜୟାଙ୍କ ପରିବାର ଲୋକ ମେହେନ୍ଦୀ ଉତ୍ସବରେ ଭାଗ ନେବେ। ଯାହାର ଫଟୋ ସାମ୍ନାକୁ ଆସିଛି।
ଏହି ଫଟୋରେ ଦୀପକ ପଠାନୀ କୁର୍ତ୍ତା ପିନ୍ଧିଥିବା ବେଳେ ଜୟା ଲେହେଙ୍ଗାରେ ନଜର ଆସିଛନ୍ତି। ମେହେନ୍ଦୀ ଉତ୍ସବ ପରେ ରାତିରେ ସଂଗୀତ କାର୍ଯ୍ୟକ୍ରମ ହୋଇଥିଲା। ଯେଉଁଥିରେ ଦୀପକ ଏବଂ ଜୟା ଜବରଦସ୍ତ ଡ୍ୟାନ୍ସ କରିଥିଲେ।
ବିବାହର ସମସ୍ତ କାର୍ଯ୍ୟକ୍ରମ ପାଇଁ ଏକ ଇଭେଣ୍ଟ ମ୍ୟାନେଜମେଣ୍ଟ କମ୍ପାନୀକୁ ଦାୟିତ୍ୱ ଦିଆଯାଇଛି। ବିବାହ ରୟାଲ ଗ୍ରାଡୟୋର ଥିମରେ କରାଯିବ। ହୋଟେଲ କ୍ୟାମ୍ପସରୁ ବ୍ୟାଣ୍ଡ ବାଜାରେ ବରଯାତ୍ରୀ ବାହାରିବେ। ବିବାହ ଉତ୍ସବକୁ ୬୦୦ ଲୋକଙ୍କୁ ନିମନ୍ତ୍ରଣ
କରାଯାଇଛି। ଯେଉଁଥିରେ ଜଣାଶୁଣା କ୍ରିକେଟର୍ସ ସାମିଲ ରହିଛନ୍ତି। ଦୀପକ ଆଇପିଏଲ୍ ୨୦୨୧ରେ ଲାଇଭ ମ୍ୟାଚ ବେଳେ ଜୟାଙ୍କୁ ପ୍ରପୋଜ କରିଥିଲେ। ଚେନ୍ନାଇ ସୁପର କିଙ୍ଗସ୍ ଏବଂ ପଞ୍ଜାବ କିଙ୍ଗସ୍ ମଧ୍ୟରେ ଖେଳାଯାଇଥିବା ମ୍ୟାଚରେ ସୁପର କିଙ୍ଗସ୍ର ଷ୍ଟାର ବୋଲର ଦୀପକ ଚହର ମ୍ୟାଚ୍ ସରିବା ପରେ ଷ୍ଟାଣ୍ଡକୁ ଯାଇ ଜଣେ ଯୁବତୀଙ୍କୁ ପ୍ରପୋଜ୍ କରିଥିଲେ । ସେଠାରେ ଷ୍ଟାଣ୍ଡରେ ଉପସ୍ଥିତ ସମସ୍ତେ ଛିଡା ହୋଇ ଦୀପକ ଚହର ଏବଂ ତାଙ୍କ ପ୍ରେମିକାଙ୍କୁ ସମ୍ମାନ ଜଣାଇଥିଲେ ।
ସମଗ୍ର ଦେଶରେ ଲୋକମାନେ ଦାବି କରୁଛନ୍ତି ଯେ ସେମାନଙ୍କର ଜିଓ ସେବା କାମ କରୁନାହିଁ । ସେମାନେ କହୁଛନ୍ତି ଯେ,…
କାକଟପୁର (କେନ୍ୟୁଜ): ପାଗଳ ବିଲୁଆ ଆତଙ୍କରେ ଥରହର ହେଉଛନ୍ତି ଗାଁ ଲୋକେ । ଅସ୍ତରଙ୍ଗ ନିକଟ ବେଗୁନିଆବସ୍ତ ଗାଁରେ ଏକ…
ଯାଜପୁର (କେନ୍ୟୁଜ) : ଚାଲିଛି ସଂଘର୍ଷପୂର୍ଣ୍ଣ ଲଢେଇ । କର ବା ମର ପରିସ୍ଥିତି । ଏପଟେ ଗ୍ୟାଲେରୀରେ ଦର୍ଶକଙ୍କ…
ଭୁବନେଶ୍ୱର : ପ୍ରଚଣ୍ଡ ଗୁଳୁଗୁଳି ପରେ ବଦଳିଲା ପାଗ । ରାଜଧାନୀରେ ବିଜୁଳି ଘଡ଼ଘଡ଼ି ସହ ବର୍ଷା । ଅସହ୍ୟ…
ବାବାଙ୍କ ଭକ୍ତିରେ ଲୀନ ଶ୍ରଦ୍ଧାଳୁ । ସମସ୍ତଙ୍କ ମୁହଁରେ ଗୋଟାଏ ଶଦ୍ଦ ବାବା.. ଭୋଲେନାଥ.. । ଦେବ ଦେବ ମହାଦେବଙ୍କୁ…
ଇରାନ୍ର ଉତ୍ତର ଭାଗରେ ଥିବା ଏକ ହସ୍ପିଟାଲରେ ଭୟାବହ ଅଗ୍ନିକାଣ୍ଡ ଘଟିଛି । ଏଥିରେ ୯ ଜଣ ରୋଗୀଙ୍କର ମୃତ୍ୟୁ…